Acts 5:11 - ASII LAKDAP Bible (BSI)

¹¹ Ara tsütsa tai raüta, Phungtuti ngusaq maiqse tlotli, kiimaq nanok ahinti thun tarü ka, phiipraq atsai haisong wanto.

Hawa Naga Bible 2001

¹¹ Phungc miqsaz lotlaz nuiyc kvkhoc yaungx wvnc tueq lvmz tay jix htenc kuex pinhtumc kawc yawc wuez tueq.

Muklom

¹¹ Thaji mondoli etho iri raaq raa tattey tang rapney chota.

Acts 5:11 Referencias Cruzadas

Tvtsvmc 89:7

Ramungtan na rung thungtlaq kiijaq winjikong thun ka ümniima haitlo; tsangshiq tarü ümman na haikhiq chaptlo.

JEREMIA 32:40

Ngi raq tsangshiq rai pattup pat-sa miitu tong mishongha. Ngi raq tsangshiq ma jaqsham ahea kloke wan ka laq thaq mang phan she mirha. Kiimaq tsangshiq raq Ngi ma haisong tsantsii thü wan ka tsangshiq tsan nai mongjii wiita kuq raütiishe mithü wan. Krai mren tsangshiq ka iwokhong wa ümtiikiimin dongho mak she miraq.

Acts 19:17

Ephisia na siti Jehudinok mungmaiqse wiita raq, kiimaq Pongnok phan mungmaiqse wiita raq ara tsütsa ka ratsa ikhiishe taito. Kra tai raütiishe, tsangshiq tarü ka phiip raq tsaito. Kiimaq Tati Jesuq mang ka kai shreng wanto.

Acts 2:43

Kiimwebi jaqsham lümaq, awang chang nai amao chang jaqsham ka pahea shamto. Kra chhi raüta, mungmaiqse thun ka tarü kai amao riito.

Acts 5:5

Ananias ka ara bomtsi ara tairili, kiijaq chut riwan tlü tsaikito. Kiimaq ara tsütsa taitibi thun maiq tarü ka phiip raq tsaito.

Acts 9:31

Riita, ara chong tiikai arai mren, Judia wang na, Gelili hong na, kiimaq Samaria wang na siti phungtuti thun ka, ahai asong jam min ahü miishe, hansang miishe shongngato. Kiimaq Asii Wenyi jaqkhong maq, tsangshiq raq ningkun lap wanto, kiimaq Tatiwe ka kai shreng raütiishe shongnga wanto. Krai mren, phung na shang wanti maiq ka pawan ruq li she pawanto.

Philippians 2:12

Riita, ija, ara chongkuq tiipha arai mren, lungwii phunainotiim lei, man na ngi, namshiq rai adam siji na, namshiq raq jamkho, i bom chong ka phaqchii nichii maq tai lan, kra nam miimin, namshiq raq ümchaü i bom chong ara tai wan ka akhek lin she. Namshiq raq tiichhii wan rilung lap wan kra, awon awu ma tiija wan miitu, Shiikeawe lamphan na, pinthum shiikut chaq lanta sironglaq.

Hebrews 11:7

Nowaq raq Shiikeawe ma kamtsantsii thü kha maq, Shiikeawe raq apaiq ma mak maq michhi shaqli, jai na saüho chang rathup jüjang tsütsa chongkuq taq kra taito. Raüta, apaiq raq Shiikeawe aming maq, laikaü ashi tato. Kra laikaü na ngawa raüta, apaiq nai achak ase tiim ka rathup jüjang mong wa tiichhiito. Krai mren, apaiq rilung na jaqsham wantaq kra lümaq, phiijawa ka shutto dea nguta, shra baiqto. Kiimaq Shiikeawe raq Nowaq dea kechu maiqse nguta pong na, rairiito. Arka apaiq kamtsantsii thütaq kha maq, Shiikeawe raq raikuqto.

Hebrews 12:15

Namshiq ka, Shiikeawe kaphap wokhong nyang wa, lamjiq na kiho man chang miitu, tsii lam shat maq si ronglaq. Namshiq phong wa, jumin akhap atsuwiq pechong ma, naqja rongkiq. Kra chong jonglu wan raüta, nanok miatsii baiq wan ka raa mak.

Hebrews 12:28

Riita, ümchaü sanha, Shiikeawe ma pinthum kechu tum rong i. Apaiq raq nashiq ma ramungtan ka kuqto she. Nashiq ka apaiq sengi she. Ara mungtan kuqtaq arka, ümtiikiimin thenki mak phan she. Arkha maq, ümchaü sanha, nashiq raq Shiikeawe ma khoqriiq shishiiq maq, kechutum wan lili rong i. Laita, apaiq tiichochi miitu, apaiq raq lungwii tlaq kra phanphan, apaiq ka kai shreng laita, shomnoq rong i.

Hebrews 4:1

Riita ija, ümchaü min la, Shiikeawe raq nashiq ma nütiitsak raüta sichang hiqshong kra mikuq kang nguta kiq khamkuqto. Ara khamkuqtaq nütiitsak raüta sichang mungtan kriika, nashiq miitu. Riita nonai notsam lei, Shiikeawe raq namshiq phong wa maiq ka weshi min, ara chong tlaq niitiitsak chang mungtan na saü lot man miili, ajiq we nguta lamkam pii miili tiidea baiq mak chang miitu, hon atsii tiitsang tiitsang maq si rong laq.

1 Peter 1:17

Namshiq raq achu jaü tlan na Shiikeawe nangnga, “I We lei,” nguta riibom tlan. Apaiq raq maiqse angu wiitarü ma, mren mra maq shin kuq tlo. Maiqse pum loweatek raq, maiqmii raq jaq maq jamkho Shiikeawe lamphan ka shiithuk rai tlaq, kra tiiphanphan phokuq tlo. Arkha maq, namshiq ka mangjong hiq na ümchu ranaiq wa sithü tlan, kra liipan na Shiikeawe ma haisong tsantsii rümshat maq shonga lanta sironglaq.

Revelation 15:4

O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”