Acts 4:30 - ASII LAKDAP Bible (BSI)

³⁰ Kiimaq, asii üm Luqkhapse Jesuq mang na, pinthum awang chang nai amao chang jaqsham ka, atsi asiti ka tiihea kuq laüta, ümningkun jong kra tiichhi kuq laq,” nguta achu jaüto.

Hawa Naga Bible 2001

³⁰ Miq vthuiuz vsac htenc tvhvlc tvkoc m-yauk tvlanc shuiuz, mnoz vsawc Nvrc Waz Yesu muingc maq romzyac nuiyc vwangc juing htenc kuex shuimc lot tvkoc romc kuq koq,” ngoz tueq vjux thoz tueq.

Muklom

³⁰ Ba jak thalo eq taqhal u; etho ba sanga Jesu miing, patja nia umal jaksom takhi u.”

Acts 4:30 Referencias Cruzadas

DUNGWVNC 6:6

Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.

JEREMIA 15:15

Kiijiishe ngi raq ngukang, “Tatiwe, ümniiraq asaphaü. Ngi ara ümtsan na tiitsanglaq. Kiimaq ngi khrumlaq. Ngi tiichamchaoti khuthaq na iphuk lampha. Ümniiraq tsangshiq ka kiitinkhan langlang naq ninkiq. Laüta tsangshiq ma ngi tiitsatli chang akhing naqkuqkiq. Tsan na tiitsanglaq; tsangshiq raq ngi shummiitlaq arka ümmang na shummiitlo.

John 4:48

Jesuq raq apaiq ma nguto, “Namshiq raq awang chang jaqsham chhi man wiiwii ka, kam man phan.”

Acts 2:22

“I nok i hiq Israilnok lei, ara chong tiikang bomtsi ara, samhea tiitsang tai ronglaq! Najareth hiqti Jesuq ka, Shiikeawe raq apaiq jaqsham ma ashong wan maiqse dea nguta, namshiq makki na apaiq pum lümaq, ümtinkhan wa awang chang nai amao chang jaqsham pahea shamkuq wan raüta, namshiq ma khangriri hea tiichhikuq wanto. Arka namshiq tarü raq asap han siisaq. Arthun jaqsham wantaq arka, namshiq man na sham wanto.

Acts 2:43

Kiimwebi jaqsham lümaq, awang chang nai amao chang jaqsham ka pahea shamto. Kra chhi raüta, mungmaiqse thun ka tarü kai amao riito.

Acts 3:13

Natitiim Abraham, Isak kiimaq Jakob Shiikeawe kiimaq natitiim Shiikeawe raq Ajaqshi se Jesuq ma, Shiikeawe apaiq asii khushü ngao kriika ake kun she. Shatmaq, namshiq raq, apaiq ka lap lanta, Jehudinok jaq na kiinong kuq lan. Kiimaq, lanta, Pilat raq apaiq ka namshiq makki na, apaiq dü na kha ahü, atiidong baiq chang nguta, kha ka photo. Shatmaq, namshiq raq apaiq ka atiidong baiq raa mak dongdii ngutiishe, tiishaü baiq lan.

Acts 3:16

Riita, ümchaü ara akü we hoktsi heakitaq arka, kriiwe mang na ningkun asi kha maq, kra ningkun raq tiihea kuqto. Ümchaü namshiq maiqmii raq jamlai wa chhi tlan kiimaq sap wan tlan arka, kriiwe mang ningkun na kamtsantsii thü tiikai kra lümaq atiihea kuq chhi tlan. Arka, Jesuq ma kamtsantsii rüm tiikai kra lümaq, apaiq ka heato. Ümchaü ka namshiq tarü raq, maiqmii mak maq chhi lan she.

Acts 3:6

Shatmaq, Petar raq apaiq ka thaüto, “I jaq na kampho lakshii ka jam min ahü. Shatmaq, i jaq na jamlai phan wa asi, kra ümniima ümchaü kuqtiikang. Najareth hiqti Jesuq Khristo mang na, ngi raq ümniima aming kuqtiikang, tiidolaq, laüta khumlaq!”

Acts 4:10

Riita, ümchaü min namshiq tarü raq, Israilnok mungmaiqse tarü raq, ara bomtsi ara tiitsangdada sap ronglaq. Arwe arka thawe kharü mong wa, ümchaü phintsaqtsaq she, arot la arot she heakito. Raüta, ümchaü namshiq tarü makki na, phintsaqtsaq hea she chap raü chhi tlan. Ara heakitaq arka, namshiq raq atsatbaiq han, Najareth hiqti we Jesuq Khristo mang na ningkun asi; kriiwe ningkun maq heakito. Jesuq ka namshiq raq pumsongkham na tübaiq lanta tsatbaiq lan. Shatmaq, Shiikeawe raq apaiq ka amaa wiishe tiidong wanto.

Acts 4:27

Ara chongtlaq arka riikhaqli she dea teng wanto. Herod nai Pontias Pilat ka ara chela na Pongmung maiqse nai Israilnok welabi rai, adam na reraü shi maq pong raüta, ümbom taiti asii ümluqkhapse Jesuq, ümniiraq apaiq ka Khristo ma shong laü we kra ngeng seng wanto.

Acts 5:12

Mungmaiqse liipan na kiimwebi raq awang chang nai amao chang jaqsham pahea sham wanto. Kamasham maiqse thun ka tsantsii ashi maq Solomon Jolitiip na riitam ngato.

Acts 6:8

Shiikeawe raq Stephen ma pinthum asho awo achu shiiman kuqto. Apaiq ka Wenyi na ningkun ama riito. Apaiq raq mungmaiqse phong na, awang chang nai amao chang jaqsham pahea shamkuqto.

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.