Acts 21:3 - ASII LAKDAP Bible (BSI)

³ Riita lam na khamjong thaq maq khamjong mong hiq Saipras ka laijong maq rashra chhithü kai. Laita kiimaq shemai nü tiithithi maq jiiqho laita, Siria wang nü na kihokai. Riita naishiq ka khamjong kii hiq Tajar chela niishe saüho kai. Naishiq kai chang laijong maq ahoho piikii chang huk asam thun kriika, kiijaq tiisat wa chang riito.

Hawa Naga Bible 2001

³ Nuiyshiq rueq Kupru julc kuex khiz vtueq, kvruex julc ghaqyaz kox maq yanz wvnc ruiux, Siria mungx nuex lix maq kaz wvnc tiq, Tire ghaq nuex pvkac pvylvyc hup svmx tvdvy rax kay ningkhvnc nuex kvruex ghaq nuex thauk kaz tiq.

Muklom

³ Í Cyprus haq sha jin khi eq iri haq náng thuta phi, etho eshiwang saalnop konáng ka eq Syria haq náng thuti. Í Tyre na langti, bari haq sho ajong waqwan wang tangwang tunti.

Acts 21:3 Referencias Cruzadas

2 SAMUEL 8:6

Raütiishe apaiq raq tsangmung na phentiip thun tei wanto. Krai mren, tsangshiq ka apaiq senginok miishe jawanto. Raüta apaiq ma tijong phunta she kuqto. Tatiwe raq Dawit ma barapse wa rekhat ka wiita tiitangkuqto.

Tvtsvmc 45:12

Tajar mungti raq ümniima kongphiq thun mihokuqho; chiithe maiqse raq ümnaq khrum mirit.

Tvtsvmc 87:4

“Ngi raq Ejip mung nai Bebilon mung mang ka iwokhong na siti maiq mung thun mang waiqtiikang mangwea raüpot na mitlom damha; Jerusalem chela na siti mungmaiqse phong na Philistain mungti, Tajar mungti kiimaq Sudan mungti mang min miwaiq wanha.”

ISAIA 7:2

Riita ümtiikiiwa Juda mung hokhamwe raq Siria mung phenlabi ka Israil mung hiqrai niishe saühoto nguta tsütsa ka taitaq, apaiq nai asengi mungmaiqse tlotli ka pinthum phiip ajiip raq tsaito. Raüta rahai wan raüjaq pero jam kho tiibai wantlaq ikha tiikhaito.

Matthew 11:21

“O, Khorajin chelati le! Namshiq ma phiiptsi chang asi jo! Kiimaq Bethsaida chelati le! Namshiq miimin phiiptsi chang asi jo! Ngi raq namshiq makki na ümchuwa awang chang jaqsham wankang thun kriika, Tajar nai Sidon mung na sham wan ha jiika, tsangshiq raq man niiphü thoila thum sam raüta, kiinyiikhiq maq makphai khüshang raüta, tsangshiq khakam na tapkhu maq nyat raüta, tsangshiq ngarai kra tiidii maaho manyi mihoqsiq wa!

Matthew 4:24

Krai mren, apaiq mangjong tsa ka Siria mung tlotli na nyam wanto. Kriikha maq, mungmaiqse raq phanrap phanrii thuptsi thatsi chamchao maiqse thun ka apaiq phaniishe sheahoto. Atsiti phong wa wiijam ka thaq raq arom wan, wiijam ka angaq tsiti, kiimaq wiijam ka khum amaa arki tsiti thun riito. Jesuq raq tsangshiq tarü thatsi ka tiiheakuqto.

Luke 10:13

“O Khorajin chelati le! Namshiq ma pinthum phiiptsi chang asi! O Bethsaida chelati le, namshiq ma pinthum phiiptsi chang asi! Ngi raq namshiq makki na, awang chang jaqsham ümtinkhan wa shamkuq kang thun kriika, Tajar chela nai Sidon chela na shamkuq wan kang ngu haü jiika, tsangshiq ka manniiphü, ngarai tiidii wan, makphai khüshang mihoq siq wan wa!

Luke 2:2

Ara apha shaq shaq mung maiqse wea wantaq akhing na, Koirinias ka Siria wang na Wanghupti we riito.

Acts 11:19

Stephen tsat baiqtaq akhing chamchao lak na kamasham maiqsetiim tiipin jintaq lak wa, maiq wiijamti ka Phonesia wang na, Saipras mung na, kiimaq Antiok chela thun na, Tati Jesuq tsütsa ka Jehudinok phan miili chongkuq wan wan wawanto.

Acts 12:20

Herod ka Tajar nai Sidon chelati ma tsankhiq hea riito. Kriikha maq, kra chela anai wa mungmaiqse welabi thun ka Herod rai riihumkai kito. Tsangshiq raq apha na tsangshiq khrumke miitu, hokham we jam kheti we Blastas ka kongkhu na tsangshiq kiimwe ma tiija ma nguta tiijom na wanto. Raütiishe, Blastas ma tiishea raütiishe, tsangshiq ka Herod pha na riihum wa wato. Raüta, Herod ma, ari aram miidea singa rong i nguta, bom ka tiitai chong wanto. Jamkhano ngukla, tsangshiq chela anaiti raq aphaq asea chang raipo wonglo thun kriika hokhamwe sengi jaq wa riphaq siqtlo.

Acts 13:4

Asii Wenyi raq tsangnai ka traho jaqsham wa tiiwato. Krai mren, Barnabas nai Saul ka Antiok maq riita, Silisia na wato. Kra miishe, khamjong mong na sitlaq Saipras mung kiiniishe laijong maq wawanto.

Acts 15:23

Raüta tsangshiq raq ara lak ara Antiok na siti phungmaiqsetiim ma waiqto. Raüta Judas nai Silas ma tiiho wanto. Lak ka akha waiqto: “Naishiq kiimwebi nai maiqlare, namshiq ma phunainotiim raq, namshiq Pongnok phan maiqse lungwii phunainotiim, Antiok chela na kiimaq Siria nai Silisia wang na siti tlotli ma salam bomtsi tiitai wan tiikai.

Acts 15:39

Kriikha miishe, tsangnai liipan na kiq ka atsin miishe riikhii raito. Raütiishe, tsangnai ka traho bom chongke wa ka kongnai niishe riipheato. Raütiishe, Barnabas ka Johan Makaq shea wan raüta, lai maq Saipras mung niishe wawanto.

Acts 15:41

Krai mren, Paul ka Silas shea wan raüta, Siria wang nai Silisia wang lam maq wawanto. Kra wangnai na siti phungtutitiim ma kamasham lamphan na, tsaido jido ningkun shoqke wan bomtsi pahea chongkuq wanwan miishe wawanto.

Acts 18:18

Paul ka kra jai miimin Korin na siti phunainotiim rai rahiq aluwiq hali sithü damto. Raütiishe Prisila nai Akoila rai kongshi maq, Siria wang niishe laijong maq kihoto. Raüta, Kenkrea na saüto. Kenkrea maq mitiidoho shaq na, Paul raq sinkiitiq bomkham athü raükha kra shiikhoi diibaiq miitu akhu ka tiisito.

Acts 21:16

Riita Sisiria wa maiq wiijamti phunainotiim kiimin, naishiq rai adam maq wadamto. Raüta, naishiq ka naishiq düwa chang jamchongti we jam na shea wanto. Apaiq mang ka Mnason riito. Apaiq ka Saipras wang na siti. Apaiq ka man na aphaji niiphü kamasham maiqse dongdii riito.

Acts 21:2

Kiijaq Phonesia wang na kaihoti laijong ashi asi riihumho kai. Krai mren, kra laijong na dü wan laitiishe naishiq ka kihokai.

Acts 21:7

Naishiq ka Tajar chela maq laijong maq kiho nong laita hali, Tolemais chela niishe saükikai. Kiijaq phunainotiim rai riihum hokai. Kiimaq tsangshiq rai ranaiq shi haiho dam kai.

Acts 27:4

Laita, naishiq ka Sidon chela maq hali tiido wan nongkai. Shatmaq, rahai wa ka naishiq walam nü maq hai wan tlaq kriikha maq, laijong jiiq wan ka atongrea riihoto. Kriikha miishe, naishiq ka khamjong mong hiq Saipras wang khamwiiq rahai tiiwong shat win binjü kiimaq jiiq wankai.

Acts 4:36

Riita, ija, ara chongtiikai akhiisii hali, Lewi saüse phan wa maiq weshi, Saipras mung na sitiwe asi riito. Apaiq mang ka Joseph. Kiimwebi raq apaiq ka Barnabas nguta mangto. (Barnabas ngutlaq ka “Tsaiji doketi” nguta ngo).

PHOWEBI 10:6

Israilnok raq thongshi ri hali Tatiwe man na ngarai ka tangto. Tsangshiq raq Baal phra thun nai Astartes phra thun, kiimaq Siria mungti phra thun, Sidon wangti phra thun, Mob mungti phra thun, Ammon mungti phra thun, kiimaq Philistain mungti phra thun shomnoq nongto. Tsangshiq raq Tatiwe ka miimbaiqto, raüta apaiq ka shomnoq mak she riito.