DANIEL 12:4 - ASII LAKDAP Bible (BSI)

⁴ Apaiq raq ngi ma nguto, “Riita, Daniel lei, kra lakdamkom ka, ümchaü akom laüta shaq thülaq. Laüta phangthum akhing misaüho shaq wiiwii, sil maq trap laüta phan thü laq. Kiimaq kra liipan na maiqse pahea raq, jamlai mra wa pin tlaq kra, sap wan haijaq nguta atu na phaqchi rit, kai mihun niiwan.”

Hawa Naga Bible 2001

⁴ Piq rueq ngaz muex jungx phuex, “Daniel lex, majuiuc kuex ghaq htumx wvnc nuex httuiuc laz, luik dvp kuex lvmz gay ruiux, kvruex htauk kvyuq tvtsuingc juing tvsik wung shuiuz. Kvruex baunglaung yvmx lac yaungx wvnc tvnx kuex tuiuz tay laz juing miq paunghvlc kuex tsuingshiq hunglaungx yaq yauk shuimc nuex vkhing tvhtumx gay shuex,” ngoz tueq jungx tueq.

DANIEL 12:4 Referencias Cruzadas

ISAIA 11:9

Jajon na, Shiikeawe asii hiq lam na, kiijaq maiqhaisong chang jamlai min ahü she miraq, kiimaq abi ati phan jam min ahüshe miraq. Kra mung ka khamjong chum ka kham raq matlaq ikha Tati saptsin phaqchi riili ama aliim alei miraq.

ISAIA 29:11

Riisham mak chhi aweatek liichum ka namshiq ma chongkuq mak apaü mirbaiq. Kriika lakdam kom sil maq phanje ikha miraq. Kriikha maq ümniiraq lakdam kom ka lamho laüta maiq weshi ra aphat atsinti nang nga kra phat kuqlaq nguta chonghaü jiila, kriiwe raq apaiq raq phattsü mang ngutli michong. Jamkhano ngukla kra lakdam kom ka sil maq phanje.

ISAIA 30:26

Jipi kaü ka rashe kaü kiitlaq ikha chaihea mili. Kiimaq rashekaü ka rahinjaq na litlaq kra thaq na jang miishe achan mili. Ranaiq miishi kiitlaq kriika ranaiqshi na rom raüjaq ümtinkhan wa kiijiiq kiitinkhan mikii. Arka Tatiwe raq asenginok dü na apaiq raq ümchuwa tiimitsi wantaq kra, ajop riikuq raüta ami thun ka tiiheakuqtlaq kiitiikaq miku wan.

ISAIA 32:3

Tsang mak thun nai tsangni thun ka mungmaiqse ma rongraatlaq thun kra chhi miitu tiipiiq shat miraq.

ISAIA 8:16

Namshiq ijaqshisetiim raq Shiikeawe raq ngi ma tsütsa bomtsi achongkuq thun kra tsapkapkap maq saiqsam lantea riim ratlo.

JEREMIA 5:1

Jerusalemti lei, namshiq chiihea wea lam thun kiimaq juronglaq! Lantea tro tri liironglaq! maiqmii mak maq liironglaq! Kejat thung thun kra rit ronglaq! Maiq ashi ra riikhaqli jaqshamti mihumhan shea kiimaq Shiikeawe wokhong na tsapkapkap maq sila nguta shiikutti asi shea? Namshiq raq, humhan jiika Tatiwe raq Jerusalem mra ka midiikuq.

DANIEL 10:1

Sairas raq Parsia mung na Ajong Hokham jaqsham wanli maq, rawiitsam she angu na, Daniel ma riishammakchhi ashi tiichhikuqto. Apaiq ka Belteshajjar ngutiimin ngutlo. Kra riisham bomchong ka tengteng. Shatmaq liichum ka atak ma tsinhea. Kra liichum ka apaiq ma riisham makchhi maq chongkuqto.

DANIEL 10:14

Ngi ümphana saükikang arka, rawiishiqwii namshiqnok ka jamkha jawan chang wa miraq kra ümniiraq sap wan miitu chongkekai kikang. Riita ara riishammakchhi arka rawiichii miitu tiichhi kuqto.”

DANIEL 11:33

Anyan phaqchi rümti welabi raq nanok ahinti mungmaiqse rai tsii ka mirchong. Shatmaq jaqlo liipan bala tsangshiq phong wa, maiq wiijamti ka re na mitsai. Kiimaq wiijam ka atra maq wa na michaq baiq. Kiimaq maiq wiijam ka tsangshiq tsiiqchong nyamchong ka wiita re raq mitsuq wan. Raüta kealokshe miraq. Kiimaq maiq wiijam ka re raq shumwikong ma milap wan.

DANIEL 11:40

“Riita Siria mung hokhamwe ma, apaiq ningthoi she saüwanto angu na, Ejip mung hokhamwe raq apaiq ka mikhat. Kiijiishe Siria mung hokhamwe raq asengi phenlabi ka ra ma hiq ma tsuq raütiishe, apaiq ningkun wiita shoq raüta, kumrang leng thun, kumrang thun, kiimaq mokkiitu pahea riichom raütiishe, Ejip mung hokhamwe ka mikhat. Kiimaq apaiq raq maiqmung thun pahea ka, raju jüchhang watlaq ikha mikhat wan.

DANIEL 12:13

“Kiimaq Daniel lei, ümniika atiithum ranaiq na saüli tsapkapkap maq silaq. Kra laütiishetiq ümniika mitsai haü. Shatmaq ümniika amaa wa dong wan laüta ümniirii athü poksi kra phangthum ranaiq na milap haü.”

DANIEL 12:5

Kiijiishe ngi raq maiqwe nai anai jüraikii na, siimkonairi na chapraq raq chhikang.

DANIEL 12:9

Apaiq raq treto, “Daniel lei, ümniika ümchaü awa wan chang she. Jamkhano ngukla ara bomtsi thun arka phangthum akhing misaü shaq wiiwii maiq ahinti ma tiisap raamak, ahukse maq apaü raütli thüchang.

DANIEL 8:17

Krai mren, Gabriel ka dongchhaq saüwato raüta itho na chapto. Kra chhilata ngi ka phiip raq tsaikang. Lata hiq na bumki tlii riikang. Apaiq raq ngi ma chongto, “Maiqse han-ngam hiqda lei. Kra liichum ka tak laq. Kra riisham makchhi ka phangthum wan akhing wa bom.”

DANIEL 8:19

Raüta nguto, “Ngi raq ümniima Shiikeawe tsankhiq tsingo ka jamlai wa miraq kra tiichhi kuq tiikang. Kra riisham makchhi kriika, phangthum akhing na seng raüta tiichhi kuqto.

DANIEL 8:26

Riita ara ranap nai raji honglu kewan jaqsham riisham mak maq tiichhikuqto. Raüta chongkuqto. Arka tengteng miku wan. Shatmaq ümchaü ka apaü laütli thülaq. Jamkhano ngukla ara kupi wan miika rahiq luhea shaq dea asi.”

Matthew 24:14

Kiimaq ara Mungtan Tsütsa Ahea arka mangjong hiq hamli niishe michong kuq. Krai mren maiqse angu wiita raq kamwan miitu ara tsütsa ahea ara mitiitai kuq wan. Kra lot jai shetiq, maiqpat thum wan akhing rahiq kriishe misaü wan.”

Romans 10:18

Riita, bom ka akha hali wainong i na: Riita, tsangshiq raq tsütsa ahea kriika tai wan lap mak dea sha riita? Atai kla achan ana tai wan ngo li kha. Taimak dea ka riimak. Asii bomtsi na akha nguta chongtlo: “Tsangshiq traho bom chongke riinya raq, mangjong tlotli nyam wanto; Tsangshiq bomtsi ka mangjong hiq angu na, shokrap norii wiita na nyam wanto!”

Revelation 10:4

Tsangshiq raq kra chonglot ri she, ngi raq awaiq riithü la nguta dankang. Shatmaq, ngi ma ramungtan maq maiq bom ashi raq, “Ramok miishi raq jamlai bom wa chongtaq kriika kaiqshak maq apaü laüta thülaq. Kriika naq waiqthü kiq!” nguta tiiwin riimto taikang.

Revelation 22:10

Kiimaq apaiq raq ngi ma chongto, “Ara shammi bomchong lakdap arka apaü ka naqpaükiq. Jamkhano ngukla, arthun ara hong wan ma akhing ka ümchaü khatu she.

Revelation 5:1

Ngi raq hokham ngacho na ngati we, jaq jaqtsi nü na lakdam kom ashi chhikang. Kra lakdam kom ka siimhap ri na waiqje siisaq. Kiimaq ba miishi na sil maq trap phanje.