DANIEL 11:10 - ASII LAKDAP Bible (BSI)

¹⁰ “Siria mung hokhamwe setiim thun raq rekhat kai miitu chiqchap rechap she misürii wan. Raüta phenlabi ka hiq ma rama pahea mirchom. Asetiim phong wa weshi ka, nolajong pinthum miraq. Apaiq raq maiqmung thun ka jüjong rai chhang saü wan tlaq ikha mikhat kiimaq rewe phong ka achhelot chang riimak kiitelong ruk ikha kriimin wiita mikhat wan.

Hawa Naga Bible 2001

¹⁰ “Siria hokhvmx waz sahez rueq ralx lungc tvkoc tvyoalc muex nolaungx daungx yungx tvtuimx shuex. Tsuinghez wawc washiz kuex yuix buingc ikhoc kvtenc wvnc vtueq ralx ghaqshungc kuex khvt shuex.

DANIEL 11:10 Referencias Cruzadas

ISAIA 25:12

Apaiq raq Mob mung wa chela thun dü luheahea kiitelong maq aruk peruk weshaü thun ka mitiithenbaiq. Raüta botkhulai rai shotbaiqtlii mitiibunbaiq.

JEREMIA 51:42

Khamjong chum ka blun phom wan raüta Bebilon ka lam wanto. Raüta khamphom blun wantlaq kriiraq wiita mawanto.

DANIEL 11:22

Jurwa apaiq kiqkhii jiiq, kriiti ka apaiq raq tiikaiqshak lambaiq wansaq li miraq. Shiikeawe Ramwe Ajong Pinthum kriimin, wiita atsea mirbaiq wan.

DANIEL 11:26

Apaiq ma tsanwa danhontibi raq apaiq mishthen baiq. Asengi phenlabi pahea mitsai. Krai mren apaiq phenlabi ka wiita tiisiirai mijiip baiq.

DANIEL 11:7

Kra jai maq, jaqlo miili, kra hokhamnyung ma tanyangseno phong wa maiq weshi ka hokham ma mija. Raüta apaiq raq Siria hokhamwe phentiip thun kra mikhat. Raüta tsangshiq phentiip kiitelong ruk thun kra mitiibun khat. Raüta apaiq raq tsangshiq ka mitang.

DANIEL 11:9

Siria mung hokhamwe raq Ejip mung ka mikhatki. Shatmaq apaiq raq tangmak miraq. Raüta tsangmung na hali mijang wan nong.

DANIEL 9:26

Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.