DANIEL 12:3 - ASII LAKDAP Bible (BSI)

³ Taksu maiqse welabi thun ka ra na rakhang chhaitlaq kiikha michhaisiq wan. Kiimaq maiqse ma kechu rilung lamphan tlangkuq wantiiti thun ka, ra na raiqsaiq chhaitlaq ikha pattup pat-sa mililiim wan.”

Hawa Naga Bible 2001

³ Wvtharc jix walaungx bix kuex raungwawc wuix yaq phvnx htenc ikhoc phelez tuex. Miq paunghvlc muex vlvmz rvkhauk laz phvnc tvkoc tvluingc kuy jix bix kuex ruiysuiyq ikhoc pattup phelez tuex,” ngoz tueq jungx tueq.

DANIEL 12:3 Referencias Cruzadas

DUNGWVNC 34:35

Kiimaq tsangshiq raq atheaphi ka achhai anyii chhitlo. Kra lot raütiishe apaiq raq kra khea maq atheaphi ka Tatiwe phana riibom wa nong miwa nong shaq wiiwii, pangshat riitlo.

TAKSU LAK 11:30

Kechu jaqsham tsingo ka rilung, shatmaq matsaü tsase jaqsham riika, maiq miisaq mithum.

TAKSU LAK 3:35

Taksu maiqse riika, shreng manto milap. Shatmaq angi nolati riika, shummii thoda kli mihophaq.

TAKSU LAK 4:18

Shatmaq kechu maiqse rilung lam ka, ranap na rashe dong wan tlaq ikha, ranaiq hoho rashekii ka, henghea riiwan tlaq ikha, liliim wantlo.

THARC TVLUINGC 12:9

Shatmaq Phaqchi Shrawe ka taksu maiqse. Kriikha maq, apaiq raq saptlaq kra, nokwe ma phaqchi ka shrin kuq wan ruq riito. Apaiq raq uqkhiima bomtsi ka arang chong maq liichum ka sidi wanto. Raüta tengtlaq bomtsi ka tingting maq shin raüta maitai wanto.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

JEREMIA 23:22

Tsangshiq raq ngi tiima tsantsii apaü lata athüha kra asap ngu raüka, tsangshiq raq isenginok ma itsütsa bomtsi ka chiiriim raüta tra miho kuq wan chang wa. Raüta tsangshiq raq ashut rilung singa tlaq kra aklai mirwan wa. Kiimaq tsangshiq raq abi ashut jaqsham wan tlaq thun kra athaq she arbaiq chang wa.

DANIEL 11:33

Anyan phaqchi rümti welabi raq nanok ahinti mungmaiqse rai tsii ka mirchong. Shatmaq jaqlo liipan bala tsangshiq phong wa, maiq wiijamti ka re na mitsai. Kiimaq wiijam ka atra maq wa na michaq baiq. Kiimaq maiq wiijam ka tsangshiq tsiiqchong nyamchong ka wiita re raq mitsuq wan. Raüta kealokshe miraq. Kiimaq maiq wiijam ka re raq shumwikong ma milap wan.

DANIEL 11:35

Kra welabi phong wa anyan phaqchi sapti maiq wiijam ka re raq mitsatbaiq. Shatmaq kra ningkhan, Shiikeawe sengi ka asii maiqsetiim miishe mija wan. Riita arka Shiikeawe raq atiithum akhing tiihongtaq kra misaü shaq wiiwii re ka dong wan ruqli miraq.

DANIEL 12:10

Maiqse pahea khum ka atiisii mirkuq wan. Abi maiqse thun raq arka sap wanlot mak miraq. Shatmaq tsangshiq ka pahea jabi wan wan khoti miraq. Taksu maiqsetiim riili arthun ka mitak wan.

Matthew 13:43

Kra akhing na Shiikeawe sengibi thun ka tsangshiq ma Awe Shiikeawe mungtan na rashe kaü ikha, achhai anyii watrang liishe mishong nga wan. Juwa ni asi, kriiti raq tiitsang tai rong laq!”

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Matthew 24:45

“Riita ikhiijiika juwa atsii asi kiimaq maiqshaq jaqshi se ka? Apaiq ma atijong we raq, apaiq ka wanhiq na kaiho ma, ajamkun kra mitiikhe thü. Kiimaq ajaqshisetiim ahinti sitlaq kriima akhing khaq khaq na tü adung tiiphaq siq lili riiliijo nguta apaiq ma arang mikuq thü.

John 4:36

Tsamjut ningchangti we riika, ningchang maq laptlo. Kiimaq tsam jut tlaq kriika, pattup pat-sa rilung tsam. Krai mren ajangti we nai ajutti we ka adam niishe michochi.

John 5:35

Johan traho bomchong ka namshiq ma wanii tu. Kra tai lanta namshiq ka chochi wan lan ihata. Namshiq ka bala shi se miitu, apaiq bomchong walü li na siwan lungwii lan ihata. Lanta chochi lan ihata.

Acts 13:1

Antiok phungtu na trahoke wanti shammibi nai kamasham bomtsi shrinketibi maiq ka asi riito. Tsangshiq ka Barnabas, Simon (Maiq nyaq we ngutlo), Lusia (Sairini mung wa), Manael (apaiq ka wanghupti we Herod raq atiijong lu wan), kiimaq Saul.

1 Corinthians 3:10

Shiikeawe raq ngi miika tsiimwe khiiqwe kongphiq kuqto. Kra phaqchi lümaq, ngi riika ara chongtiikang jam kra hai tiikang. Kiimaq jam hai chang jamkhü kra chhintsii kang she. Lata kham shong kang she. Kiimaq kongtibi ahinti riika, kra jam hai jaqthiq kra haiwan nongtlo. Shatmaq maiq pumsiitek raq, maiqmii jaqthiq kra jamkho haihun tlaq, kra samhea honkam shatmaq haihun chang.

Ephesians 4:11

Apaiq arkata, “Maiqse angu ma kongphiq pahea pheakuqto” nguta chongtliiwe kra. Apaiq raq, maiqse wiijam ka kiimwebi ma shongto; maiq wiijam ka shammibi ma shongto; kiimaq wiijam ka Tsütsa Ahea chongke wan miitu shongto; wiijam ka shrabi ma shongto; kiimaq wiijam ka ashrinketi ma shongto.

Hebrews 5:12

Ümchaü sanha, namshiq ka maiqla she, nanok ahinti ma Shiikeawe lamphan bomtsi chongketi, ashrinketi miishe jawan han chang wa. Jamkhano ngukla, namshiq ka Phung na shang wan li maq, rawii luhea she lea wan lan. Shatmiitiq, namshiq ka ümchaü min, nosere li riishatshat sitlan. Nanok raq namshiq ma, kamasham lamphan tiichap wan chang, tsütsa bomtsi se kriili chongke chang ma jatlan. Namshiq raq ümchaü sanha, kamasham bomtsi ka chungkaq dung kriishe sea han chang wa. Shatmaq, namshiqtiq ümchaü min, nyakpü kli nyang ruq nyang tlan. Namshiq ka ümchaü min, noshiisetiim ikhli sitlan.

2 Peter 3:15

Tatiwe raq kai nin wan raüta namshiq khewan tlo. Apaiq raq ümtinkhan nin raüto khebom tlaq arka, namshiq ka awokhong na tiikhup wong shat maq sihan jaq nguta akhing kuq tlo. Nashiq ma lungwii phuno we Paul riimin, Shiikeawe raq apaiq ma akuq anyan phaqchi ningkun maq ara chongtiikai Tatiwe saükai tsütsa bomtsi arsii li namshiq ma waiqto.

Revelation 1:20

Apaü raüta athü liichum ka ahata. Ümniiraq i jaq jaqtsi nü na raiqsaiqpo miishi, kiimaq lem tochang chaq kham miishi chhi tlaü liichum ka ara: Raiqsaiq pomiishi chhi tlaü kriika phungtu miishi kheti rasetiim sitlaq kra. Kiimaq piijongteng kham miishi chhi tlaü kriika phungtu miishi sitlaq kra.

PHOWEBI 5:31

Riita ümjaqtinok thun ka, kiikha siisaq mitsai laq, O Tatiwe lei, shatmaq ümkhi ümlubi thun ka, rashekaü dong wan tlaq ikha, ali aliim michhai wan laq! Kiimaq mung na wiiroqblai mung atsing maq sito.