Acts 1:26 - ASII LAKDAP Bible (BSI)

²⁶ Kra achu jaü lot raütiishe, tsangshiq raq maiq wenai mang na, lang liito. Krai mren, lang raq Matthias mang na thaüto. Krai mren, tsangshiq raq Matthias ka Jesuq kiimwe miishe tseato. Kra ranaiq miiphat she, Matthias ka Jesuq Khristo kiimwebi roqshi ri weshi krai kongshi she jawanto.

Hawa Naga Bible 2001

²⁶ Kvruex yimaq tsuinghez rueq hangchac toc koq tueq Mathia nuex aungx tueq ningkhvnc nuex piq kuex thvl tvhungx tueq, kvruex maq piq kuex kamx waz 11 nuex lomx wvnc naungx tueq.

Muklom

²⁶ Etho ning aa ning ni miing sha ton ta, etho Matthias miing tha qhongta, etho Matthias tha tho asi ashey apostle tang jamoq wet ta.

Acts 1:26 Referencias Cruzadas

1 KAÜWA WERAÜ 24:5

Riita Eleajar saüse phan nai Ithamar saüse phan phong wa Shomjam na jaqsham liiti nai wenyi jaqsham na ajong alabi ka asisii ngokha maq, tsangshiq liipan na jaqsham ka langlii raü raüta riiphea wantlo.

NEHEMIA 10:34

Kiimaq, Thungtri lakdap na waiqtlaq kra phan phan, nashiq Tati Shiikeawe ma, wa maq chaq raü raüta, honglu kewan miitu, chin raa tlaq kra chomke wan miitu, nashiq mungmaiqse tarü raq, ramwebi rai, kiimaq Lewinok rai adam na rongri laita, kra rawii na, chin ka juta weraü raq thamke wan chang wa miraq, kra jaqsham ka langlii lili laita, lang raq thaü tlaq kra phan phan, jaqsham ka aweraü ma pheakuq lili mirii rong i.

NEHEMIA 11:1

Mung welabi ka Jerusalem chela na shong nga wanto. Kiimaq mungmaiqse wiika, maiqta taroqshi khuthaq wa, tashishi langlii raüta, lang raq thaütlaq kriita ka asii chela Jerusalem na siwan miitu tsea wanto. Kiimaq kiiwa chan tlaq maiqta tatiikaü kriika, chela ahin na shongnga wan chang, nguta bom ka riichong raüta tri ka shatthüto.

TAKSU LAK 16:22

Taksu maiqse ma, anyan phaqchi ka rilung tsitsü khamdü; shatmaq angi nolati ma, hon atsii chongke ka rashe tiichali.

TAKSU LAK 16:33

Maiqse raq Shiikeawe tiima khon miitu, lang liitlo; Shatmaq kra bomtre ka, Shiikeawe apaiq riili thapthitlo.

LEWI 16:8

Kiijaq apaiq raq longpo senai anai kriimaq poshi niika “Tatiwe rii” nguta waiqje kiimaq “poshi niika Ajajjel rii” nguta waiqje, kra wiinai kiimaq apaiq raq lang milii.

Jona 1:7

Kiijiishe, laijiiqtinok liipan na, “warong ra, atinkhan chamchao ka jamlai ngarai riiwa, nashiq raq sapli chang langlii rong i,” nguta riichongto. Krai mren, tsangshiq raq lang liikiita Jona dü na thaüto.

Mark 6:30

Akiimwetiim ka traho wanhiq khumrii maq jangwa raütiishe, Jesuq rai riihumto. Kiimaq tsangshiq raq trahokuq wantaq nai shrinkuq wantaq thun tsütsa kra apaiq ma tiitai chong kuqto.

Acts 1:23

Kra riichongtaq krai mren, tsangshiq raq maiq wenai mang shiikapto. Tsangnai wenai mang ka ara: Weshi mang ka Joseph. Apaiq ka Barsabas ngutiimin ngutlo. (Apaiq mang ka Jastas ngutiimin ngutlo). Kiimaq weshi mang ka Matthias.

Acts 13:19

Apaiq raq Kanan mung wa, maiq mung mung miishi shiithen baiq wanto. Raüta, Kanan mung ka asengi miishe jiikuq wanto.

Acts 2:14

Kiijiishe, Petar ka akongti kiimwebi roqshi ri weshi krai chap raüta, kiimaq tiihong raüta mungmaiqse riiphong tlaq kiima akha trashe hokuqhoto: “I nok i hiq Jehudinok mung maiqsetiim nai Jerusalem na sitibi lei, i bom ara tai ronglaq, kiimaq ngi raq namshiq ma ara jamlai liichum wa kra namshiq ma chongkuq pha.

JOSHUA 14:2

Tatiwe raq Mosheq ma aming kuqtaq krai mren, Jordan rai maq shenyap nü mung ka, maiqphan phan tiikaü ri phankho rii hiq ka, langlii raüta, lang raq thaütlaq kra phan chumkuqto.

JOSHUA 18:10

Raüta Joshua raq, tsangshiq miitu langlii raüta Tatiwe ma waito. Raüta Israilnok maiqphan abung tiichongtlaq kriiti ma, tsangshiq rii hiqshong thun ka chumkuqto.

Revelation 21:14

Kra chela tro na peruk haitaq kra tiichap wan chang ka longkaü roqshi ri anai thaq na sii wan raüta haito. Kra longkaü thun thaq na Skuse kiimwebi roqshi ri wenai mang ka tiiwaiq shat asi.