AJONJÜ 1:6 - ASII LAKDAP Bible (BSI)

⁶ Man wa Jerusalem phung angao thumwato, Apaiq rümti phukhu welabi, phaqsea lapmak chhingi ningkun ahü aramtsi ikha, ngamritti raq ngamjo tlaq ikha, ajo min lot mak she.

Hawa Naga Bible 2001

⁶ Yerusalem ghaq muingc jungc kuex lvy wvnc tueq wawc lvmz vshiz muex dvyx shex yaungx yaq. Piq vyungx vlaungx bix muinz khiyix ikhoc wvsvy guez rvtueq rvyuiuq wak yaq, Kvruex kuex shvrvyx bix yauk wawc yuz wvnc tueq ikhoc tsuingshiq hungc vlaungc htumc wvnc khvmkhvmz rvtueq.

AJONJÜ 1:6 Referencias Cruzadas

2 HOKHVMX 19:21

Tatiwe bom ka akha tiichonghoto, “Sennacherib lei, Jerusalem chela raq ümsham na liiraüta anai khoti riitlo, kiimaq ümniika thophi riiqphi shummiitlo.

2 HOKHVMX 25:4

Re raq chela tro ruk thun ka atiipu she riibaiqto. Bebilon mung phenlabi ka chela tro tam maq kheshat li jiimin, Israilnok phenlabi ka rawa mong na tlotli juhoto. Tsangshiq ka hokhamwe sonruk na kailam kriimaq riita, chela ruk wiinai triiche chang kilamchong kriimaq juhoto. Raüta Jordan rai tan nü nü kiiniishe juhoto.

2 HOKHVMX 25:5

Shatmaq Bebilon mungti phenlabi raq Hokhamwe Jedekia ka johoto. Raüta tsangshiq raq apaiq ka Jeriko chela tho na hiq thung tan ba kra tho wiishe loho raüta lapto. Kiimaq asengi phenlabi raq apaiq ka miimbaiqthü raüta pinhoto.

Tvtsvmc 50:2

Shiikeawe ka Jajon maq liliimtlo, kra chela ka minhap tsomhea.

Tvtsvmc 96:9

Asiiwe saükitlaq akhing na hiq na kulanta noq ronglaq; apaiq man na tiikhai rokrok si ronglaq, mangjong tlotli raq!

ISAIA 1:21

Kra chela ka man na tsapsaükapse maq siti riito. Shatmaq ümchaü sanha mephe nyung ikhiishe sitlo! Akhing ashi na kra chela na siti kechu maiqse tonglong riito. Shatmaq ümchaü ka maiqtseati matwe tsawe tonglongli she sitlo.

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

ISAIA 4:5

Kiijiishe Jajon Pum na nai kiijaq thungtlaq mungmaiqse khuthaq na Tati raq ranaiq akhing niika phumda mitiisatki, kiimaq wakhuk wali she mitiimong wan. Kiimaq rawa niika walüli kaü jonghea mitlikuq. Shiikeawe khushü ngao jonglu raqa chela kra mipang wan. Raüta chela ka hamli mikhup wongkuq wan.

JEREMIA 13:18

Tatiwe raq ngi ma nguto, “Hokhamwe nai anyung hokham nyung ma chonglaq, tsangnai ka hokham ngacho kiiwa satki rongkiq nguta. Jamkhano ngukla tsangshiq hokham khuphok tsomhea thun kra tsangshiq khupo wa tiidea baiqto she.

JEREMIA 29:4

“Tati Ningkun Ajongwe, Israilnok Shiikeawe raq, Nebukadnejar ma redong akhing na Jerusalem wa mungmaiqse ümchuwa Bebilon mung na munglu shumwi ma tiitsuq wantaq, kriiti ma akha ngutlo:

JEREMIA 47:3

Tsangshiq raq kumrang kong doq wa trang ka mitai, kumrang leng thun chit wa trang kra, kiimaq kumrang leng jikom doq trang kra mitai. Awetiim raq asetiim kiimin liithü mak mipin trang; tsangshiq jaq thun ka tsangsiimpii na amaa riiki raüta tiimelot mak tiipaq raqraq miraq.

JEREMIA 48:41

Raüta Mob mung wa chela thun nai chela kiitelong ruk thun ka wiita khat raüta mijii wan. Kra ranaiq akhing na Mob mungti phenlabi thun ka jechak nyung asechii nowüchhi tsi dongho raüjaq kiinyii phephiiq tlaq ikha mihaisiq.

JEREMIA 52:11

Kra lot jai she, apaiq raq Jedekia makpo wiinai ka tlat thot baiqto. Raüta apaiq ka jinraü kharü maq kha raüta Bebilon mung niishe hit wanto. Raüta Jedekia ka Bebilon mung na apaiq atsai na saüli phaqtek mong na shaqto.

JEREMIA 52:13

Raüta apaiq raq Shomjam nai hokhamwe jam, kiimaq Jerusalem chela wa ajong alabi jam thun kra wiita wa maq chaqbaiqto.

EJEKIEL 24:21

Namshiq Israilnok ma ara tsütsa ara chonglaq nguta thaüto: Namshiq raq Jerusalem Shomjam ka nganghea nguta shiikongsiqtlan. Namshiq raq kra liisea lungwiitlan kiimaq khum lanta liisea lungwiitlan. Shatmaq Tatiwe raq kra atiishe she mirbaiq. Kiimaq namshiq jamkun wa jerobi thun ümchaü Jerusalem na tiichongtlaq thun kra redong na wiita mijiipbaiq.

EJEKIEL 24:25

Tatiwe raq nguto, “Riita ümchaü min, maiqse lei, Ngi raq tsangshiq makki wa tsangshiq khushü jong chang kiimaq tsangshiq chochi chang, tsangshiq raq aliisea lungwiitlaq kiimaq kiijaq khumki raüta liiseakai rotlaq, angang alang pinthum Shomjam kra alam she mirbaiqha. Kiimaq Ngi raq tsangsetiim maiqwese kong nai jechakse kong thun kra alam she mirwanha.

TRI CHONGKE 28:25

“Tatiwe raq ümniika ümjaqtinok ma tiikhat raüta mitiitang. Ümniiraq tsangshiq ka lamshi maq wa laüta mikhat haü. Shatmaq ümniika tsangshiq hai ma lamrap miishe miju haü. Kiimaq ümnaq thum rai laü kra chhi raüta, mangjong maiqse kunli ka phiip raq mitsai.

TRI CHONGKE 32:30

Rewe weshi riili maiq hingshi ka jamkho tangta, kiimaq maiq hingroqshi ka re we anai riili jamkho khatta? Tatiwe, tsang Shiikeawe raq tsangshiq ka tiishaübaiqto; tsang Shiikeawe ahong alawe raq tsangshiq ka miimbaiqto.