DANIEL 11:40 - ASII LAKDAP Bible (BSI)

⁴⁰ “Riita Siria mung hokhamwe ma, apaiq ningthoi she saüwanto angu na, Ejip mung hokhamwe raq apaiq ka mikhat. Kiijiishe Siria mung hokhamwe raq asengi phenlabi ka ra ma hiq ma tsuq raütiishe, apaiq ningkun wiita shoq raüta, kumrang leng thun, kumrang thun, kiimaq mokkiitu pahea riichom raütiishe, Ejip mung hokhamwe ka mikhat. Kiimaq apaiq raq maiqmung thun pahea ka, raju jüchhang watlaq ikha mikhat wan.

Hawa Naga Bible 2001

⁴⁰ “Siria hokhvmx piq vtvsuip httuiuc wvnc yaq nuex, Ejip hokhvmx waz rueq piq kuex khvt shuex, kvkaq Siria hokhvmx waz rueq muinz piq luimc vkawc lotlaz maq raz tueq nolaungx renc htenc, mvre htenc, svngpholix paunghvlc maq khvt shuex. Piq rueq mungtan paunghvlc kuex yuix puingc ikhoc khvt lvp wvnc shuex.

DANIEL 11:40 Referencias Cruzadas

ISAIA 21:1

Arka Bebilon mung tiithai tsütsa. Rathaiqtro henghea raq kumtsaiphii rumnyangkhi wang tiithen hut wantlaq ikha, phiiptsi chang maiq mung ashi ki raüta mishthenbaiq.

ISAIA 5:28

Tsangshiq liqsin ka asi min sihea. Kiimaq tsangshiq liq ka ahiip homa tiijeshat. Tsangshiq kumrang kong thun hoksan kriimin jamachong khupo ikha tsinhea. Kiimaq tsangshiq kumrang leng jikom thun kriimin rahai wan tlaq ikha phiqhea kwintlo.

ISAIA 66:15

Tatiwe ka watu rai miki. Apaiq ka rathaiq raikhü na ngaraüta misaüho. Raüta apaiq rai tsan arkhiq sitlaqti thun kriima mo mitiiho.

JEREMIA 4:13

Liironglaq, rewe ka phum pong wan tlaq ikha saü wantlo. Apaiq rekhat chang kumrang leng phong ka atro rathaiq ikha saü wantlo. Kiimaq apaiq kumrang kong thun ka liihawe kaütiim bitlaq nam miimin aphiq lin. Nashiq ha miqkai she! Nashiq ha michup thumkai she!

EJEKIEL 38:4

Ngi raq apaiq ka khat lata milapha. Lata Ngi raq ngiq apun ikha pun maq akiq kra tlat chhat tiipu thot lata milapha. Lata apaiq ka raümaq khalata mihitha. Apaiq phenlabi thun kriimin kharii maq khalata mihit wanha. Aphenlabi ka kumrang kong rai nong nong maq, kiimaq phenla miirii sam raüta kumrang thaq na chaoti phenlabi ka ra ma hiq ma achong lot chang riimak miraq. Phenlabi ka loweatek raq liiq wiraq chhaq kiimaq nepja wiraq chhaq miraq.

EJEKIEL 38:9

Apaiq nai asengi phenlabi thun raq kiimaq apaiq rai maiq mung thun pahea raq apaiq rai pong raüta kra mung ka rathaiq henghea tiimok chhaq bok wantlaq ikha kra mung ka phumthup wantlaq ikha pang wantlii mikhat.”

DANIEL 11:10

“Siria mung hokhamwe setiim thun raq rekhat kai miitu chiqchap rechap she misürii wan. Raüta phenlabi ka hiq ma rama pahea mirchom. Asetiim phong wa weshi ka, nolajong pinthum miraq. Apaiq raq maiqmung thun ka jüjong rai chhang saü wan tlaq ikha mikhat kiimaq rewe phong ka achhelot chang riimak kiitelong ruk ikha kriimin wiita mikhat wan.

DANIEL 11:11

Kra chhiraüta, Ejip mung hokhamwe ka atsankhiqtsi ma, Siria mung hokhamwe kra mikhat wan. Raüta Siria mung hokhamwe phenlabi ka pahea rewa shumwi ma milap wan.

DANIEL 11:13

“Siria mung hokhamwe ka tsang mung na hali mijang wan nong. Raüta aphenlabi ka kongkhulak wa kriithaq niimin achan pahea she hali mirchom nong. Raüta akhing hongtoshe angu na, apaiq raq asengi phenlabi ka kongkhulak na sheahotaq kriithaq na apa, pahea she sheaho raüta, kiimaq rekhat chang hupsam chamtraq hoho raütiishe rekhatkai mijangki nong.

DANIEL 11:22

Jurwa apaiq kiqkhii jiiq, kriiti ka apaiq raq tiikaiqshak lambaiq wansaq li miraq. Shiikeawe Ramwe Ajong Pinthum kriimin, wiita atsea mirbaiq wan.

DANIEL 11:25

“Apaiq raq phentiip ka shiichaq raüta pahea miphoq wan. Raüta Ejip mung hokhamwe ka mikhatki. Shatmaq Ejip mung hokhamwe riimin, aphentiip pahea phoq raüta, ningkun aheng maq Siria mung hokhamwe rai mirkhat. Shatmaq Ejip mung hokhamwe ka maiq ma atlao miraq. Raüta rekhat ka tangmak miraq.

DANIEL 11:35

Kra welabi phong wa anyan phaqchi sapti maiq wiijam ka re raq mitsatbaiq. Shatmaq kra ningkhan, Shiikeawe sengi ka asii maiqsetiim miishe mija wan. Riita arka Shiikeawe raq atiithum akhing tiihongtaq kra misaü shaq wiiwii re ka dong wan ruqli miraq.

DANIEL 11:39

Apaiq chela thun ruk kra tiiwongti srea nolabi ka, pong mung phra shomnoq wantibi kra mishong wan. Raüta apaiq kiidea hokhamwe nguta awokhong na apaiq bom taitaiti thun kriima, apaiq raq pinthum shreng manto mikuq wan. Raüta tsangshiq thun ka ajong ala, mungtu shiilangbi ma mishong wan. Raüta apaiq raq tsangshiq ma poksi na hiq ka pahea michumkuq wan.

DANIEL 11:7

Kra jai maq, jaqlo miili, kra hokhamnyung ma tanyangseno phong wa maiq weshi ka hokham ma mija. Raüta apaiq raq Siria hokhamwe phentiip thun kra mikhat. Raüta tsangshiq phentiip kiitelong ruk thun kra mitiibun khat. Raüta apaiq raq tsangshiq ka mitang.

DANIEL 12:4

Apaiq raq ngi ma nguto, “Riita, Daniel lei, kra lakdamkom ka, ümchaü akom laüta shaq thülaq. Laüta phangthum akhing misaüho shaq wiiwii, sil maq trap laüta phan thü laq. Kiimaq kra liipan na maiqse pahea raq, jamlai mra wa pin tlaq kra, sap wan haijaq nguta atu na phaqchi rit, kai mihun niiwan.”

DANIEL 12:9

Apaiq raq treto, “Daniel lei, ümniika ümchaü awa wan chang she. Jamkhano ngukla ara bomtsi thun arka phangthum akhing misaü shaq wiiwii maiq ahinti ma tiisap raamak, ahukse maq apaü raütli thüchang.

DANIEL 8:17

Krai mren, Gabriel ka dongchhaq saüwato raüta itho na chapto. Kra chhilata ngi ka phiip raq tsaikang. Lata hiq na bumki tlii riikang. Apaiq raq ngi ma chongto, “Maiqse han-ngam hiqda lei. Kra liichum ka tak laq. Kra riisham makchhi ka phangthum wan akhing wa bom.”

HABAKUK 3:14

Ümliq sin raq aphentuwe, tlatchhat hiiqto. Tsangshiq ka naishiq khat kai, rathaiq ajong ikha wato, miitsan miijan maiqse bi ka, thohii phahü mitsa phaq i, nguta tsangshiq tsan na chochito.

JEKERIA 9:14

Tatiwe ka, asenginok rechap wanti thaq na ra maq misaüho, raüta wuchi liqsin jowan trang ka rachhai ralüp, Tati Rakaü Hiqwe raq rechap boli mitsü, Raüta apaiq ka shemai nü rathaiq rai miwa.

Revelation 16:12

Kiijiishe, rase trok ngojati raq, apaiq jaq wa Shiikeawe tsankhiq winpin kra jürai jonghea Euphretis niishe raübaiqto. Krai mren, kra jürai ka rüsaq she, shinriiq shinkito. Arka shedong mung wa hokhambi kitlaq kra kai miitu lam tanke wan she.

Revelation 9:16

Ngi ma, kumrang thaq na chaoti re na kaiti sreabi ka ümchuwa kiimin chongkuqto. Kra re na kaiti sreabi ka, awan wan maq wan shinai nguta chongto.