DANIEL 11:30 - ASII LAKDAP Bible (BSI)

³⁰ Roman phenlabi ka mokkiitu pahea maq kiraüta, apaiq rai she mirkhat. Krai mren, apaiq ka ahaisi she miraq. “Kra ningkhan apaiq ka atsankhiq walüwa ikhiishe miraq. Raüta rejang wan lam maq, Shiikeawe senginok raq Shiikeawe shomnoq tlaq lamphan kra shiithen baiqla nguta mitan khan. Apaiq raq kra lamphanti phongwa, Shiikeawe lamphan baiqthü raüta ahin lam na kihotaq kriiti raq apaiq ma tsii chongkuq tlaq kra phan phan miklo.

Hawa Naga Bible 2001

³⁰ Roma miqsaz htenc svngpholix maq waung vtueq piq kuex taung gay shuex, kvkaq piq hiyaz kawc yawc tuex. “Kvkaq piq kuex thuinkhaq hvlc maq yix kox nuex yek wvnc vtueq Tishox miqsaz nawk palx htungx kuex tvbac gay shuex. Piq kuex nawk palx htungx gay shec jix hez rueq tharc jungx yaq kuex phvnx wvnc shuex.

DANIEL 11:30 Referencias Cruzadas

RAPHA HIQWA LAK 10:4

Kiimaq Jawan saüse phan wa maiq phan thun ka Elisha mungti, Spen mungti, Saipras mungti, kiimaq Rhodes mungti riito.

1 KAÜWA WERAÜ 1:7

Kiimaq Jawan lai phan thun ka Elisha mungti, Spen mungti, Saipras mungti, kiimaq Rhodes mungti riito.

NEHEMIA 6:12

Ngi raq ara chongtaq khuthaq na samhea chumtap latiishetiq kra liichum ka tak kang. Shiikeawe raq, Shemaia kra bomtsi ka chongkuq mak dea. Shatmaq, Tobia nai Sanballat raq apaiq ma tsiiqlap kuq raüta ngi ka shiikengto.

ISAIA 23:1

Arka Tajar chelati miitu tsütsa. Agilülü hoqtrang ronglaq, namshiq sammok tra chum na mokkiitu jiiqtibi lei! Namshiq laitoq chang nam mung wa Tajar chela ka thento she. Chela mong wa maiq jam thun, Mokkiitu khing wa chang ka thento she. Namshiq ka mokkiitu thun maq khamjong mong na sitlaq Saipras mung maq nam mung nü na khamjong mong maq awawan lam maq tsütsa ka tailan.

ISAIA 23:12

Sidon chela lei, üm chochi rilung ka thumto she. Kiimaq ümsenginok ka shumraü kharii mong niishe chamchaotlo. Tsangshiq ka Saipras mung na tiipaü laüho raü min, tsangshiq ka lunlot mak miraq.

JEREMIA 2:10

Shenyap mung na sammok tra chum mong na Saipras mung na kironglaq, kiimaq shedong mung nü na weshi ra Kedar mung na tiiwa ronglaq. Raüla namshiq raq atin khan ashut ka jurmin klomak shaq michhi han.

EJEKIEL 27:6

Tsangshiq raq Bashan wang wa ok pe lam raüta samthukii thun haito. Tsangshiq raq ümrinchü ka Saipras mung wa pain pe lam raüta haito. Raüta kra chiiwi maq tiinyap haito.

DANIEL 11:28

Siria mung hokhamwe raq sepat lopi ka atum atum maq tsuq wan raüta, tsangmung niishe mijang wan. Tsangmung na jang wan lam maq, Shiikeawe sengi raq Shiikeawe shomnoqtlaq kra shiithen baiq miitu atsan mong na khekham miraq. Krai mren, apaiq raq athithi, mishthen baiq. Raütiishe tsangmung na mijang wan.

DANIEL 11:29

“Kra jai miishe, apaiq raq Ejip mung ka mikhat kinong. Shatmaq kra lak niika, mung ka pongshe miklaiki.

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

WEAWEA 24:24

Alongkaiti ka Saipras mung wa khamjong lam maq sangpho lai maq miki; Tsangshiq raq Asiria mung nai Ebar mung ka mitang wan, Shatmaq tsangshiq ka, maiqmii akhing na Pattup pat-sa miitu mithumki.”

Matthew 24:10

Kra akhing na ngi ma kamwanti maiqse pahea raq tsangshiq kamtsantsii ka athaq mirbaiq. Tsangshiq liipan na riingeng riiseng she mirwan. Kiimaq weshi raq weshi ka mung welabi ma mitiishaü kuq wan.

Revelation 12:12

O ramungtan thun lei, ümchaü sanha chochi rong liishe! Ramungtan na siti tarü chochi rong liishe. Shatmaq, ümchaü ka mangjong hiq nai sammoktra jü ma, phiiptsi chang she saü wato. Thawe ka namshiq phaniishe satkito. Atsankhiq wa wanii tu kaü piraü she satkito. Apaiq ma mangjong jamsha wan rahiq akhing ka athum wan she!”