Acts 3:6 - ASII LAKDAP Bible (BSI)

⁶ Shatmaq, Petar raq apaiq ka thaüto, “I jaq na kampho lakshii ka jam min ahü. Shatmaq, i jaq na jamlai phan wa asi, kra ümniima ümchaü kuqtiikang. Najareth hiqti Jesuq Khristo mang na, ngi raq ümniima aming kuqtiikang, tiidolaq, laüta khumlaq!”

Hawa Naga Bible 2001

⁶ Yuq muinz Peter rueq, “Ngvy kox nuex kuimshawx nuiyc kuimphox kuex vguez, yuq muinz httax yaq phvnx kuex mnoz muex ngaz rueq kuq ix, Nazaret ghaq jix Yesu Christu muingc maq kvtenc vtueq khuemx wvnc kuiuz!” ngoz tueq.

Muklom

⁶ Peter aa piq ma batta, “I ching na hun aa cha ahung, etha otho bara i ching na atha nang ma kot phang; Nazareth Jesu Khristo miing o nang tunshat eq qhing u!”

Acts 3:6 Referencias Cruzadas

Matthew 10:9

Namshiq raq lam khoraki ma nguta kampho ka naq rongho rongkiq.

Matthew 7:22

Phangthum Khapho Ranaiq na maiq pahea raq ngi nangnga, ‘Tatiwe loi, Tatiwe loi! Ümmang na naishiq raq Shiikeawe bomtsi chongkuq kai ihata! Kiimaq ümmang maq naishiq raq abi winji pahea jobaiq wan kai ihata. Kiimaq awang chang jaqsham pahea sham wan kai ihata!’ nguta mingu.

Mark 14:8

Apaiq raq jamlai wa tang tlaq, kra kloto; apaiq raq i khum na ara homseng maq nyat kuqtaq arka, tlu na i ma ara alap miitu, tiije kuqto.

Mark 16:17

Kamwan tlaqti thun ma, awang chang jaqsham miitu ningkun mikuq. Tsangshiq raq, i mang na tha mijo baiq; tsangshiq ka pongnok pongta phan bom maq mibom.

John 19:19

Pilat aming maq, Jesuq pumsongkham na, “Najareth Hiqti we Jesuq, Jehudinok Hokham we,” nguta, Jesuq ma kha nyantaq kra kha raüpot bomtsi ka, waiq raüta tiikop damto.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 16:18

Apaiq raq akha tsangshiq shakshaq rea arka, rahiq aluwiq she shakshaq rat wanto. Kriikha niishe, Paul ka atsütsa sihea she riito. Kriikha miishe, apaiq raq jechakse pha nü na lii raüta, apaiq khum wa abi winji ka, “Jesuq Khristo mang maq ngi raq ümniika ara jechakse khum arwa jobaiq tiikang, dongkikiq!” nguta jobaiqto. Krai mren, kra nyung khum wa tha ka kra liipan niili she donghoto.

Acts 2:22

“I nok i hiq Israilnok lei, ara chong tiikang bomtsi ara, samhea tiitsang tai ronglaq! Najareth hiqti Jesuq ka, Shiikeawe raq apaiq jaqsham ma ashong wan maiqse dea nguta, namshiq makki na apaiq pum lümaq, ümtinkhan wa awang chang nai amao chang jaqsham pahea shamkuq wan raüta, namshiq ma khangriri hea tiichhikuq wanto. Arka namshiq tarü raq asap han siisaq. Arthun jaqsham wantaq arka, namshiq man na sham wanto.

Acts 2:36

“Riita, ija, ümchaü sanha namshiq Israilnok phan angu tlotli raq, namshiq raq pumsongkham na tübaiq lan we Jesuq kriika, Shiikeawe raq Tatiwe miishe, kiimaq Khristo miishe dea shong wanto nguta, riikhaqli maq sap wan chang ahata!”

Acts 3:16

Riita, ümchaü ara akü we hoktsi heakitaq arka, kriiwe mang na ningkun asi kha maq, kra ningkun raq tiihea kuqto. Ümchaü namshiq maiqmii raq jamlai wa chhi tlan kiimaq sap wan tlan arka, kriiwe mang ningkun na kamtsantsii thü tiikai kra lümaq atiihea kuq chhi tlan. Arka, Jesuq ma kamtsantsii rüm tiikai kra lümaq, apaiq ka heato. Ümchaü ka namshiq tarü raq, maiqmii mak maq chhi lan she.

Acts 3:5

Krai mren, tsangnai raq phanshi ra mikuq sham nguta tiima raüta, apaiq raq tsangnai pha nü na liito.

Acts 3:7

Kra ngo lam miili she, Petar raq akü we ka ajaq jaqtsi nü maq hitjoq raüta tiichapto. Krai mren, maklii liipan niili, akü we hok nai ajidang ka hongsaq li she heakito.

Acts 4:10

Riita, ümchaü min namshiq tarü raq, Israilnok mungmaiqse tarü raq, ara bomtsi ara tiitsangdada sap ronglaq. Arwe arka thawe kharü mong wa, ümchaü phintsaqtsaq she, arot la arot she heakito. Raüta, ümchaü namshiq tarü makki na, phintsaqtsaq hea she chap raü chhi tlan. Ara heakitaq arka, namshiq raq atsatbaiq han, Najareth hiqti we Jesuq Khristo mang na ningkun asi; kriiwe ningkun maq heakito. Jesuq ka namshiq raq pumsongkham na tübaiq lanta tsatbaiq lan. Shatmaq, Shiikeawe raq apaiq ka amaa wiishe tiidong wanto.

Acts 4:7

Tsangshiq raq Jesuq kiimwe nai ka tsangshiq rungphung na tiichap raüta, “Namnai raq ara akü we ara jamkho tiihea kuq lan? Namnai raq ara ningkun ka jambawo lap lan? Ju ningkun mo ara tiihea kuq lan ara?” nguta tsangnai ma bom ka waito.

Acts 9:34

Petar raq apaiq ma, “Ainias, Jesuq Khristo raq ümthatsi ka tiihea kuqto she. Tiidolaq. Laüta, ümchangdü ka tiihea laq,” nguta thaüto. Krai mren, Ainias ka abum wa tiidopot chap hiiq heakito.

1 Corinthians 4:11

Ümchaü ranaiq niitaq, naishiq ka amang ale, kham nyang wiikii tsi li sitiikai. Naishiq khu akhea ka tiichai miiphai! Naishiq ka maiqmo holaitli sitiikai. Naishiq ka jamhü wakhü, mangtam ikha sitiikai.

2 Corinthians 6:10

Naishiq ara acha apa ranaiq min, khoqriiq shishiiq miili sitiikai. Naishiq arka miitsan miijan maiqse ikhli sirai tiikai. Shatmaq naishiq raq maiq pahea ka chiithe lüwa ma tiija kuq wan tiikai. Naishiq ka jaqhü jihü ngo chang chang ikha sirai tiikai; shatmaq naishiq jaq na phanrap asi.

2 Corinthians 8:12

Namshiq raq khoqriiq shishiiq maq kuq han jiila, Shiikeawe raq namshiq kongphiq jaqmiiq ka, chochi khiq ma mitao. Namshiq raq ümchuwa mitang han, kra kuq ronglaq. Namshiq jaq na jamlai wa ahü, kriika Shiikeawe raq asap.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

1 Peter 4:10

Shiikeawe raq namshiq ma phanrap phanrii kongphiq ka akekun she. Krai mren, namshiq loweatek raq, maiqmii kongphiq atiitsang lap wan lan kriika, ahea wiq maq, khaqshkhaq jaqsham wan na lang rong laq. Kriika tarü ma amet dong chang jonghea miitu jaqsham tlan kriijaq lang ronglaq.