Acts 9:15 - ASII LAKDAP Bible (BSI)

¹⁵ Kiijiishe Tatiwe raq treto, “Kilaq. Naqhai kiq. Ngi raq apaiq ka i khiiq wi ma nguta atsea wan wishe. Kiimaq, apaiq ka i mang ara, Pongnok phan ma, kiimaq honyung hokhambi ma, kiimaq Israilnok wiitarü ma tiisap wan miitu, tsea wan kang.

Hawa Naga Bible 2001

¹⁵ Yuq muinz Taungjix rueq, “Kaz kuiuz, kvruex waz kuex Pungnuk miqsaz htenc, hokhvmx bix htenc nuiyc Israel miqsaz htenc muex ngvy muingc tvtuiuz tvkoc ngaz rueq vthvl taq waz rvtueq.

Muklom

¹⁵ Etharin Teyhungwa piq ma batta, “Ka u, chammatakoi Gentile tang etho ning lungwang tang etho Israel miqtang imiing tasam ma, nga piq sha taltáng,

Acts 9:15 Referencias Cruzadas

JEREMIA 1:5

“Ngi raq ümniika ümniima tsitsü mikuqha shaq niiphü tsea kang. Kiimaq ümniika rawii michhi shaq niiphü maiq mung thun miitu shammi ma shong wan kang.”

JEREMIA 1:7

Shatmaq Tatiwe raq ngi ma nguto, “Ümniika nose se li ngutiika naq ngukiq. Shatmaq ngi raq ümniika mungmaiqse phana tiikitiikang kiijaq kilaq, lata ngi raq ümniima aming kuqkang kra phan phan bom ka kunli michong kuq haü.

Matthew 10:18

Namshiq ka i sengi kha maq wanghuptibi nai hokhambi rung na mitiichap. Kriika namshiq raq tsangshiq ma nai tsangshiq sengibi ma kiimaq Pongnok phan ma Tsütsa Ahea kra chongke wan miitu.

John 15:16

Namshiq raq i puk na nyap wan miitu, ngi ka ritwan man dea. Shatmaq, ngi raq namshiq ka tsea tsiiq wan kang. Lata, namshiq ka shong wan kang. Arka namshiq rilung jaqsham na, pattup thenkimak chang phan, atsi ango pahea mitsi ngo laq nguta, ngi raq namshiq ka shong wan kang. Krai mren, i mang na namshiq raq ajaü jaü kra, i We raq namshiq ma mikuq.

Acts 13:2

Tsangshiq ka Shiikeawe shomnoq, amang maq achu jaü sitlaq liipan na, “Barnabas nai Saul ka ngi miitu pong na raithü ronglaq. Tsangnai ka i jaq sham miitu, ngi raq ashong kun she,” nguta Asii Wenyi raq tsangshiq ma chongkuqto.

Acts 21:19

Paul raq tsangshiq rai riihum raüta, “Khusang khata,” nguta riibom phahoto. Raüta, apaiq traho bomchong jaqsham wantaq kra lümaq, Shiikeawe raq Pongnok phan maiqse phong na jonghea jaqsham wantaq kra thun tsütsa kriishe wiita tiitho tiipha raüta, tsangshiq ma phanchan chongkuqto.

Acts 22:14

Kiijiishe, Ananias raq ngi ma bom ka akha chongto, ‘Natitiim Shiikeawe raq ümniika apaiq tiima tsantsii kra khon wan miitu tsea wanto. Kiimaq apaiq Tingting dise krai sham riichhi miitu, kiimaq apaiq raq ümniima pumsii maq, bom chongkuq tlaq kra taiwan miitu she tsea wanto.

Acts 22:21

Shatmaq, Tatiwe raq ngi ka, ‘Tiido laq. Walaq. Ngi raq ümniika maiq mung ahin luhea na siti Pongnok phan maiqse ma tsütsa ahea kra chongke wa she mitiiwa kang,’ ” nguta Tatiwe raq ngi ma bom ka chongkuqto.

Acts 25:22

Kiijiishe, Agripa raq, “Ngi raq i ni maq arwe bom ka tairo tiikang,” nguta Phestas bom ka treto. “Ikhla ümniiraq apaiq nü wa anap ranaiq tiq tailaq,” nguta Phestas raq treto.

Acts 26:1

Kiijiishe, Agripa raq Paul ma, “Ümchaü ümniiraq ümkhum tiikhe wan bomchong mimai,” nguta aming she kuqto. Krai mren, Paul raq ajaq ka ra na do raüta akhiishe bomhoto:

Acts 26:32

Kiimaq Agripa raq Phestas ma, “Apaiq raq akha arka Roman Hokham we rung na shok mak dea ngu raü jiika, apaiq ka armiili tiidong baiq wan chang wa shatmaq ahata,” nguta bom ka chongto.

Acts 27:24

‘Paul, ümnaq naqhaikiq! Ümniika Roman Hokham we man na chap wa raa dongdii. Kiimaq Shiikeawe raq ümniima lungwiitsii jonghea thütlo. Kriikha maq, ümniirai laijong na maiq ümchuwa wadam tlaq thun ka, wiitarü tiikhup wongkuq wanto she,’ nguta ngi ma chongkuqto.

Acts 28:17

Kiijaq saü wali maq, ranaiq tsam sijai na, Paul raq kiijaq siti Jehudinok welabi ka adam na triitam hea raüta ngato. Tsangshiq ka apaiq phana riitam saüki kiitiishe, apaiq raq tsangshiq ma bom ka akha ngutiishe chongkuqto, “I phan i maq Israilnok phunainotiim lei, ngi raq nashiq nok mungmaiqse ma abi ati jamlai phan min sham wan mang. Kiimaq natitiim raq nashiq ma akuqthü thungtri thaq niimin jamlai kiqjiq wan mang. Shatmaq, tsangshiq raq ngi ka Jerusalem maq shumraü kharü maq kha raüta, Roman hokham jaqkhon mong na kuqbaiqto.

Acts 28:28

Kiimaq Paul raq abom ka, “Riita ümchaü sanha namshiq raq arshe sap wan ronglaq. Shiikeawe tiichhii wan tsütsa ahea kriika, Pongnok phan maiqse miishe michong kuq wan. Tsangshiq raq tsütsa ahea kra mitai!” ngutiishe abom chong kra shatto.

Romans 1:1

Ngi Paul, Khristo Jesuq dise, kiimaq kiimwe ma tingsang athiiq raüta atsea wan, kiimaq Shiikeawe raq apaiq Tsütsa Ahea trahoke miitu ashong wan we raq waiq tiikang.

Romans 1:5

Apaiq lümaq, Shiikeawe raq ngi ma ara kiimwe jaqsham rahea phan arshe, kiimaq jonghea arshe, kuq wanto. Ara jaqsham arka, aram ari jaqsham. Arka Jesuq Khristo mang tiijong wan miitu. Ara i jaqsham ara lümaq, mangjong maiqse tlotli ka, Shiikeawe ma tiikam wan miitu, ara jaqsham ara kuq wanto. Raüta, apaiq ma kamwanti thun maiqse angu ka, apaiq wokhong na misi wan laq nguta akuq wan.

Romans 11:13

Riita, ümchaü ka, ngi raq namshiq Pongnok phan maiqse miishe bom ka chongkuq pha. Ngi ka Jesuq Kiimwe ma jawan lata ara traho bomtsi chongkuq tiikang arka, namshiq Pongnok phan maiqse miitu shamkuq tiikang. Ngi ka ara kiimwe jaqsham sham tiikang ara miitu kai tiishom ra wan ruq latli misi wan ha.

1 Corinthians 15:10

Shatmaq Shiikeawe apaiq khoqramkii maq kekuq shat rüm wan kha maq, ngi ka ümchaü maiqse ashi wiqwiq she dea ngutiishe sitiikang. Shiikeawe raq ngi ka apaiq kaphap wokhong mong maq, tiichhan chhi tlo arka atu niika moki mak dea. Riita ümchaü sanha riikhaqli maq shin raü jiila, ahinti kiimwebi thaq na, ngi raq riiwe ka jaqsham kaiwa apa achan ana she sham tiikang. Riita ara ümtinkhan wa hongla lata, jaqsham tiikang arka, i han-ngam ningkun miika riimak. Shatmaq Shiikeawe apaiq kaphap ningkun ka i khum na ngi rai asi kra lümaq jaqsham tiikang.

1 Corinthians 9:16

Ngi raq Tsütsa Ahea chongkuq tiikang ara miitu ka atiishom ra sea chang ka ahü. Ngi raq ara traho jaqsham tiikang arka ngi ma aming akhang kewan kha na sham tiikang. Ngi raq ara Tsütsa Ahea chongkuq mang ngu haü jiika, ngi ma phiiptsi chang mra jonghea mitiiho!

Galatians 1:1

Ngi, Paul raq, apaiq ka kiimwe ma shongtaq kra maiqse raq ashong riimak riimakla maiqse lümaq ashong riimak. Shatmaq, Jesuq Khristo kiimaq Awe Shiikeawe raq, Jesuq ka ama wa tiidong wanti we raq ashong.

Ephesians 3:1

Riita, ija, ara chong tiikai namshiq noknai ri ka wehea miishe tiijato. Kriika ngi Paul raq, namshiq Pongnok phan maiqse miitu, Jesuq Khristo jaqsham kuq tiikang arkha na, ngi ka phaqtek mong na shaqto. Li jiimin, ngi raq namshiq miitu, Shiikeawe jaq wa achuli jaükuq tiikang.

1 Timothy 2:7

Ara ningkhan, Shiikeawe raq ngi ka akiimwe ma shongto. Kriika ngi raq ara chongtiikang Tsütsa Ahea ara, Pongnok phan maiqse ma chongke wan miitu shongto. Tsangshiq ma ngi raq tengtlaq Phungmaiqse kamasham rilung lamphan tsütsa kra phanchan kewan miitu, ngi ka shongto. Ngi raq arot chong mang. Ngi raq chongtiikang arka tengteng!

2 Timothy 1:11

Shiikeawe raq, ngi ka Tsütsa Ahea ara chongke wan nai, ara shrinke wan miitu, kiimwe ma shongto.

2 Timothy 2:4

Phenla ma jati riika, awela we raq apaiq ma jamlai aming wa tat jiiq, kra tsapkapkap maq tai chang. Raüta, awela we tsan tiihea miituli sitlo. Apaiq raq mungmaiqse jaqsham na, atsii ka tiiphang phiimki mak phan.

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”