Acts 3:6 - Muklom

⁶ Peter aa piq ma batta, “I ching na hun aa cha ahung, etha otho bara i ching na atha nang ma kot phang; Nazareth Jesu Khristo miing o nang tunshat eq qhing u!”

ASII LAKDAP Bible (BSI)

⁶ Shatmaq, Petar raq apaiq ka thaüto, “I jaq na kampho lakshii ka jam min ahü. Shatmaq, i jaq na jamlai phan wa asi, kra ümniima ümchaü kuqtiikang. Najareth hiqti Jesuq Khristo mang na, ngi raq ümniima aming kuqtiikang, tiidolaq, laüta khumlaq!”

Hawa Naga Bible 2001

⁶ Yuq muinz Peter rueq, “Ngvy kox nuex kuimshawx nuiyc kuimphox kuex vguez, yuq muinz httax yaq phvnx kuex mnoz muex ngaz rueq kuq ix, Nazaret ghaq jix Yesu Christu muingc maq kvtenc vtueq khuemx wvnc kuiuz!” ngoz tueq.

Acts 3:6 Referencias Cruzadas

Matthew 10:9

Nim jamoq cha, hun aa cha etho nginsa nak hol inn.

Matthew 7:22

Khaphung Saal tho daqhan tol miqtang eq nga ma bat phanáng, ‘Teyhungwa, Teyhungwa! Ba miing wang í aa Shkewa tung aa raaq bat ti, ba miing wang í aa thangwa tang phan ti etho daqhan tol patja ching jaksom lot somlo ti!’

Mark 14:8

Piq aa chamlang jin somlo aa tha hun somlo ta; nga utik tok o bung rangma piq aa jakho ngama atim angam jit kota phang.

Mark 16:17

Etho uhan miqtang aa patja jaksom somlo eq takhima tarong kap na; imiing o ning aa thangwa eq rum aa sha jin phan eq na; etho anal raaq raaq na;

John 19:19

Pilate aa bólq khona lik wit eq tharap ta. “Nazareth wang Jesu, Jehudi tang Lungwang” ta eshina thawit ta.

Acts 10:38

Nim aa Nazareth Jesu tung aa raaq sam eq inn etho chammal Shkewa piq ma Asang Tsija etho tarong kot ta tha tho usam eq inn. Piq aa thaji haq náng ka eq jaqhal jaksom somlo ta etho thang eq rum aa miqtang haan wang tha tho phanchak ta, chammatakoi Shkewa piq jamna angta.

Acts 16:18

Irimal piq aa daklot wang sey somlo chey ta, ethirangma Paul tin rapney khata etho ngik lang eq anaan tsija shima batta, “Jesu Khristo miing o uhanphung wang thalat ma nga raaqkhat kot phang!” Etho eshi rangham o hun anaan tsija tha uhanphung wang thalat chuwang ta.

Acts 2:22

“Israel miqtang, iraaq tang ri tat inn! Shkewa Nazareth wang Jesu sha daqhan patja jaksom, rapney patja, etho umal takhima nim jaktung na somma takat ta. Iri tang raa Shkewa piq tungkang nim jaktung o somlo ta. Iri raaq raa usam eq inn.

Acts 2:36

“Israel miqtang aa ira jaqhal eq samching, nim aa iri Jesu raa bólq na tatik tin, etharin Shkewa piq tha Teyhungwa nia Messiah ma hunta.”

Acts 3:16

Iri miing wang hun iri jakung wa jana tarong thuta. Nim aa chamli khi tin etho tat tin, iri tang thaji raa iri miing wang han eq angta; nim thaji aa khi tin mal Jesu ma kam tungkang wang angta.”

Acts 3:5

Piq aa ningni ching konáng chamli lang kap ma tungmang eq siinta.

Acts 3:7

Piq aa jakqha ko o lo eq piq tha thalang ma nok lota. Kalo hun ethi miqwa ja tho tarong thuta.

Acts 4:10

nim thaji aa usam eq ching etho Israel thaji tang aa tho usam hun eq ching, iri wa raa nim jakho na qhal eq lang ta jo, Nazareth wang Jesu Khristo miing o lang ta. Nim aa piq tha bólq na tatik tin etho Shkewa piq utik wang wey thajey ta,

Acts 4:7

Ning aa Peter nia John tha ning jakho o thalang eq pitta, “Nimni aa iri jaksom ri chamlang tarong wang etho utang miing wang somlo shin tin?”

Acts 9:34

Peter aa Aeneas ma batta, “Aeneas, Jesu Khristo aa nang taqhal taphu. Shat u etho ba jibching ni taqhal u.” Photla piq tunshat ta.

1 Corinthians 4:11

Thang nángduk tho í chamlal junglal ti eq tong i; í aa aking khat sam i; í raa wat taphi; í him ahungtey tang.

2 Corinthians 6:10

tintashit taphi, etharin salwet sungrang eq tong i; í tangshit mal etharin í aa daqhan miqtang sha tanglom ma hun ti; í jakna chamtho ahung mal, etharin í jakna thaji atha.

2 Corinthians 8:12

Nim aa ukot eq ma unuk ang inn ta ang ajo, nim aa chamlang jin kot inn sha, esho hun nim jakkot sha Shkewa tinnuk, nim aa chamlang jin kot min aa, irima raaq ahung.

2 Corinthians 8:9

Nim aa usam eq inn, hiqtang Teyhungwa Jesu Khristo ráng manchan chamal ang aa tha; piq itan tanglom ang ajo tho, nim rangma piq ni piq sha tangshit ma tahun ta, irimal ang eq piq tangshit tungkang o nim tanglom ang nin.

James 2:5

I no nia pho tang tat inn, iri mingkang na tangshi tang ma, ning kam o tanglom angma Shkewa tal aa etho barey Shkewa ma tinmat aa, ning ma ukot eq na ta rangtum ta eshi rangmungtan sha ukot eq ma ning sha tal aa.

1 Peter 4:10

Nim thaji aa bari jakkot raa Shkewa wang kap tin, eshi jakkot sha Shkewa ching wang thangchan ta tathin eq ashey eq ashey ma jaqhal eq somlo ching.