DANIEL 11:11 - ASII LAKDAP Bible (BSI)

¹¹ Kra chhiraüta, Ejip mung hokhamwe ka atsankhiqtsi ma, Siria mung hokhamwe kra mikhat wan. Raüta Siria mung hokhamwe phenlabi ka pahea rewa shumwi ma milap wan.

Hawa Naga Bible 2001

¹¹ Ejip hokhvmx waz kuex vthuinz khaq vtueq Siria hokhvmx kuex khvt kaz vtueq hunglaungc httaz hvlc nolaungx daungx kuex khvt taungx gay shuex.

DANIEL 11:11 Referencias Cruzadas

1 HOKHVMX 20:13

Kra bala liipan niili shammiwe ashi ka Hokhamwe Ahab phana wato. Raüta akha nguto, “Tatiwe raq ngutlo, ‘Ümniika ka rekong phenlabi pahea hiq ma ra ma kra chhilaüta naqhaikiq! Ngi raq ümchaü ranaiq arthun ara ümniima mitiitangkuq kang. Krai mren ümniiraq Ngi ka Tatiwe dea nguta misap haü.’”

1 HOKHVMX 20:28

Shammiwe ashi ka Hokhamwe Ahab phana wato. Raüta akha nguto, “Tatiwe raq akha ngutlo: ‘Sirianok raq Ngi ka pum na siti phrakaü, hiq thung na siti phrakaü riimak. Arningkhan Ngi raq ümniima Sirianok phenlabi pahea ra ma hiq ma kra ümniima mitiitang kuqha. Krai mren ümniiraq nai ümsenginok raq Ngi ardea Tatiwe nguta misap han.’”

Tvtsvmc 76:10

Maiqse tsankhiq riika ümnaq tiitsamkam tiijong wan chang li saütlo; re jaqsong atiichongti raq ümnaq shomra poi thun kra milang wan.

JEREMIA 27:6

Ngi raq armung thun ara ijaqshise Bebilon mung Hokhamwe Nebukadnejar arang wokhong niishe kiinong kuq wan kang. Kiimaq Ngi raq rum nyamsekong kra raq dongdii min apaiq wokhong na siwan miitu klokang.

DANIEL 11:12

Apaiq raq rekhat tang raüta kiimaq rewe phenlabi pahea tsatbaiq wantaq kra miitu, jarap jirap alachongwa lishe, mishkong siq. Shatmaq apaiq raq rekhat ka tangwan ruq tang mak miraq.

DANIEL 11:40

“Riita Siria mung hokhamwe ma, apaiq ningthoi she saüwanto angu na, Ejip mung hokhamwe raq apaiq ka mikhat. Kiijiishe Siria mung hokhamwe raq asengi phenlabi ka ra ma hiq ma tsuq raütiishe, apaiq ningkun wiita shoq raüta, kumrang leng thun, kumrang thun, kiimaq mokkiitu pahea riichom raütiishe, Ejip mung hokhamwe ka mikhat. Kiimaq apaiq raq maiqmung thun pahea ka, raju jüchhang watlaq ikha mikhat wan.

DANIEL 11:44

Kiijiishe shedong mung niiwa nai shekhu nü mung nüwa, tsütsa ka apaiq raq mitai. Kra tai raüta, apaiq ka ahaisiwa liishe miraq. Krai mren, apaiq ka henghea sruwan wan raüta, khutaüphei wa ikhiishe, rekhat mishchaq wan. Raüta apaiq raq maiq ka pahea mitsat baiq wan.

DANIEL 11:5

“Riita Ejip mung hokhamwe ningkun ka ajong miraq. Shatmiitiina, apaiq sengi phentubi phong wa, weshi ka anok abiti thaq na ahong kiimaq ajong hali midong wan. Raüta mungtan ka ajong lin she mipeng wan.

DANIEL 2:38

Apaiq raq ümniika ara mangjonghiq raikhü na maiqse sitlaq kra pengti, kiimaq rumnyamse, kiimaq peshap wushi wiita kra pengti ma shongto. Kra chaq maq alo khupo ka ümnaq riilaü.

DANIEL 8:7

Ngi raq apaiq raq skupongwe thaü rea kra liisiq kang. Apaiq tsankhiq ka henghea riito. Kriikha maq, apaiq raq skupongwe ka peatamtam raüta, arong wiinai ka tiingoqra thaübaiqto chhikang. Skupongwe raq apaiq ka tang mak riito. Krai mren apaiq ka hiq na tiikii miilii raüta hok maq nishishi thaübaiqto. Kiimaq apaiq tiichhiiketi ka jumin ahü riito.