DANIEL 11:29 - ASII LAKDAP Bible (BSI)

²⁹ “Kra jai miishe, apaiq raq Ejip mung ka mikhat kinong. Shatmaq kra lak niika, mung ka pongshe miklaiki.

Hawa Naga Bible 2001

²⁹ “Kvruex yimaq Ejip mungx kuex piq rueq khvt yek shuex, yuq muinz majuiuc lauk rulc rv-ngvlc muq rvtuex.

DANIEL 11:29 Referencias Cruzadas

ISAIA 14:31

Agi lülü hoqtrang ronglaq. Lantea khrum jaü hoqtrang ronglaq, Namshiq Philistain mung wa chela thun tlotli raq hoqtrang ronglaq! Phiip jiip ronglaq, namshiq tarü! Shekhu nü mung maq botkhulai khuk wa rathaiq saü wantlo. Kra rekong saü wan tlaq phong niika wepuq ngutiika weshi ra min ahü. Srea nolakong siisaq.

DANIEL 10:1

Sairas raq Parsia mung na Ajong Hokham jaqsham wanli maq, rawiitsam she angu na, Daniel ma riishammakchhi ashi tiichhikuqto. Apaiq ka Belteshajjar ngutiimin ngutlo. Kra riisham bomchong ka tengteng. Shatmaq liichum ka atak ma tsinhea. Kra liichum ka apaiq ma riisham makchhi maq chongkuqto.

DANIEL 11:23

Apaiq raq pongmungti hokhambi rai silu riija tongshong raüta, maiqmung thun ka milao wan. Apaiq raq peng wan tlaq mung ka aranse li jiimin, apaiq ningkun ka jajong wan wanli miraq.

DANIEL 11:25

“Apaiq raq phentiip ka shiichaq raüta pahea miphoq wan. Raüta Ejip mung hokhamwe ka mikhatki. Shatmaq Ejip mung hokhamwe riimin, aphentiip pahea phoq raüta, ningkun aheng maq Siria mung hokhamwe rai mirkhat. Shatmaq Ejip mung hokhamwe ka maiq ma atlao miraq. Raüta rekhat ka tangmak miraq.

DANIEL 11:28

Siria mung hokhamwe raq sepat lopi ka atum atum maq tsuq wan raüta, tsangmung niishe mijang wan. Tsangmung na jang wan lam maq, Shiikeawe sengi raq Shiikeawe shomnoqtlaq kra shiithen baiq miitu atsan mong na khekham miraq. Krai mren, apaiq raq athithi, mishthen baiq. Raütiishe tsangmung na mijang wan.

DANIEL 11:30

Roman phenlabi ka mokkiitu pahea maq kiraüta, apaiq rai she mirkhat. Krai mren, apaiq ka ahaisi she miraq. “Kra ningkhan apaiq ka atsankhiq walüwa ikhiishe miraq. Raüta rejang wan lam maq, Shiikeawe senginok raq Shiikeawe shomnoq tlaq lamphan kra shiithen baiqla nguta mitan khan. Apaiq raq kra lamphanti phongwa, Shiikeawe lamphan baiqthü raüta ahin lam na kihotaq kriiti raq apaiq ma tsii chongkuq tlaq kra phan phan miklo.

DANIEL 8:19

Raüta nguto, “Ngi raq ümniima Shiikeawe tsankhiq tsingo ka jamlai wa miraq kra tiichhi kuq tiikang. Kra riisham makchhi kriika, phangthum akhing na seng raüta tiichhi kuqto.

Acts 17:26

Apaiq raq maiq ka weshi tiiq wanto she. Kiimaq kriiwe lai wiishetiq, maiqphan ka pahea tiipu wanto. Raüta ara mangjong hiq ara hamli niishe tiisi wanto. Tsangshiq ka ümriiba na shongnga chang wa kra, asi anga wan chang jamkhü wiirü thun kriimin, kongkhu miiphü thapthi wanje she tiihong raüta thü wanto.

Galatians 4:2

Apaiq nose bala ka, maiq ahinti riili, apaiq jamkun kra milii kuq. Awe raq, apaiq ma jamkun liiwan arang ka ümtiikiiwa kuq jiiq, kra ranaiq miiphat shetiq, apaiq raq awe tachong hupsam thun kra wiita apaiq riishe milii wan.