Biblia Todo Logo
La Biblia Online
- Anuncios -




AJONJÜ 1:14 - ASII LAKDAP Bible (BSI)

14 “Apaiq raq ingarai ma thun wiita raüpot weaje thüto. Raüta adam na tushi kha raüta thüto. Raüta kra ngaraitu ka idangkong na paqkuto. Ngi ka kra ngarai ma holai raq, pitlang pitthea tsaiwan kang. Tatiwe raq ngi ka, rejaq na tiishaübaiqto, ngi ka rewe jaqkhon na, kaidi wan kang.

Ver Capítulo Copiar

Hawa Naga Bible 2001

14 “Vpiq rueq ngvy mvrax htenc lotlaz kuex tvtsuingc taq ruiux kvruex lotlaz kuex vdvmz nuex khvrc taq gay tueq; Vpiq rueq kvruex htenc kuex ngvy duingx tvroz nuex pauk kuy ningkhvnc nuex, ngaz kuex mvrax gurc liq rueq hungc vlaungc nulx wvnc vtaungx. Taungjix rueq ngaz kuex ralx yauk nuex lekuq gay phuex ningkhvnc nuex, ngaz rueq tsuinghez kuex tvgawx lot juing vguez shex.

Ver Capítulo Copiar




AJONJÜ 1:14
21 Referencias Cruzadas  

Ngarai maiqse ngarai tang tlaq kriika, apaiq minrai chang chiiq. Apaiq ka apaiq ngarai chiiq niili minraitlo.


Ngi raq Asiria mungti ka ihiq shong Israil mung na mitiithen baiqha. Kiimaq tsangshiq ka ipum thun thaq kiijaq iji maq nishishi minyat baiqha. Ngi raq isenginok ka Asirianok kharü mong wa adü she mirbaiqha. Kiimaq tsangshiq ma holai jonghea tiihokuqtlaq kriiwa midok dawanha.


Ngi ka isenginok ma itsankhiq riikang; Ngi raq tsangshiq ka isenginok riimak she ikha haihii wan kang; Ngi raq tsangshiq ka ümjaq khon na thükang, kiimaq ümniiraq tsangshiq ka tiihang wan maü dea riilaü; ümniiraq tikii kiikaiq kong kriimin jimaq nishishi haihü wan laü.


‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.


Ngi raq Juda mung Hokhamwe Jedekia miimin ara bomtsi kriisiili chongkuq kang. “Bebilon hokhamwe puk na nyap laq. Laüta apaiq wokhong na silaq. Kiimaq asengi amungti kra shiililaq. Kra nguraüla ümniika hansang misi haü.


“Shatmaq maiq mung ashira raq kiimaq hokham weshi ra raq, apaiq puk na nyap mak raüla, Ngi raq kra mung ka re ma mitiikhat ha, lata sintsang maq mitsat ha, ram tiidong lata, ram ma mitiitsaiha; kiimaq tha tiidong lata mitiijiimbaiqha. Lata kra mung ka Nebukadnejar ma tiikhat lata botkhulai rai mishot baiqha.


Hanania phana kilaq laüta akha chongkuq kikiq nguta thaüto; “Tatiwe raq nguto, ümniiraq pe maq ahai thaikii kla mitiingoq buk baiqlot haü sham. Shatmaq apaiq raq kriika jin thaikii miishe misongkuq.


Tati Ningkun Ajongwe, Israilnok Shiikeawe raq nguto, apaiq raq maiq mung thun tlotli khuthaq na jin thaikii she mitiiho. Krai mren tsangshiq raq Bebilon mung Hokhamwe Nebukadnejar puk na siisaq nyap raüta, apaiq ka mishkumpan. Tatiwe raq nguto, apaiq riika rum nyamsekong kra dongdii min Nebukadnejar puk na mitiinyap wan.”


Hokhamwe Jedekia raq ngi ka kiijaq phaqtek na shaqto. Kriika ngi raq nang nga Tatiwe raq akha ngutlo nguta nokmaiqse ma tiitai laü nguta shaqto. Tatiwe bom ka akha, “Ngi raq Bebilon hokhamwe kiima ara chela ara tiikhat lata mitlapha.


Jedekia ka Bebilon mung na mishea wan. Apaiq kha ka Ngi raq mipho kuqha shaq wiiwii Bebilon mung niili misi. Apaiq raq Bebilon mungti ka khat raü min, apaiq raq tang mak miraq. Arka Ngi, Tatiwe raq toqtan tiikang.”


Kra jai miishe Hokhamwe Jedekia raq ngi ka tiisheakito. Raüta apaiq raq ahokham jam maq ahukse maq ngi ma akha waito, “Riita Tatiwe nü wa tsütsa asi sha?” “Asi” nguta ngi raq abom ka trekang. “Ümniika Bebilon mung hokhamwe jaq na mikiinong kuqbaiq.”


Ngi raq namshiq ka lapho lata chela kinphai na mitsuq baiqhoha. Lata pong mungti rewe jaq mong na mikuqbaiqha. Ngi raq namshiq kha ka atseabaiq chang nguta phokang she.


Ngi raq itsankhiq ka walütu ikha nyaitlaq kriimaq ümtiikiiwa namshiq ka mishechaqha, kiitiikaq namshiq raq itsankhiq heng kra misap han. Kiimaq Ngi raq namshiq ka maiqse jiipbaiq tsinheatinok jaq khon mong na mikiinong kuqbaiqha. Tsangshiq ka maiqjiipbaiq ma smanok.


Tati Rakaü Hiqwe raq akha ngutlo, “Ngi raq ümniika ümniiraq ngengtlaü kiimaq saisitlaü achok she mungtinok jaq khon mong niishe mikuq baiqha.


Ümniika kiikha chochisiq laü ningkhan, Ngi raq shedong mung kumtsaiphii mungti maiq phan thun kra tiiwa lata ümniika ka mitiikhatha. Lata re ma mitiitangha. Tsangshiq raq tsangshiq piitiip thun ka üm mung na mitei wan. Raüta tsangshiq kiijaq mishong wan. Tsangshiq raq ümnaq phaqsea chang petsi wiqtsam thun kra misiq kiimaq ümniiraq nyang haü chang minsaü nyakpü thun kra minyang.


Ümniiraq akha slailiisiq wan laü kha na, Ngi raq ümniika pong mungti thun jaq khon mong niishe mikiinong kuq baiqha. Tsangshiq raq ümniika mitek wan kiimaq ümtsiiq thun ka tiisiirai mitsuq wan. Ngi raq ümniika tiimiq chup mitiithen baiqha. Krai mren, ümniika maiq mungtan ashi ka jalot maü she miraq. Kiimaq ümniiraq arka naimung dea nguta ngochang ka ahü she miraq. Kiijiishetiq ümniiraq Ngi ardea Tatiwe nguta misap haü.”


Jamkhano ngukla, ngi ka hangsi ma jalata, Israil mung ka mikaqha, hangsisetiim ma jalata Juda mung mikaqha, tsangngam ka bunlak buncha mipan phaqha. Inübok wa tsangshiq tiichhii wanti jumin ahü.”


Arningkhan Tatiwe raq ngutlo, “Ümchaü ngi raq ümnaq dea wa chang, thü kho thü tiikang, kra mongwa ümniika, lun lot maü she! üm thiikho na ümniili midea haü. Krai mren shiikong kumrong maq, khumlot maüchang.


Kra ningkhan she, Tatiwe raq üm khuthaq na chiqse rewenok tiikitlaq kriishe mishomnoq wan haü. Ümniika ramtsi, kham nyangtsi, kiimaq kheahü, phanrap na athüm alit she misi wan haü. Tatiwe raq ümniika nyat shat shat not shot shot lishe chongthum ma mija haü shaq wiiwii mitiicham chao wan.


Síguenos en:

Anuncios


Anuncios


¡Síguenos en WhatsApp! Síguenos