Acts 19:21 - ASII LAKDAP Bible (BSI)

²¹ Riita arthun sham akai ara kun wan lot jai niishe, Asii Wenyi raq shun shea kha maq, Paul raq kaisia walam miitu bom ka, Mesidonia wang nai Akaia wang binjü maq riita Jerusalem nü niishe miwa wan ha nguta, atsan tsii ka atiinyi wan wishe riito. Krai mren, apaiq raq akha nguto, “Ngi raq arthun maiq mung arjaq wawan jai she ka, ngi ka, Rom chela niimin waraa dongdii she miraq,” ngutiishe apaiq traho bomchong wanhiq khumshiim lam kra thapthi wanto.

Hawa Naga Bible 2001

²¹ Kvhtenc kvruex yaungc wvnc lot yix maq Polu kuex Makedonia mungx nuiyc Akaia mungx maq raz tueq Yerusalem nuex kay tvkoc tvmaung tueq. Piq rueq, “Kvruex ghaq kvyuq kay yix maq Roma nuex muinz ngaz vkay juing,” ngoz tueq.

Muklom

²¹ Iritang thaji jin ang jio, Paul aa Macedonia etho Achaia tha lit eq Jerusalem náng kat ma tathin ta. Piq aa batta, “Eshináng kat jio nga Rome náng tho ukat ang ching.”

Acts 19:21 Referencias Cruzadas

AJONJÜ 3:37

Tatiwe raq thapthi tlaq kriili, wranaiqtek klo wan tlo.

Acts 16:12

Kra miishe, naishiq ka wangmong nü nü na, Philipia chela niishe wawankai. Philipia chela ka Mesidonia wang na apha wan hongti riito. Arka Rom wa alaüki Romannok sichang chela riito. Naishiq ka kiijaq rahiq ashaqpuq hai wankai.

Acts 18:12

Arjai maq, Roman Hokham we raq Gallio ka Akaia wang na wanghupti we ma shongto. Kra akhing niishe Jehudinok ka adam na kiq ri raüta, Paul ka long wanto. Raüta, wanghuptiwe rung na shea wanto.

Acts 18:21

Shatmaq apaiq raq akaiho ma, tsangshiq ma bom ka akha ngutli she chongkuq thiito, “Arka Shiikeawe raq thili. Apaiq raq thi raüka, ngi ka namshiq phana hali mijang wa nong kang.” Kra bomthü raütiishe, apaiq ka Ephisia maq laijong na diito. Raüta kihoto.

Acts 19:22

Apaiq raq kra thimi wantaq krai mren she, apaiq rai jaqsham damti wenai Timothi nai Erastas ka Mesidonia wang niishe tiiwato. Raüta apaiq riiwe ka kra bala Asia wang niili jaqsham haithüto.

Acts 19:29

Kra mungmaiqse brakshaq wantaq tatso wa trang kra nyii rai wan raütiishe, kra chela hamli, shokrap norii niishe tatso walü shapshaü kra nyam wanto. Kra mungmaiqse brakshaq rai wantlaq kriiraq, Paul kongti Mesidonia wangti wenai, Gaias nai Aristarkas ka rangho raüta, mungmaiqse ngongthun chang hiq thung ba kiiniishe, wiithu wiiliiq miishe hit wanto.

Acts 20:16

Paul raq Asia wang na rahiq ka alu tiicha mang she nguta apaiq kaisia walam bomtsi ka athapthi wan kun she riito. Kra ngo kha maq, apaiq raq Ephisia chela ka ashüp raütli she kaiho nguta thito. Apaiq ka Jerusalem na saüho tlo raüta, mairaü la Raroq Biingi Poi ka lomho dam ma nguta, ataü laü she riito.

Acts 20:22

Riita, ümchaü sanha, ngi ka Asii Wenyi raq shunshea tlaq kra phanphan, Jerusalem niishe kiho tiikang. Kiina saüho hajaq, ngi ma jamlai phan litkot chamchao rathaiq rahai wa misaü, kriika ngi raq ümchaü chonglot mang.

Acts 21:17

Naishiq ka Jerusalem niishe saü wan kaita, kiiwa phunainotiim raq naishiq ka khoqriiq shishiiq maq taoto.

Acts 21:4

Kiijaq Tajar chela na naishiq raq phunainotiim wiijamti asi, kra rit laita hum kai. Laita tsangshiq rai chepat shi sithü damkai. Tsangshiq raq Asii Wenyi ningkun maq Paul nangnga Jerusalem na saüli ka naq kikiq li nguta atiiwin riito.

Acts 23:11

Kra rawa na Tatiwe ka Paul rai adam chapto. Raüta, apaiq ma, “Ümniika naqhaikiq! Ümniiraq arjaq Jerusalem na i ruk i kiimwe ma jamkho jawan laü, kiikhiisii hali, Rom chela niimin hakhi kewa raa tlo,” nguta ningkun shoqke bom hali chongkuqto.

Acts 27:1

Riita naishiq ka Rom na wachang she nguta bomshat wantaq krai mren, tsangshiq raq Paul nai phaqtek na siti maiq shumwi kong wiijamti ka phentuwe Julias jaq na kiinong kuqto. Julias ka “Hokham we Rejiment” phentu pengti phong wa siihiip weshi riito.

Acts 27:24

‘Paul, ümnaq naqhaikiq! Ümniika Roman Hokham we man na chap wa raa dongdii. Kiimaq Shiikeawe raq ümniima lungwiitsii jonghea thütlo. Kriikha maq, ümniirai laijong na maiq ümchuwa wadam tlaq thun ka, wiitarü tiikhup wongkuq wanto she,’ nguta ngi ma chongkuqto.

Acts 28:16

Kiimaq naishiq ka Rom chela niishe saü wan kaita, Roman hokham raq Paul ka apaiq honhon jam ashi niishe tiisito. Kiimaq apaiq ka phenla weshi miili tiikhe raüta tiisito.

Romans 1:11

Ngi raq namshiq rai sham riichhi tlo ha jiilei, nguta i tsan na atsi maq sitiikang. Namshiq rai riihum lata, namshiq ka kamasham na choke wan, achu shiiman kran kuqwa hajaq, namshiq wenyi lam phan na ningkun tiijong wan ma nguta tiima tiikang.

Romans 1:13

I phu i notiim lei, namshiq raq ara tsan na tiitsang shat sham, ngi ka namshiq phana waha jaq, nguta ümtinkhan wa tiima wan tiikang. Shatmaq, phanshi raq pathoho raütli, ümchaü atin aloq niishe saü rai wantaq. Pongnok phan maiqse phong wa, Phung na tiishang wan tiikang kiikhiisii hali, namshiq phong wiimin, Phung na tiishang wan tlo hajaq nguta, tsinngin tiikang.

Romans 1:15

Ara chongkuq tiikang arai mren, ngi ka namshiq Rom na siti miimin, Tsütsa Ahea ara chongke wa miitu, kheshat maq sitiikang.

1 Corinthians 16:5

Ngi ka Mesidonia wang binjü na khum wanlot latiishetiq, namshiq phana miwa kang. Ngi ka Mesidonia wang binjü na wachang ra kito.

1 Corinthians 4:19

Ahea na, Shiikeawe raq ngi ma lungwii tlaq jiika, ngi ka namshiq phana jaqlo maq saü wan miitu akhing mikuq. Lata kra saü wan tiikang akhing niishetiq, I mak maq kiijaq kamasham na ningkun ajong rümti welabi nguta shiikong rai tlaqti kra milii waha. Tsangshiq raq ngi ma kamasham ningkun ka jaqsham maq tiichhike chang miraq.

2 Corinthians 10:16

Kra jaqsham ka jong wan raüla, naishiq raq Tsütsa Ahea ka namshiq lea raüta, mung ahin niishe, traho wan minshiiq ka mishiiq kilot hai. Naishiq riika, nanok ahinti raq raü asi wanwi she wak dam kriijiika jaq ka shamki mai.

Galatians 2:1

Wiiroqshi ri wiiblai jai miishetiq, Barnabas rai Titas min sheaho lata, ngi ka Jerusalem na hali jangki nong kang.

1 Thessalonians 1:7

Krai mren, namshiq ka Mesidonia nai Akaia wang na siti kamasham maiqsetiim wiitarü ma namshiq kamasham rilung maq tiichhi kuq wan lan.