DANIEL 12:6 - ASII LAKDAP Bible (BSI)

⁶ Kra chaptlaq wenai kiiwa, weshi raq rase ma jürai khu lamthaq linlin na chaptiwe kiima akha waito, “Riita ara awangchang jaqsham mra thun pin wan tlaq arka, ümtincho niishetiq wa mithum?”

Hawa Naga Bible 2001

⁶ Tsuingnueyc wawc washiz rueq yuix khux kox nuex jvp yaq raungkamx waz muex ngoc, “Vruex vwangc juing phvnx htenc htumx nuex httuiuc laz mtanc khvnc lac htvmx tvnx?” ngoz tueq wiz tueq.

DANIEL 12:6 Referencias Cruzadas

Tvtsvmc 74:9

Nashiq asii khütsaü lochu bat chang tsaüwe khamchong thun wiita tiithenbaiqto; shammibi min tiichong mak ahüshe, kiimaq akhiika ümtincho na saüli sichang wa jurmin saplot mai.

EJEKIEL 9:2

Kra ngori tlothit miili maiq wetrok ka Shomjam maq shekhu nü na kinphai ruk kilamchong kriiwa dong wanto, loweatek jaq na rekhat chang hupsam ka piraq chhaq maq. Tsangshiq rai maiq weshi asi. Apaiq ka raihi-nairai khealü miirii samraü. Kiimaq ajaq niika lak waiq chang hupsam kriimin shamshat. Tsangshiq tarü ka wato. Raüta miiki berong-wacha tho kiijaq chaprang chapkito.

DANIEL 12:5

Kiijiishe ngi raq maiqwe nai anai jüraikii na, siimkonairi na chapraq raq chhikang.

DANIEL 12:8

Apaiq raq jamlai wa chongtaq, kriika ngi raq taikang. Shatmaq kra liichum ka ngi raq taklot mang riikang. Kriikha niishe ngi raq, “Shatmaq shiilangwe lei, arka jamkho mithum wan?” nguta waikang.

DANIEL 8:13

Kiijiishe ngi raq rase ashi raq rase ashi ma bom ka akha waito taikang, “Riita ara riisham mak maq tiichhikuq tlaq mra pin arka, ümtincho na saüli wa mipin wan? Ranaiqtek honglu kewan jaqsham ka, atinkhan abi riiqkhiq ngarai jaqsham maq ümtincho na saüli wa milai baiq wan? Kiimaq ramungtan phenlabi nai Shomjam ka ümtincho na saüli wa hok maq nishishi mihaihii wan?”

DANIEL 8:16

Kiijiishe ngi raq Ulai rai reko maq maiqbom ashi raq akha riimtlo taikang, “Gabriel lei, apaiq ma ariisham mak maq jamlai wa chhitaq kra liichum ka chongkuq laq.”

Matthew 24:3

Jesuq ka Olip Pero Hiqlam na anga riito. Kiijaq ajaqshisetiim ka apaiq phana waraüta tsangshiq hon honse bala na, “Naishiq ma chongkuq liita, ara chongtlaü Shomjam tiithen baiq akhing arka ümtincho wa misaü wan? Kiimaq ümnaq saükai akhing she saüto nguta kiimaq phangthum wan akhing ka saüto she dea nguta akhing sap chang miitu ka jamlai phan she wa mitiiji shi wan!” nguta bom ka apaiq ma waito.

Mark 13:4

Raüta, tsangshiq raq, “Riita, ara chongtlaü mra pin jonghea akhing aten arka, ümtiiko misaüho nya? Kiimaq kra mra pinho akhing ka saüho tlo she dea nguta, maji binriim bomchong tiiji shi kriika jamlai phan mo mitiichhi kuq,” nguta apaiq ma bom ka tiitsang waito.

Ephesians 3:10

Arka, ümchaü pat akhing niishetiq, phungtuti lü miishetiq, ara apaü raüta athü arwan jaqsham ara, ra na siti munglangti, rasetiim raq, kiimaq ramungtan na siti ningkun rümti winji welabi riimin, Shiikeawe anyan phaqchi jonglu kriika, atinkhan dea nya nguta, misap wan laq ngutiishe, tiichhi kuq tlo. Arka, Shiikeawe ningkun ka phanrap phanrii jaqsham maq tiichhi kuq tlaq kra, tiisap wan miitu she chongkuqtlo.

1 Peter 1:12

Shiikeawe raq ara man na sithü taq shammibi ma tiichhi kuq wanto. Tsangshiq raq shammi jaqsham wan tlaq ka, tsangshiq miitu ka riimak. Shatmaq, ümchaü pat na, namshiq sitlan ara miitu miraq nguta chongkuqto. Kra shammibi raq, man na pat na jamlai wa phanchan kuq taq, kriishe ümchaü pat na namshiq ma Tsütsa Ahea chongphan ketibi riishe tiitai kuq tlo. Tsangshiq raq namshiq ma ara, Tsütsa Ahea tra hokuq tlaq thaq na, Shiikeawe raq ramungtan wa atiiki Asii Wenyi raq tsangshiq tsütsa chongke ka, tsangshiq khum na arom riiraüta chongkuq tlo. Ara chongtiikai Shiikeawe jaqsham ahata ra na siti rasetiim raq dongdii min sap n dam haijaq nguta ümtinkhan wa tsinngin tlo.

Revelation 15:6

Kiijaq rasetiim miishi, thawa phan miishi kra rümti kiimin shomjam mong wa donghoto chhikang. Tsangshiq ka achhai anyii raihi-nairai khea miirii samraqraq. Kiimaq tsangshiq khuk niimin chaq shinket paraqraq.

Revelation 19:14

Ramungtan wa phenlabi thun ka apaiq jai phanphan wa tlo. Tsangshiq thun ka kumrang lü thaq na chao raqraq riito. Kiimaq tsangshiq miirii ka siirairai raihi-nairai khea samraqraq riito.

Revelation 6:10

Tsangshiq raq tiihong raüta siitrangto, “Ajong Pinthum Tatiwe lei, ümniika asii kiimaq tingting! Naishiq tseati matwe thun ka ümniiraq ümtinchotiq wa kha mipho kuq haü. Laüta tsangshiq kha bu ho tlaq kra miitu, tsangshiq ka mitiichamchao haü?”