Acts 2:1 - ASII LAKDAP Bible (BSI)

¹ Raroq Biingi Poi akhing saü ranaiq na, kamasham maiqsetiim ka wiita adam maq jamshi na, riitam ngashat riito.

Hawa Naga Bible 2001

¹ Pentekost raungnuiyq httuiuc koq tueq, kvmluimx jix miqsaz lotlaz kuex baungshiz nuex rvtuimx wuez tueq.

Muklom

¹ Pentecost saal thu tapha tho, thaji uhantey tang tha haq ashey o thajoq ta.

Acts 2:1 Referencias Cruzadas

2 KAÜWA WERAÜ 30:12

Kiimaq Shiikeawe ka Juda mung na jaqsham shat riito. Raüta mungmaiqse tsan tsü ka kiqshi tsiimshi ma tiija kuqto. Raüta hokhamwe nai asengi ajong alabi aming ka langwan miitu tsangshiq tsantsii ka tiichhii kuqto.

Tvtsvmc 133:1

Arka Pinthum amao chang, pinthum peohea, Shiikeawe sengi pumshi hanshi maq shongnga ka!

DUNGWVNC 23:16

“Ümtsam jut phaho tlaü akhing na Lamrii Poi ka klolaq. “Kiimaq Lamjaptiip Poi ka liidongji na ümniiraq spiqtsi nai petsiro wa petsi pansiq tlaü choji na klolaq.

DUNGWVNC 34:22

“Ümtiikiiwa namshiq raq bunwong tsam nye siqphahotlan kiitiikaq Tsamwi Poi ka klo ronglaq. Kiimaq Lamjaptiip Poi ka liidong wan na petsi anye pansiq phahotlan akhing na klo ronglaq.

JEREMIA 32:39

Ngi raq tsangshiq rilung na tsantsii ashi kli she mikuqha: kriika tsangshiq raq Ngi ka rilung pattup pat-sa she mishreng wan. Kriika tsangshiq ma ahea miitu kiimaq tsangsaü tsangsetiim ma ahea miitu.

JEPHANIA 3:9

“Kra lata ngi raq mangjong maiqse kunli, tsan nai tsii kra wiita miklai wanha. Tsangshiq kunli raq ngi li she mishom noq wan. Ahin phra ka shomnoq wan mak she miraq. Tsangshiq tarü kunli, iwokhong niishe misi wan.

Acts 1:5

Kiimaq, Johan raq namshiq ma kham lamkuq wantaq irka, kham lamlam miili lamkuq wanto. Shatmaq, ümchaü ka, heashi sijai niili she, Shiikeawe raq namshiq ma, Asii Wenyi miishe kham ka milam kuq wan,” nguta aming kuqto.

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Acts 2:46

Wranaiqtek, tsangshiq ka adam na riitushat maq, Shomjam na Shiikeawe shomnoq riitam nga tlo. Kiimaq, jamshi na riitam hoho raüta, takshi pinshi maq chojong chise, kiimaq riiphea riinyin phaqsiq wan lili raüta sito.

Acts 20:16

Paul raq Asia wang na rahiq ka alu tiicha mang she nguta apaiq kaisia walam bomtsi ka athapthi wan kun she riito. Kra ngo kha maq, apaiq raq Ephisia chela ka ashüp raütli she kaiho nguta thito. Apaiq ka Jerusalem na saüho tlo raüta, mairaü la Raroq Biingi Poi ka lomho dam ma nguta, ataü laü she riito.

Acts 4:24

Tsangnai nü wa kra tsütsa ka Phungmaiqsetiim raq tai raüta, tsangshiq tarü tsantsii ashi maq, Shiikeawe jaq wa akha achu jaüto, “Rakaü Hiq we Tatiwe lei, ra nai hiq phansangti, kiimaq sammoktra jü phansangti, kiimaq ra takiq na sitlaq tsitsü asi tarü phansang wanti we lei!

Acts 4:31

Krai mren, tsangshiq raq ara achu jaü lot ri, tsangshiq riitam ngachang ba ka hiqjong mu raq bai tlaq ikha, atiikhai riiban li she tiimeto. Kiimaq tsangshiq tarü ka, Asii Wenyi raq ama chhaq rom wanto. Krai mren, tsangshiq raq Shiikeawe bomtsi ka khangriri hea, haihii songhü miishe chongkuq wanto.

Acts 4:32

Kra Phungmaiqse kong ka tsangshiq tarü, tiima tsantsii ashi maq siwanto. Tsangshiq tarü loweatek raq, jurmin apaiq jaq na jamlai phan hupsam wa sitlaq, kriika apaiq rii li nguta tiima mak riito. Shatmaq, tsangshiq tarü raq maiqmii jaq na jamlai wa asi, kriika kongtibi rai takshi pinshi maq riiphea riinyin phaqsiq raüta shongnga wanto.

Acts 5:12

Mungmaiqse liipan na kiimwebi raq awang chang nai amao chang jaqsham pahea sham wanto. Kamasham maiqse thun ka tsantsii ashi maq Solomon Jolitiip na riitam ngato.

Romans 15:6

Krai mren, namshiq tarü raq, Shiikeawe, kiimaq nashiq Tati Jesuq Khristo ma Awe Shiikeawe ka, dang ashi maq tiitsam kam rong laq.

1 Corinthians 16:8

Ngi ka ümchaü arjaq Ephisia chela niili misiha. Raroqbiingi Poi na saüli misiha.

Philippians 1:27

Riita, ümchaü namshiq ma akhek pinthum ka, namshiq rilung ka Khristo Tsütsa na jamkhiiwa chong tlaq, kra phanphan singa chang. Krai mren, ngi ka namshiq liiwa wakang lo, kiimaq walap mang lo, li jiimin, ngi raq namshiq ka miitung ashi niili, pharang rang maq chap tlo nguta mitaiha. Kiimaq kra rekhu ashi jaqsham kra ningkhan li, reraüshi maq, Tsütsa Ahea chongke wan jaqsham na misi wan han.

Philippians 2:2

Krai mren, ija, ümchaü sanha, namshiq ka tiima tsantsii ashi, lungwii tsantsii ashi, kiimaq tsaiji ashi, wenyi na ashi si lanta, ngi arshe tiichochi kuq rong liina.