Acts 21:3 - Muklom

³ Í Cyprus haq sha jin khi eq iri haq náng thuta phi, etho eshiwang saalnop konáng ka eq Syria haq náng thuti. Í Tyre na langti, bari haq sho ajong waqwan wang tangwang tunti.

ASII LAKDAP Bible (BSI)

³ Riita lam na khamjong thaq maq khamjong mong hiq Saipras ka laijong maq rashra chhithü kai. Laita kiimaq shemai nü tiithithi maq jiiqho laita, Siria wang nü na kihokai. Riita naishiq ka khamjong kii hiq Tajar chela niishe saüho kai. Naishiq kai chang laijong maq ahoho piikii chang huk asam thun kriika, kiijaq tiisat wa chang riito.

Hawa Naga Bible 2001

³ Nuiyshiq rueq Kupru julc kuex khiz vtueq, kvruex julc ghaqyaz kox maq yanz wvnc ruiux, Siria mungx nuex lix maq kaz wvnc tiq, Tire ghaq nuex pvkac pvylvyc hup svmx tvdvy rax kay ningkhvnc nuex kvruex ghaq nuex thauk kaz tiq.

Acts 21:3 Referencias Cruzadas

Matthew 11:21

“Chorazin samhaq, nim ma rapney tsamnang angna! Bethsaida samhaq, nim ma tho rapney tsamnang angna! Bara patja jaksom sha nim jaktung o somta, eshi patja sha Tyre nia Sidon samhaq na ang ajo, ning sha ning ngarey wang wey welta ta takhima, jakho wangduk jin kaley ang wangta, etho thola khat sam eq etho ning kho o botkhi won wangta!

Matthew 4:24

Syria mung thaji miqtang aa Jesu tha usam sey ta, etho ning aa Jesu rel thináng uphan phan thaji tak asa miqtang thok solta; chamtey tey thangwa wang lottey miqtang angta, chamtey tey wakngak tak asa angta, chamtey tey jak ajaa jin thamot moq miqtang angta; etho Jesu aa thaji tha taqhal ta.

Luke 10:13

“Chorazin samhaq, nim ma rapney tsamnang angna! Bethsaida samhaq nim ma tho rapney tsamnang angna! Bara patja nim khom o angta eshi patja sha Tyre nia Sidon samhaq na ang ajo, ning sha ning ngarey wang wey welta ta takhima, jakho wangduk jin kaley ang wangta, etho thola khat sam eq etho ning kho o botkhi won wangta!

Luke 2:2

Ira phang miing taka angta etho ethi rangham tho Quirinius tha Syria mung governor angta.

Acts 11:19

Stephen tatik ta tho, daqhan uhantey tang aa tahikham kap eq alo mung Phoenicia, Cyprus, etho Antioch náng pan jol chuwang ta, etho ning eshináng ka eq Jehudi tang ma chan Shkewa raaq tatat ta.

Acts 12:20

Herod Tyre nia Sidon miqtang ma rapney khata. Ethi rangma eshi miqtang tha Herod jamoq tachong ma thuta. Lungwang him siintan tey Blastus jamoq jakho wanta, ning Herod relnáng thu eq nungmay ang rangma batta. Chammatakoi ning mung na Herod mungwang phaksat kapta.

Acts 13:4

Asang Tsija wang takat eq, Barnabas nia Saul Seleucia náng kata etho eshiwang ningni waqwan o qhung eq Cyprus náng kata.

Acts 15:23

Liklo tha ningni jak o takot ta, “Nim apostle tang etho miqlang tang, thaji pho notang jamoq í aa Antioch, Syria, etho Cilicia na tongtey Gentile phan pho notang ma jak tachap kot i.

Acts 15:39

Ningni iri tung aa raaq ma rapney thadan ta, etho ningni taphal angta. Barnabas aa Mark John tha sol eq waqwan o Cyprus náng kata.

Acts 15:41

Piq Syria etho Cilicia wang qhing eq mondoli miqtang ma tin taching kot ta.

Acts 18:18

Paul uhantey jamoq Corinth na saal daqhan tong ta, ethi jio piq Priscilla nia Aquila tha sol eq Syria náng waqwan o kata. Waqwan na tong jakho, Cenchreae samhaq na kholok tahit chakta chammatakoi piq aa ashey rangtum ta.

Acts 21:16

Caesarea wang uhantey tang í jamoq otho ukat angta pha etho í Mnason himna sol kat taphi barina í tongtey angti. Piq Cyprus miq angta etho jakho wang hun uhantey angta.

Acts 21:2

Eshiwang í Phoenicia náng ka aa ajong waqwan tha kap khi eq eshina qhungti.

Acts 21:7

Í ajong waqwan na jol chey roq angti, Tyre wang Ptolemais náng kati, eshina uhantey tang jamoq jak tachap ti, etho ning jamna saal shey tongti.

Acts 27:4

Eshiwang í thalat ti etho rangpong adak kowang mot tungkang o í jung jaktung haq Cyprus adak kangko ang eq kati.

Acts 4:36

Cyprus mung na Joseph ta miing aa ashey Levi phan angta, apostle tang aa piq sha Barnabas ta halta, Barnabas ta “Tin thajongtey.”