AJONJÜ 1:20 - ASII LAKDAP Bible (BSI)

²⁰ “Tatiwe lei, tiitsang liilaq, ngi chamchao riihum kang ara, pitlang pitthea ngi! Itsan ka buntoshe ngarai maho tsi raq. Chiihea wea na maiq riijiipwa li she, jam mong niimin, maiq maa phongli she.

Hawa Naga Bible 2001

²⁰ “O Yehowa lex, ngaz rvwvl vtaungx vmuinz, ngvy siyac kuilc daz vtaungx kvmuinz lawc shuiuz! Ngvy thuinz vmungx kuex ngvy mvrax htenc ningkhvnc nuex yonzyex vtueq bunx wvnc tueq. Lvmx yungx htenc nuex miq thvy lvmz httax yaq; vmungx nuex doc muinz vthueyc vmvy httax yaq.

AJONJÜ 1:20 Referencias Cruzadas

YOBA 30:27

Ngi arka chapa tsi nai ithatsi riili she panphaq wanto; ngi ka ranaiq rawa chamchao walü mong niili she siwan kang.

YOBA 33:27

Apaiq raq nokwe man na michong, “Ngi raq ngarai tangkang dea. Ngi raq riikhaqli sham mang dea, shatmaq Shiikeawe raq ngi ka tiihang kuqto.

Tvtsvmc 22:14

Iningkun ka ahüshe, hiq na kham araübaiq ikha wiikito. Irok irii thun ka asiilii siisaq she; itsan ka simi kii ikha jokito.

Tvtsvmc 38:8

Atsitsi raq irok irii wiita she sawanto; itsan imong bunlak buncha she, ahan anyitsi raq wiita jam wankang.

TAKSU LAK 28:13

Jurwa maiqmii ngarai, apaü raüta thütlaq, kriiti ka arilung na, achu shiiman ahü miraq. Shatmaq jurwa maiqmii mra ka, atiidii raüta miimthü tlaq, kriiti ka Shiikeawe raq, mangchan mitiichhikuq.

ISAIA 16:11

Ngi ka Mob mungti miitu makphai khüshang shirisiq tiikang. Kiimaq Kir Heres chelati miitu jümiisiq tiikang.

ISAIA 38:14

Ibom ka akhiise ningkun ahü bomtsü mang. Kiimaq ngi ka haütaü tsü ikhli hoqkang. Imak ka ramungtan na liitsi raq shiiroro she. Tatiwe lei, arthun chamchao wa ngi chhiilaq.

JEREMIA 14:18

Ngi ka wakram kiina kikang jiila, re raq ajiipbaiq maiq maa phong kra chhitiikang, ngi chela thun kiina kikang jiila, maiq thun ka ramtsi raq atsai wan miiqmiiq kli chhitiikang. Shammibi nai ramwebi ka tsangshiq maiqmii jaqsham na motlo, shatmaq tsangshiq riika jamlaiwa shamtlaq kriimin sap mak.”

JEREMIA 14:20

Naishiq raq ümmakki na ngarai tangkai, Tatiwe lei; naishiq maiqmii mra thun tiidiitiikai, kiimaq naititiim ngarai min tiidiitiikai.

JEREMIA 2:35

namshiq raq ngutlan, ‘Ngi ka maiqsang la; tengteng, Tatiwe ka ngi rai tsan riikhiq mak she.’ Shatmaq Ngi, Tatiwe raq, namshiq ka mitsat ha. Jamkhano ngukla namshiq raq ngarai tanglanta nang nga tangmai dea nguta rottlan.

JEREMIA 3:13

Ümniika shutkang dea nguta mra ka tiidiilaq. Kiimaq üm Tatiwe, üm Shiikeawe kiq ka khii laü dea nguta mra ka tumlaq. Laüta pechong tong aweatek na ümniiraq üm lungwii tsü ka pongmungti phra kong ma kuq wan laü nguta tum wan laq. Kiimaq ümniiraq ngi raq akuqha aming thun ka jin wan laü dea nguta tak wan laq. Arka Ngi Tatiwe raq ngutiikang.

JEREMIA 31:20

“Israil lei, ümniika ise ngi raq pinthum mangchan tiikang. Ümtiikiiwa Ngi raq ümmang chong tiikang, Ngi raq ümniika lungwiikhiq maq tiimasiq tiikang. Imongjii ka ümnaq miili rantlo; Ngi raq ümniika mitiihangha.

JEREMIA 4:19

Atsi! Ngi raq atsi ka ninlot mang she! Imongjii le! Imongjii wiita bun wanto! Ngi ka kaiqshak ngalot mang; Ngi raq nüchhong lerong thun tsü trang kiimaq reriikhat rüriiq trang taikang.

JEREMIA 48:36

“Arningkhan itsan ka Mob miitu hoqtlo. Kiimaq Kir Heres chelati miitu hoqtlo. Maiq weshi ra raq maahoti paimin tsü raüta majo shingetlaq ikha. Jamkhano ngukla tsangshiq jaq na jamlai wa sitlaq kriika tiisiirai she thumto.

AJONJÜ 1:11

Asenginok ramlü ramshii haü wanto, Raipo wonglo jamin ahüshe riito. Tsangshiq tsiiq chong nyamchong, tsitsü riichüm miitu phaqsea maq klaito, “Tatiwe lei, ngi ara liilaq, ngi akit ajom riihum kang,” nguta chelati hoqtrang tlo.

AJONJÜ 1:18

“Shatmaq, Tatiwe ka tingting, jamkhano ngukla ngi raq apaiq aming jin kang. Mangjong maiqse tarü raq, ibomchong ara tiitsang rong laq, ijonjü tsi tlaq ka liirong laq, Isengi jetu jerobi re raq pongmung na, shumwi ma tsuq wanto.

AJONJÜ 1:8

Apaiq shreng manto thumto she, Apaiq ümchaü naiqhü ma she. Maiq thoda na chetlo. Angam agu amitsi ma hanynyi tlo, Jeasitsi ma atok hiq na kushat. Jerusalem raq akhum ka achong lot mai, ashut ashai ngarai klo raüta sheshi wanto.

AJONJÜ 1:9

Apaiq raq ngarai tangtaq kriika, ra na tiichhi ra-shra. Apaiq dea wan chang ngarai kho, apaiq raq chhimak riito. Kriikha na tsailam riihumto, Ajaqtinok raq khat raüta tangto, apaiq ümchaü Tatiwe man na, tiipaiqnea hoq tlo.

AJONJÜ 2:11

Aho makphai raq bok raüta, imak wiita miiwanto. Itsan imongjii bunlak bun wanto, iphan imaq then wan kha na, rokngoq riingoq jonjü wan kang. Nosere nai pünyangtibi, chela lam na haü wanto.

AJONJÜ 5:16

Man niiwa naishiq, liisaü wase rilung khushü thumto she. Naishiq raq ngarai tangkai, kriikha na ümchaü miqkai she.

EJEKIEL 7:15

Chiihea wea lam thun na rekhat trangli she. Jamkun thun na atsi asi nai ramdong riili she nyam wanto. Chiiphai na rum na maiq ümchuwa sitlaq kriithun ka re rai riikhat lam maq mijiim wan. Kiimaq chela mong na ümchuwa sitlaqti thun ka thadong raq nai ram raq mijiim.

DANIEL 9:5

“Naishiq raq ngarai tangkai. Naishiq raq abi kiimung klowan kai. Naishiq raq ashut klowankai. Ümniiraq aming lang ronglaq nguta akuq haü thun lang mai shishe wankai. Laita ümniiraq naishiq ma riikhaqli lam atiichhikuq haü kiiwa lamjiq nü na kihokai.

Hosea 11:8

“Ngi raq jamkho mimiimbaiq ha, O Ephraim lei? Ngi raq ümniika re jaq na jamkho mithaq baiq ha, O, Israilnok lei? Adma chela shiithen baiq kang ikha, namshiq jamkho mishthen ha? Jeboiim chela shiithen baiq kang ikha, namshiq ka jamkho mishthen baiq ha? Itsan mong na tsihea namshiq miitu! Namshiq ma ngi mangchan tsihea!

HABAKUK 3:16

Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.

TRI CHONGKE 32:25

Redong raüta chiihea wea na maiq maa phongli miraq; jamkun thun na phiiptsi wali miraq. Jerobi nai jeture thun wiita mitsai; noshiisetiim nai tikiire min tiihang mak miraq.