Acts 9:16 - ASII LAKDAP Bible (BSI)

¹⁶ Kiimaq, apaiq ka ngi miitu, ümtinkhan chamchao chang wa, kra ngi raq apaiq ma mitiichhi kuqha.”

Hawa Naga Bible 2001

¹⁶ Ngvy muingc ningkhvnc nuex piq rvhumc juing kuilc daz lotlaz kuex piq muex ngaz rueq tvkhic kuq shaungx,” ngoz tueq.

Muklom

¹⁶ etho imiing rangma chamli tsamnang ching sha piq ma takhi náng.”

Acts 9:16 Referencias Cruzadas

ISAIA 33:1

Naishiq renok ka miqto she! Tsangshiq raq nanok ka thiimeaq ma jaraüta tekto. Kiimaq nanok ka tiishaübaiqto. Shatmaq tsangshiq ka jurmin tek mak dea. Kiimaq jurmin tiishaübaiq mak dea. Shatmaq tsangshiq raq maiq tektlaq kra nanok tiishaübaiqtlaq akhing ka athum mirki. Tsangshiq maiqmii klishe thiimeaq raq mitek wan. Kiimaq tsangshiq kli she maiq raq mitiishaü baiq.

Matthew 24:9

“Kra akhing she saü wan raüla, maiqse raq namshiq ka alap mirwan. Raüta namshiq ka mitiichamchao kiimaq atsea mirbaiq. Namshiq ka i sengi ma jawan tlan kriikha maq maiqphan angu wiita raq namshiq ka ashu ashe mirwan.

Matthew 5:11

“Namshiq ka isenginok ngo kha maq, maiqse raq namshiq ka shummii raüla, kiimaq tiichamchao raüla, kiimaq namshiq khuthaq phanrap phanrii abi arot akiq nyan raüla, chochi ronglaq.

John 15:20

‘Dise ngutlaq kriika atijong we thaq na ajong ka riimak,’ nguta bom tiihap hong chong tlaq bomtsi ka ngi raq namshiq ma chong kuq pha she ihata. Tsangshiq raq ngi santla tiichamchao wantaq jiika, namshiq kiimin mitiichamchao wan dongdii. Tsangshiq raq i bomchong ka tai raüta lang wantaq jiika, namshiq bomchong kiimin mitai wan, raüta milang wan.

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Acts 21:11

Apaiq ka naishiq phana kito. Raüta Paul raq achhü shat chang khea nin chü kra ajaq na sham raüta, ahok nai ajaq ka kha raüta, akha tiithaito, “Asii Wenyi raq akha chongtlo: Ara chhüshat chang kheanin chü pati we arka, Jerusalem na siti Jehudinok raq akha mikha baiq. Raüta Pongnok phan maiqse jaqkhon mong na mikuq baiq,” nguta riisham bom maq tiithaito.

Acts 21:13

Shatmaq, Paul raq tsangshiq ma, “Namtsam ka akha jamkho ngi rai tlan? Aho anyi trang lanta, i tsan ara tiibun baiq sha dan tlan? Ngi ka Jerusalem na shumraü kharü maq tiikha lamlamse li ka riimak! Tati Jesuq miitu, Jerusalem na atsai ma kham tiikang,” nguta tsangshiq bom ka treto.

Acts 21:4

Kiijaq Tajar chela na naishiq raq phunainotiim wiijamti asi, kra rit laita hum kai. Laita tsangshiq rai chepat shi sithü damkai. Tsangshiq raq Asii Wenyi ningkun maq Paul nangnga Jerusalem na saüli ka naq kikiq li nguta atiiwin riito.

Acts 9:14

Kiimaq, apaiq arjaq Damaskas chela na wataq arka, ramwe jongbi jaq wa arang lak howan raüta, ara chela na ümnaq shomnoqti, ümsengi thun kra wiita lap wa wato nguta chongtlo.”

Acts 9:6

“Shatmaq, tiidolaq. Laüta, chela mong kiina walaq. Kiijaq ümniiraq akhek jamlai phan jaqsham chang wa, kra achongketi asi miraq.”

2 Corinthians 6:4

Naishiq raq ümchuwa jaqsham tiikai na, litkot chamchao, athaiq alaiq kiimaq asiq areng ümchuwa riihum wan tiikai ka, tsan tiibum laita nin wan tiikai. Laita ara nin wan tiikai ara lümaq, naishiq ka Shiikeawe jaqshisetiim dea nguta nokwe man na, tiichhi kuq wan tiikai.

1 Thessalonians 3:3

Riita, naishiq raq apaiq ka namshiq phana tiiwakai, namshiq phong wa jumin, namshiq tiichamchaoti ma hai ma, jai na jangki nong man chang miitu tiiwakai. Akha chamchao litkot akhing, namshiq ma saü wan tlaq arka, Shiikeawe raq namshiq ma athiiq arwan, ahea miitu tiisaü tlo nguta, namshiq riimin la asap han.

2 Timothy 1:12

Kiimaq ara chongtiikai arkha maq tiina, ngi ara ümchaü min chamchao tiikang ara. Li jiimin, i tsaiji ka akhiismin tran mang phan. Jamkhano ngukla, ngi raq ju miiwa kamtsantsii thü tiikang, kriiwe ka, ngi raq asapha. Kiimaq ngi raq asapha, apaiq ningkun ajong maq, ara tsütsa ahea armin, Phangthum Ranaiq na saüli, chiisan taqtaq li mithü.

2 Timothy 3:11

Maiqse raq ngi ka ümtinkhan wa tiichamchao wanto. Kiimaq tsaija chhunja chamchao litkot ahin thun min ngi raq jamkho lea wan kang, irthun irka, ümchaü sanha ümniiriiri kunli asap haü siisaq she. Shatmaq, atinkhan chamchao walü mong wa, Tatiwe raq ngi ka tiichhii kuqto. Ngi ma Antiok maq, Ikoniam maq, kiimaq Listra maq tsaija chhunja, pitlang pitthea, phiiptsi jiiptsi ümtinkhan wa, maiqse raq tiichamchaotaq, ira nin wan kang. Kriithun ka wiita, ümniiraq asap haü siisaq she! Shatmaq arthun litkot chamchao mong wa, Tatiwe raq ngi ka tiichhii kuqto.

1 Peter 4:14

Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.

Revelation 1:9

Ngi ka Johan, namshiq kongti phunowe. Ngi ka Jesuq wokhong na siti kha maq, namshiq ma jamkho tiichamchao tlaq, kiikha ngi miimin tiichamchao tlo. Nashiq tarü ka, Khristo mungtan la she sitiikai. Krai mren, nashiq tarü raq, chamchao litkot saü wan tlaq arka, tsan tiibum laita nin wan ruq maq sichang li she. Ngi raq maiqse ma, Shiikeawe bomtsi kra chiiriim lata chongke wan kha na nai Jesuq hakhi kewan kha na, tsangshiq raq ngi ka, ara khamjong mong hiq Patmos mung na, phaqtek na shaqto.