Acts 2:47 - ASII LAKDAP Bible (BSI)

⁴⁷ Tsangshiq ka akha Shiikeawe tiitsam kamwan li she shongnga wanto. Kiimaq phungtuti shongnga rilung kra chhi raüta, mungmaiqse riimin tsangshiq ka kai lungwiito. Kiimaq, krai mren, Tatiwe raq maiq anye ka wranaiqtek tsangshiq phung na tiitsuq wan wan maq, maiq ka tiipa kuq wan ruq li riito.

Hawa Naga Bible 2001

⁴⁷ Tsuingshiq rueq Tishox muex tvtsvmc wuez ruiux, miq lotlaz htumc nuex muingc jungc htvlx phawc vhvlx lvp wuez tueq. Taungjix rueq muinz palc daungc rvhumc wvnc jix htenc kuex wvraungx nuiyq tvpaung kuq wvnc tueq.

Muklom

⁴⁷ Etho ning aa Shkewa tha tasapsey ta etho thaji miqtang ning ma ramta; etho barey ulun kapta Teyhungwa salwet ning waan shina tharum ta.

Acts 2:47 Referencias Cruzadas

Luke 19:48

Shatmaq, mungmaiqse raq apaiq bom chongke traho bomtsi kriika poshi min tiikhea mak maq tai wan ruq riito. Kriikha maq, tsangshiq raq apaiq ka tsatlot mak dea riito.

Luke 2:52

Jesuq ka akhum nyea dang dang hea, kiimaq phaqchi lam na taksma maiqse ashi ma jawan raüta, jonglu wanto. Apaiq ka Shiikeawe lungwii wokhong maq nai maiqse lungwii wokhong maq, aheawiq se chhanchhi jonglu wanto.

Acts 11:21

Tatiwe ningkun ka tsangshiq khum na asi riito. Krai mren, tsangshiq traho bomchong tai raüta, maiq pahea raq Tati Jesuq ma kamwanto.

Acts 11:24

Barnabas ka maiqshaq weshi. Apaiq ka Asii Wenyi raq ama kiimaq kamasham na srea weshi riito. Apaiq traho bomchong kra tai raüta, maiq pahea Tatiwe puk na nyap wanto.

Acts 13:48

Kra traho bomtsi chongkuqtaq kra, Pongnok phan maiqse raq tai raüta, tsangshiq ka kai khoqriiq shishiiq she chochi wanto. Kiimaq tsangshiq raq, Tatiwe bomtsi ka pinthum tiitsam kam wanto. Kiimaq, Shiikeawe raq pattup pat-sa tsitsü kewan miitu maiq ümchuwa tsea wantaq, kriiti thun ka kamasham maiqsetiim miishe tiija wanto.

Acts 14:1

Kra niq riri sii hali, Ikoniam chela niimin riito. Paul nai Barnabas ka sinagok na wa raüta, achaq awaq maq Tsütsa Ahea kra chongkuqto. Krai mren, Jehudinok phong wa nai Pongnok phan maiqse phong wa maiq pahea raq Tatiwe ma kamwanto.

Acts 14:21

Paul nai Barnabas raq Tsütsa Ahea ka Darbi chela na chongkuqto. Krai mren, maiq pahea Jesuq puk na nyapto. Kra miishe tsangshiq ka Listra, Ikoniam, kiimaq Pisidia wang na Antiok chela niishe jang wan nongto.

Acts 16:5

Krai mren, phungtuti raq tsangshiq kamasham lamphan na ningkun lap wanto. Kiimaq akam wanti maiqnye kiimin, ranaiqtek pawan ruq li she pawanto.

Acts 17:12

Krai mren, tsangshiq phong wa maiq pahea raq kra chongkuq wantaq tsütsa kiima kamwanto. Kiimaq Griknok wa jechakre ajong alabi pahea raq kiimaq Griknok wa maiqwere min pahea raq kamwanto.

Acts 2:39

Ara jamkhano chong tiikang ngukla, Shiikeawe raq ara kiqkham raüpot khakuq wantaq arka namshiq miitu. Kiimaq, namsaü namsetiim miitu. Kiimaq ara kiqkham arka, maiqse angu alulang na ümchuwa sitlaq kriiti thun ka, nashiq Tati Shiikeawe raq, apaiq rii she nguta hea wantiiti thun kra kunli miitu.”

Acts 2:41

Krai mren, Petar traho bomchong kra tai raüta, maiq pahea raq, Jesuq ma kamto. Kiimaq, tsangshiq ma kham lamkuqto. Krai mren, kra ranaiq liipan niili phungtu na maiqnye ka hingtsam tiitsuq shang wanto.

Acts 4:21

Kra, tai nong raütiishe hali, Rung welabi raq, tsangnai ka tiiphiip miijiip raüta, kiq atsin maq hali, Jesuq mang na nanok ma trahoke maimak dongdii nguta, shiikeng miileng raütiishe, tsangnai kharü ka diibaiq raüta tiiwa baiqto. Jamkhano ngukla, tsangshiq raq tsangnai tiishut chang lam ka hum mak. Kiimaq, mungmaiqse tarü raq, “Shiikeawe raq awang chang shamto. Apaiq ka awangchang Shiikeawe,” nguta Shiikeawe tiitsam kamti siisaq.

Acts 4:33

Kiimaq, kiimwebi raq ningkun ajong maq, “Tati Jesuq ka amaa wa dong wanto she,” nguta mungmaiqse ma, saqseng hakhi kuwanto. Krai mren, Shiikeawe raq tsangshiq tarü ma, achu shiiman achong lot mai jonghea asho awo thap raüta, raükhokkhok kuqto.

Acts 4:4

Shatmaq, mungmaiqse phong wa maiq pahea raq, Petar nai Johan raq achongkuq traho bomchong kra tai raüta, Jesuq ma kamwanto. Krai mren, kamasham maiqse ka hingbiingi she pawanto.

Acts 6:1

Kra jai maq heashi sijai na, Jesuq ma kamwantibi maiq anye ka pahea pawan ruq li riito. Kriikha maq, Grik bom maq bomti Jehudinok nai nokti Jehudinok liipan na, maiq wiijamti ka abot tsaü riito. Grik bom maq bomti Jehudinok raq ranaiqtek khoraki kampho pheake na, tsangshiq phong wa manti-nyungre ma samhea tiikham nyin kuq mak laqthaqtlo nguta tiibot nyanto.

Acts 6:7

Krai mren, Shiikeawe bomtsi ka maiq pahea raq taiwan wan she riito. Raüta, maiq pahea raq Shiikeawe bomtsi ma kamwanto. Krai mren, Jesuq ma kamwanti maiqnye kong ka, Jerusalem na pahea riiwan wan she pa wanto. Kiimaq ramwe weraü phan wa maiq pahea raq, Tsütsa Ahea ma kamwanto.

Acts 9:31

Riita, ara chong tiikai arai mren, Judia wang na, Gelili hong na, kiimaq Samaria wang na siti phungtuti thun ka, ahai asong jam min ahü miishe, hansang miishe shongngato. Kiimaq Asii Wenyi jaqkhong maq, tsangshiq raq ningkun lap wanto, kiimaq Tatiwe ka kai shreng raütiishe shongnga wanto. Krai mren, phung na shang wanti maiq ka pawan ruq li she pawanto.

Acts 9:35

Lidda hiqti nai Sharon hongti nokmaiqse tarü raq, apaiq thatsi heakai kra chhito. Krai mren, tsangshiq riimin, Tatiwe miishe kamwanto.

Romans 14:18

Krai mren, jurwa Khristo jaqsham ka, akha shampi tlaq, kra ngu raüka, Shiikeawe riimin, ahea dea nguta mikhoqriiq wan. Kiimaq maiqse riimin, ahea dea nguta mingu.

Romans 8:30

Krai mren, Shiikeawe raq ümriiti wa pong na athiiq raüta rairii wantaq, kriiti ka hea wanto. Kiimaq maiqse ümchu wa apaiq raq hea wantaq, kriiti ka apaiq rai wehea ma tiija wanto. Kiimaq apaiq rai wehea ma tiija wantiiti thun miika, apaiq khushü ngao kriimin riisha kuq wanto.

Romans 9:27

Krai mren, shammi we Isaia riimin, Israilnok miitu ka akha chongkuq wanto, “Israilnok ka sammok- tra jüphii na kumtsai phong ikha puchi rai wan raü min, tsangshiq phong wiika, aso atiichongki, kriili mitiichhii kuq wan.

1 Corinthians 1:18

Ara jamkhano ngukla, Khristo pumsongkham na tsaitaq tsütsa ka juwa tsai lam na kiho tlaq, kriiti miika thiihü. Shatmaq nashiq Shiikeawe raq chhii tlaq kriiti miika Shiikeawe ningkun tu.