Acts 19:22 - ASII LAKDAP Bible (BSI)

²² Apaiq raq kra thimi wantaq krai mren she, apaiq rai jaqsham damti wenai Timothi nai Erastas ka Mesidonia wang niishe tiiwato. Raüta apaiq riiwe ka kra bala Asia wang niili jaqsham haithüto.

Hawa Naga Bible 2001

²² Piq htuiz daungx jix Timothy nuiyc Erastu kuex Makedonia mungx nuex tvkaz gay tueq, piq kuex Asia mungx nuex hvlwvl shiz httax tueq.

Muklom

²² Req piq aa ani miqwa noknong tey Timothy nia Erastus Macedonia náng takat ta etho piq chomwey ma Asia na tong ta.

Acts 19:22 Referencias Cruzadas

Acts 13:5

Tsangnai ka Saipras mung na Salamis hiq niishe saü wanto. Raüta, Shiikeawe bomtsi ka sinagok na chongkuq wanto. Tsangnai rai jaqsham na bomtre damti ka Johan Makaq wadamto.

Acts 16:1

Kiimaq, Paul ka wawanruq khum wan raüta, Darbi chela niishe saü wanto. Raüta kiimaq Listra chela niishe wawanto. Listra chela na siti Phungmaiqse ashi asi. Apaiq mang ka Timothi. Anyung kiimin Phungmaiqse sii riito. Apaiq ka Jehudi shea. Shatmaq, awe ka Grik phan.

Acts 16:3

Paul raq Timothi ka apaiq rai shea wan dam ro riito. Kriikha maq, apaiq raq Timothi ma atho ka hankuqto. Apaiq raq kra klo wantaq kriika, kra hong binjü na siti Jehudinok tarü raq Timothi we ka Grik phan nguta asap siisaq kha maq, kloto.

Acts 18:5

Kiimaq Silas nai Timothi ka Mesidonia wang miishe kiijaq saü wan kiita sanha, Paul raq apaiq akhing ka wiita Jehudinok ma Jesuq kiidea Khristo nguta tiitho tiipha traho bom chongke niili she moto.

Acts 19:10

Paul raq mungmaiqse ma akha trahoke wan arka, wiinai na saüli chongkuqto. Apaiq raq atinkhan chongke wan kha maq, Asia wang na siti mungmaiqse Jehudinok phan nai Pongnok phan maiqse tarü raq, Tatiwe tsütsa ka tai wanto.

Acts 19:21

Riita arthun sham akai ara kun wan lot jai niishe, Asii Wenyi raq shun shea kha maq, Paul raq kaisia walam miitu bom ka, Mesidonia wang nai Akaia wang binjü maq riita Jerusalem nü niishe miwa wan ha nguta, atsan tsii ka atiinyi wan wishe riito. Krai mren, apaiq raq akha nguto, “Ngi raq arthun maiq mung arjaq wawan jai she ka, ngi ka, Rom chela niimin waraa dongdii she miraq,” ngutiishe apaiq traho bomchong wanhiq khumshiim lam kra thapthi wanto.

Acts 19:29

Kra mungmaiqse brakshaq wantaq tatso wa trang kra nyii rai wan raütiishe, kra chela hamli, shokrap norii niishe tatso walü shapshaü kra nyam wanto. Kra mungmaiqse brakshaq rai wantlaq kriiraq, Paul kongti Mesidonia wangti wenai, Gaias nai Aristarkas ka rangho raüta, mungmaiqse ngongthun chang hiq thung ba kiiniishe, wiithu wiiliiq miishe hit wanto.

Acts 20:1

Kra tatso rüriiq trang raitaq kra sang wan jai she, Paul raq phunainotiim thun ka adam na triitam heato. Raüta tsangshiq ma tsaido jido bomtsi chongkuqto. Raüta wapha she jo nguta apaiq ka Mesidonia wang niishe tiido wanto.

Acts 20:34

Namshiq maiqmii raq asap han, ngi raq i jaq maq jaqsham lata, ngi nai i kongtibi miitu jamlai phan wa rong raa wantlaq kra tiipao laita shongnga wan kai.

Romans 16:23

Ngi sitiikang jamchongti Gaias, apaiq jam na noqkutlaqwe raq namshiq ma apaiq salam tiiwantlo; Erastas, chela tsiiqtum khetiwe kiimaq naphunowe Kuartas raq namshiq ma tsangnai salam tiitaitlo.

2 Corinthians 1:16

Ngi raq akha tiima kang arka, ngi ka Mesidonia wang na walam maq namshiq rai mirhum wan ha. Lata hali ajang nü na, namshiq phana midongho ha nguta tiima wankang. Kra ngu raü ka, ngi Judia wang na kai miitu, namshiq raq khrumke ma ahea miraq.

2 Corinthians 11:9

Kiimaq ngi ka namshiq rai adam na sikang liipan niimin, ngi tiipao wan miitu kampho raa wan tlaq akhing niimin, ngi raq namshiq ma, jamlai phan holai min tiiho wan mang dea, phunainotiim Mesidonia wang wa saühotiiti raq, ngi ma jamlai phan wa rong raa tlaq kra, chomrom kuq hoto. Man na lea wantaq akhing na jamkhiiwa siwan kang, kiikhiisii hali rawiichii akhing niimin misi wan ha. Ngi ka namshiq khuthaq na holai ashi miika jawan mang!

2 Corinthians 2:13

Shatmaq, naphuno we Titas ka kiijaq riihum mang kha maq, ngi ka pinthum chapa wankang. Kra ningkhan she, kiijaq siti Phungmaiqse phunainotiim ma, khusang maq sirong liijo nguta bomthü lata, Mesidonia wang niishe wawan kang.

2 Corinthians 8:1

Phunainotiim lei, Shiikeawe kaphap mangchan maq, Mesidonia wang na siti Phungmaiqse ma ümtinkhan wa achu shiiman tsingo wantaq kra namshiq ma tiitaike ro tiikai.

2 Corinthians 8:19

Apaiq ka Phungmaiqse tarü raq asap lamlam li min riimak, shatmaq Phungtuti raq kiqri raüta, apaiq ka naishiq rai wanhiq na khum dam ma nguta, tingsang atsea raüta tiiwa damtlo. Apaiq raq naishiq ka, ara lungwii kongphiq riichomrom hirii tiikai jaqsham ara milii wan dam. Ara jaqsham ahea ara lümaq, Tati Jesuq Khristo khushü ka mitiijong wan. Kiimaq nashiq ka naphu nanotiim Phungmaiqse, juwa athüm alitti sitlaq, kriiti khrumke ka khoqriiq shishiiq maq sham tiikai nguta hakhi ashi miraq.

1 Thessalonians 1:8

Krai mren, namshiq lümaq, Tatiwe Tsütsa Ahea ka Mesidonia nai Akaia wang na wiita nyam wanto. Kra lamlam li min riimak na, namshiq raq Shiikeawe ma kam tlan tsütsa ka mang rap niishe nyam wanto. Riita, krai mren, ümchaü sanha, namshiq ma kamasham jaqsham thaq na, naishiq raq achan chongke kai chang min raa rai mak lishe.

2 Timothy 4:20

Erastas ka Korin niili sitlo. Kiimaq ngi raq Trophimas ka Miletas wang niili baiqthü kang. Jamkhano ngukla, apaiq ka atsi riito.