Acts 3:1 - ASII LAKDAP Bible (BSI)

¹ Ranaiq shi Petar nai Johan ka Shomjam na ranaiq nari tsam na achu jaü wa wato. Kra akhing ka achu jaü akhing bala.

Hawa Naga Bible 2001

¹ Raungnuiyq shiz Peter nuiyc Yohan kuex vjux thoz vkhing raungyac kox shalhtaz thuimx nuex Shomc Yuimx nuex kaz tueq.

Muklom

¹ Saal shey, Peter etho John Rangnuk him náng romtam chuk ma ka chey ta esha rangja atom rangham angta.

Acts 3:1 Referencias Cruzadas

1 HOKHVMX 18:36

Ranaiq shethung shekham bala honglu kewan akhing she saüto angu na, shammiwe Elija ka kra berong-wacha tho niishe chapto. Raüta akha achu jaüto “O Tatiwe lei, Abraham Shiikeawe, Isak Shiikeawe, kiimaq Jakob Shiikeawe lei, ümchaü akhing arjaq ümniika Israilnok Shiikeawe dea, kiimaq ngi arka ümjaqshi se dea nguta saqse tiichhikuq laq. Kiimaq ngi raq arthun klokang arka ümnaq aming miidea klokang nguta tiichhikuq laq.

Tvtsvmc 55:17

Ranap na, ranaiq shethung na, kiimaq rawa na ngi raq shoktiikang kiimaq hannyi tiikang thun ka apaiq phana ra na wawantlo, krai mren apaiq raq ibom ka mitai.

DUNGWVNC 29:39

Skuse ashi ka ranap na takuqlaq. Kiimaq ashiti ka raji na takuqlaq.

DANIEL 6:10

Riita, Daniel raq kra aming ka khatto she nguta tho lapto. Apaiq ka ajam na wawanto. Raüta apaiq jam rathong khok na kitanpu thun kilü tlinshat asi riito. Kra kitanpu thun ka Jerusalem chela nü na tiinyi raqraq riito. Kitanpu thun tlin shat kiijaq walili raüta, rahinjaq ratili na jamkho achu jaütlaq kiikha, ranaiqshi na jangtsamtsam kaütsrong na nga raüta Shiikeawe jaq wa achu jaüto.

DANIEL 9:21

Ngi ka akha achu jaü rea na, rase Gebriel, kongkhu lak na riishammak maq chhikang kra rase ka ra wa biwansaq raüta, i phana thiimkito. Kra akhing ka raji honglu kewan akhing bala riito.

WEAWEA 28:4

Ashi ka ranap na takuqlaq. Kiimaq anai ngojati ka raji na takuqlaq.

Matthew 17:1

Ratrok jai maq Jesuq raq Petar nai ano Jakob kiimaq Johan kra shea wan raüta hiqlam ashi diiluwiq kiina wawanto. Kiijaq tsangshiq blai laqlaqse li riito.

Matthew 26:37

Kiimaq apaiq rai Petar nai Jebedi se nai kra shea raüta wawanto. Ajü amii holai raq pat raüta, atsan among po ka bunki nam nam ikhiishe tsito.

Matthew 27:45

Ranaiq shethung shekham akhing na, mangjong tlotli na nari tsam na saüli ranyaq kito.

Luke 1:10

Apaiq ka jam mong na honglu chaq shon, nokwe ka kinphai maq achu jaü ngato.

Luke 18:10

Apaiq raq akha chongto, “Akhing ashi na maiq wenai ka Shomjam na achu jaükai kito. Weshi ka Phorisiwe, kiimaq weshi ka phunta hitiwe.”

Luke 22:8

Jesuq raq Petar nai Johan ka sinkhu na akha bom chongkuq raüta tiikito: “Kironglaq. Lanta Tiichhii Wan Poi dung ka nashiq miitu chungho li ronglaq.”

Luke 24:53

Raüta, tsangshiq akhing tlotli ka Shomjam na Shiikeawe ma kechutum raüta siwanto.

John 21:7

Kiijiishe, Jesuq raq lungwii hea we jaqshise kriiraq, “Apaiq ka Tatiwe!” nguta Petar ma chongto. Petar raq, apaiq ka Tatiwe nguta tai raütiishe, apaiq raq asamtong ka achhü na tasaq raüta, (Apaiq raq asamtong ka chhutje dongdii athü riito) jü na doq ha raüta, takii nü niishe wai wanto.

Acts 10:3

Apaiq raq ranaiqshi, ranaiq naritsam tin khan na, riisham mak maq tsangriri hea, Shiikeawe raq atiiki rase ashi ka chhito. Rase raq, “Kornelias!” nguta apaiq rai bomto.

Acts 10:30

Kiijiishe, Kornelias raq treto, “Shiilang we lei, kechu jonghea. Ümchaü ranaiq ara weali maq ranaiqtsam she. Ngi ka i jam na, ranaiq naritsam bala achu jaü ngakang. Kra bala, tiihanghiiq miili, maiqwe ashi, apaiq miirii ka khealü, achhai anyii samraü we kra, i khaki na chapsaq chapkito.

Acts 2:46

Wranaiqtek, tsangshiq ka adam na riitushat maq, Shomjam na Shiikeawe shomnoq riitam nga tlo. Kiimaq, jamshi na riitam hoho raüta, takshi pinshi maq chojong chise, kiimaq riiphea riinyin phaqsiq wan lili raüta sito.

Acts 3:3

Apaiq raq Petar nai Johan ka Shomjam mong na wawan kra chhi raüta, tsangnai raq apaiq ma phanshi ra kuq raüjaq nguta jaüto.

Acts 3:4

Kiijiishe, tsangnai raq apaiq ka tiqtiq liito. Raüta, Petar raq, “Nanai ara liilaq!” nguta apaiq ma chongto.

Acts 4:13

Ngongwebi thun welabi raq, Petar nai Johan ka thungtri saptsin wanti, tsüwe tsitwe min riimak, shatmaq ahai asong jam min ahü maq, tsangshiq man na, bom chongke kra chhi raüta, amaorai li she riito. Kra taksma bomtre kra chhi raütiishe, tsangshiq raq tsangnai ka Jesuq rai kongshi maq siwan damti kha maq, kiitin khan asung saptsin wantlo nguta bom ka tak wanto.

Acts 5:25

Kra liipan niili, maiq weshi ka Rung khok na nyap wa raüta welabi ma, “Welabi lei! Namshiq raq phaqtek mong na shaqlan maiqwetiim irka, ümchaü Shomjam na nokmaiqse ma trahoke rea!” nguta tsütsa ka tsangshiq ma tiitaito.

Acts 8:14

Kiimaq, Jerusalem na siti kiimwebi riimin, Samaria na siti mungmaiqsetiim raq Shiikeawe bomtsi ma kamwanto nguta tsütsa ka taito. Krai mren, tsangshiq raq Petar nai Johan ka tsangshiq phana tiiwato.

Galatians 2:9

Jakob, Petar kiimaq Johan, tsangtsam maiqlabi raq santla, Shiikeawe raq ngi ma ara tsankhun tsanwa jaqsham arka kuqto dea, nguta sapto. Krai mren, tsangshiq raq Barnabas nainai min tsangtsam rai kongshi maq, Shiikeawe jaqsham dam tlo, nguta anato jaq shiikamto. Laita, naishiq ka tsangshiq rai adam na nga laita, jaqsham ka akha riiphea wankai. Barnabas nainai riika Pongnok phan maiqse ma, Tsütsa Ahea kra michong kuq wan i, kiimaq tsangshiq riika, Jehudinok phan ma Tsütsa Ahea kra michong kuq wanlaq nguta, Shiikeawe jaqsham kra riiphea wan bom, kiq ri wan kai.