Acts 5:12 - ASII LAKDAP Bible (BSI)

¹² Mungmaiqse liipan na kiimwebi raq awang chang nai amao chang jaqsham pahea sham wanto. Kamasham maiqse thun ka tsantsii ashi maq Solomon Jolitiip na riitam ngato.

Hawa Naga Bible 2001

¹² Kamx waz bix rueq nuk miqsaz htumc nuex vwangc juing phvnx htenc nuiyc romzyac htenc tvkhic tueq, kvmluimx jix miqsaz htenc Solomon chox tap kvyuq rvtuimx wuez tueq.

Muklom

¹² Apostle tang jak wang rapney patja jaksom etho daqhan maal miqtang jaktung na takhi chey ta. Thaji uhantey tang Solomon wohimbuk shina jin tachong ta.

Acts 5:12 Referencias Cruzadas

JEREMIA 26:9

Ümniiraq Tatiwe mang na ara Shomjam ka Shilo chela wa asii jam tiithenbaiqtaq kiikha mitiithen baiq kiimaq ara chela armin atiithen mirbaiq. Raüta ara chela na siti maiq ka jumin ahü she miraq nguta jaram wa son laü?” Raütiishe mungmaiqse ka ngi trotam niishe riitsap wanto.

Mark 16:20

Kiimaq ajaqshisetiim ka maiqhiq barap binrii na kiraüta tra hokuqto. Kiimaq Tatiwe raq tsangshiq ma awang chang jaqsham miitu ningkun kuqto. Kiimaq kra ningkun lümaq, tsangshiq ka Shiikeawe jaqshisetiim dea nguta hakhi tiichhi kuqto. Amen.

John 10:23

Shomjam tro ruk wangmong na, jolitiip setiim min asi. Tiip ashi mang ka Solomon Jolitiip. Jesuq ka kra Solomon Jolitiip rinkea na ahai sia khumshkhum riito.

John 4:48

Jesuq raq apaiq ma nguto, “Namshiq raq awang chang jaqsham chhi man wiiwii ka, kam man phan.”

Acts 1:14

Tsangshiq ka akhing khing na adam na achu jaü, jechakre re rai kiimaq Jesuq ma anyung Meriq nai anotiim thun kra riito riitamtlo.

Acts 14:3

Kiimwe nai ka kiijaq rahiq luhea sito. Raüta, Tatiwe tsütsa ka achaq awaq maq nokmaiqse ma chongkuqto. Krai mren, tsangnai raq Tatiwe kaphap mangchan bomchong tlaq kriika, tengteng dea chongtlo nguta atai wantibi ma tiichhike wan miitu, Tatiwe raq tsangnai ma awang chang nai amao chang jaqsham miitu ningkun jonghea kuqto.

Acts 16:18

Apaiq raq akha tsangshiq shakshaq rea arka, rahiq aluwiq she shakshaq rat wanto. Kriikha niishe, Paul ka atsütsa sihea she riito. Kriikha miishe, apaiq raq jechakse pha nü na lii raüta, apaiq khum wa abi winji ka, “Jesuq Khristo mang maq ngi raq ümniika ara jechakse khum arwa jobaiq tiikang, dongkikiq!” nguta jobaiqto. Krai mren, kra nyung khum wa tha ka kra liipan niili she donghoto.

Acts 19:11

Shiikeawe raq Paul lümaq awang chang jaqsham ka pahea sham wanto.

Acts 2:46

Wranaiqtek, tsangshiq ka adam na riitushat maq, Shomjam na Shiikeawe shomnoq riitam nga tlo. Kiimaq, jamshi na riitam hoho raüta, takshi pinshi maq chojong chise, kiimaq riiphea riinyin phaqsiq wan lili raüta sito.

Acts 28:9

Kra chhi raütiishe, kra khamjong mong hiq na siti maiq atsi asiti thun ümchuwa sitlaq kra wiita, naishiq phana atsi tiiheawa miitu she warai wanto. Krai mren, Paul raq tsangshiq ma achu jaükuqto. Kiimaq tsangshiq thatsi kiimin wiita tiihea kuqto.

Acts 3:11

Kriiwe ka Petar nai Johan rai napshnap miishe, Solomon Jolitiip ngutlaq kiijaq, riikong khum wan dam ka chhi raüta, nokmaiqse ka kai amao rai lam maq, tsangtsam pha nü kiiniishe jutrang raüta, riitsap khat wanto.

Acts 4:30

Kiimaq, asii üm Luqkhapse Jesuq mang na, pinthum awang chang nai amao chang jaqsham ka, atsi asiti ka tiihea kuq laüta, ümningkun jong kra tiichhi kuq laq,” nguta achu jaüto.

Acts 9:33

Kiijaq, apaiq ka maiq weshi, amang min Ainias nguta, kriiwe rai riihumto. Kriiwe ka ahan ama riiki raüta, atsi wiitiichat she, chang na weshat li chhi hoto.

Acts 9:40

Kiijiishe, Petar raq tsangshiq ka tarü tapmong wa rin niishe tiiki baiqto. Raütiishe, apaiq ka kaütsrong na nga raüta achu jaüto. Apaiq raq achu jaülot raütiishe, maiq maa wetlaq kiinü na nyi raüta, “Tabitha, tiidolaq!” nguta apaiq rai bomdamto. Krai mren, kra nyung raq amak ka tiipiiqto. Kiimaq apaiq raq Petar ka chhi raüta, chang na awe wa, anga she riito.

Romans 15:19

Shiikeawe raq ngi lümaq awang chang nai amao chang jaqsham pahea sham wanto. Arthun awang chang nai amao chang jaqsham wantaq arka, Shiikeawe Asii Wenyi ningkun maq sham wanto. Ara trahoke wan jaqsham arka, ngi raq Jerusalem maq pha wan lata, Illirikam chela na saüli, hiqshi na tra hokuq wan wan maq, khum wan lata chongkuq wankang. Ngi raq Khristo Tsütsa Ahea kra arang chong maq tiichap wan lata, atsii na saüli, tiitho tiipha chongkuq wankang.

2 Corinthians 12:12

Ngi raq namshiq phong na, tsan tiitsi lata, Shiikeawe jaqsham ka sham wan kang. I jaqsham lümaq, Shiikeawe raq namshiq liipan na, pahea awang chang jaqsham kuq wanto. Kiimaq nü maq chonglot mai chang, mak maq chhi tai mai phan jaqsham, pahea shamkuq wanto. Riita, kriithun awangchang jaqsham kuq wantaq kra lümaq, Shiikeawe raq ngi ka, apaiq kiimwe dea nguta tiichhi kuqto ihata.

Hebrews 2:4

Tsangshiq raq kuqtlaq hakhi thaq kiijaq hali, Shiikeawe raq kao raüta awang chang nai phiiptsi chang jaqsham ka pahea sham wan ruq miili, nashiq ma khangriri hea maq tiichhikuq nongtlo. Ara chongtiikai, Asii Wenyi kongphiq ningkun thun arka, Asii Wenyi raq maiqse loweatek ma jamkhii kewan wa lungwii tlaq, kra phanphan kuq tlo.