Acts 17:5 - ASII LAKDAP Bible (BSI)

⁵ Shatmaq, Jehudinok raq kra chhi raüta, Paul nai Silas ma ransu ranchang she khiq wanto. Tsangshiq makshu tsi ka nin lot mak she kha maq, tsangshiq raq mangtang maiqse kong pahea pantlat na haiseati kong kra thun ka adam na tiithung raütiishe, tsangshiq min nong shnong miishe, tatso wiinyi makjaq kharong riinam nam she gitrang wanto. Tsangshiq raq chela na siti mungmaiqse thun wiita she tiibrak shaq baiqto. Raüta, Paul nai Silas ka lap raüta, mungmaiqse rung na tiichap wan haijaq nguta, tsangnai rit lam maq, maiq weshi amang min Jason nguta kriiwe jam kriishe long wanto.

Hawa Naga Bible 2001

⁵ Yuq muinz Yuda miqsaz kuex khelric bac thuinz httaz ningkhvnc nuex, miqyaq yaungc jix miqsaz htenc kuex gvl ruiux miq vkung vdaungx tvtuimx vtueq, wvghaq pumz nuex tvpuing penx tueq, Jason yuimx nuex nyuip wvnc vtueq Polu nuiyc Sila kuex miq htumc nuex het tvdungc lvy tvkoc thuiyx tueq.

Muklom

⁵ Etharin Jehudi miqtang ngeljo ta. Etho lam na tongtey lajak kalpak tang tha thajoq eq, ning aa tharing rak ta. Etho ning aa Paul nia Silas tha bi eq Jason him tha qhimta etho Paul nia Silas tha miqtang thim na thalkhung náng solkat ma tathin ta.

Acts 17:5 Referencias Cruzadas

Tvtsvmc 35:15

Shatmaq ümtiikiiwa ngi ma chamchao saütaq, tsangshiq tarü kai chochisiqto kiimaq ngi tro na riitam raüta ngi ka slaisiqto; mang riisapmaiti raq ngi bukto.

Tvtsvmc 69:12

Tsangshiq raq ngi ka chiiheawea na riichongsiqto, kiimaq chechok tsampiiti raq imang chong raüta ashi ange maq tiihap hongto.

TAKSU LAK 14:30

Tiima tsantsii khangriri maq siti, khum asai ka nyeajokjok hea. Makshu rashe siti ka, ariitsai na anam ikha.

ISAIA 26:11

Ümjaqtinok riika ümniiraq tsangshiq ma mo mitiihohaü ngutiika sapmak. Tatiwe lei, tsangshiq ma jea tiingaülaq. Laüta tsangshiq ka tiichamchaolaq. Ümniiraq tsangshiq ma mo tiihochang tiije laü kra mihophaqlaq. Ümniiraq ümsenginok ka ümtinkhan wa lungwiitlaü kra tsangshiq ma tiichhikuqlaq.

Matthew 27:18

Pilat raq ara bom waiwantaq arka, Jehudinok welabi raq, tsangshiq makshu tsi ninlot mak kha maq, Jesuq ka lap raüta apaiq rung na shokto nguta asap. Kriikha maq, apaiq raq tsangshiq ma ara bomtsi waito.

Acts 13:45

Paul traho bomchong kra taikaiti mungmaiqse kong ka pahea kiraitaq kra chhi raütiishe, Jehudinok ka Paul nai Barnabas ma makshu rashe she ngengsiq wanto. Kiimaq tsangshiq raq Paul raq traho bomtsi chongkuqtaq thun kra khii wan she tsangnai ka longliiq wanto. Kiimaq tsangnai ma shumtsü miitsü she shu wanto.

Acts 14:19

Kra akhing na, Pisidia wang wa Antiok chela na siti nai Ikoniam chela na siti Jehudinok maiq wiijamti raq, Paul nai Barnabas ka kiijaq hali johoto nongto. Raüta, tsangshiq raq mungmaiqse ka tsangshiq bom niishe hali shiijon nongto. Raütiishe, tsangshiq raq Paul ka long maq tiitiiq baiqto. Raüta apaiq ka tsaikito she sham nguta tiima raüta, chela phai niishe hitthü baiq kito.

Acts 14:2

Shatmaq, Jehudinok phong wa maiq wiijamti Jesuq ma kamwan makti raq, Pongnok phan maiqse ma raikao tat raüta, phungmaiqsetiim khuthaq na tiishuk shaqto.

Acts 17:13

Shatmaq, Thesalonia na siti Jehudinok raq Paul ka Berea niimin Shiikeawe bomtsi ka chongkuq hoto nguta tsütsa ka tai raüta, tsangshiq raq kiijaq hali kinong raüta, mungmaiqse ka shukshaq wan raüta, tiishai baiq nongto. Raüta tatso hali niq nongto.

Acts 17:6

Shatmaq, tsangshiq raq tsangnai ka hum mak dea riito. Kriikha miishe, jamchongti we Jason nai phunainotiim wiijamti ka krun krun she hit-ho raüta, kra chela hupkhang wanti welabi man na hithoto. Raüta, “Arwetiim raq barap binrii na mung wiita brak shaq baiq wanto! Raüta ümchaü ka nashiq chela niishe saü wato.

Acts 17:7

Kiimaq tsangshiq saüwa kiita Jason raq apaiq jam na tiijapto. Tsangshiq raq Roman Hokham tri jintlo. Tsangshiq raq Roman Hokham thaq na hokham weshi asi nguta nokwe ma chongkuqtlo. Kriiwe mang ka Jesuq nguta traho kuqtlo,” nguta tsangshiq ka gisii trang wanto.

Acts 17:9

Kriikha niishe, mung welabi raq Jason nai akongtitiim alap ka atsa raütiishe tiq diibaiqto.

Acts 18:12

Arjai maq, Roman Hokham we raq Gallio ka Akaia wang na wanghupti we ma shongto. Kra akhing niishe Jehudinok ka adam na kiq ri raüta, Paul ka long wanto. Raüta, wanghuptiwe rung na shea wanto.

Acts 19:40

Ümchaü ranaiq arjaq jamlai wa rüriiq lan arka, Roman Hokham we raq nashiq ma mungbrak kha nyan chang na misaü wan. Arjaq ümchaü ümtinkhan wa rüriiq trang lan, arka ajiq tri na misaü wa. Ara miitu ka nashiq kiq khü bom chong chang lam ka ahü,” ngutiishe mungmaiqse ma bom ka chongkuqto.

Acts 7:9

“Jakob setiim raq, tsangno Joseph ka kai shuliito. Kriikha maq, aphutiim raq tsangno ka maiq ma shaphaqto. Maiq riishe hali, apaiq ka Ejip mung na, maiqdi ma shaphaq baiq nongto. Shatmaq, Shiikeawe ka apaiq rai asi riito.

Romans 16:21

Ngi rai kongshi maq jaqshamti Timothi raq namshiq ma apaiq salam tiitai tlo. Kiimaq, i phan i maq Jehudinok phan wa kongtibi Lusias nai Jeson, kiimaq Sosipatar riimin, namshiq ma salam tiitai tlo.

1 Corinthians 3:3

Ara jamkhano chongtiikang ngukla, namshiq ka ümchaü niitaq dongdii min, mangjong maiqse han-ngam miili sitlan. Namshiq nai namshiq liipan na makshu rashe, kiimaq tatso wiinyi miili sitlan kriika, namshiq kiimin mangjong maiqse jamkho sitlaq kiikhiili dea sitlan nguta tiichhi kuq tlan riimak sha?

2 Corinthians 11:26

Ngi ümtinkhan wa, Shiikeawe jaqsham nguta khum wan kang na, jang pahea jüchhang lamtang mong maq lea wan kang. Kiimaq thiimeaq daku rai riihum wan kang. Kiimaq maiqmii nok Jehudinok raq, kiimaq Pongnok phan maiqse raq ümtinkhan wa, atsea ataa ma tankhan wanto. Kiimaq ümtinkhan wa, tsaija chhunja tiichamchao wanto. Lea wan kang akhing na, chela rap na, rum-nyangkhi na, kiimaq sammoktra jü thaq maq, kiimaq joksaü liiqse kongtibi jaq na, ngi ümtinkhan wa riitsi tsaitsiiq, chamchao litkot wa mong maq lea wan kang.

Galatians 5:21

Tsangshiq ka makshu rashe miili sitlo. Kiimaq tsangshiq raq, phra sumla shomnoq tlaq poi akhing na, pinthum chephe tsampii raüta, kuku waqshii kong ikha, riinyat shat raüta sitlo. Kiimaq, ara chong wankai thun ara niq riri hali, ahin abi pahea jaqsham thun min asi, kra sham tlo. Ngi raq namshiq ma, man niimin tsii chongkuq kang. Kiimaq ümchaü min chongkuq nong tiikang. Jurwa arthun ngarai ara tang raüta sitlaq, kriiti ka, Shiikeawe sengi ma jawan lot mak. Kiimaq, Shiikeawe mungtan na saüwan lot mak.

Galatians 5:26

Ümchaü sanha, nashiq ka shiikong miilong maq singa maimak. Kiimaq maiqmii liipan na, riiniq riisiq simin raa mak. Kiimaq, maiqmii liipan na, riingeng riiseng siwan min raa mak.

1 Thessalonians 1:6

Namshiq ka naishiq pumsongti. Namshiq ka Shiikeawe puk na nyap wan lan kha maq, pinthum rojaq chamchao min, riihum wan lan. Shatmaq, Asii Wenyi raq achongkuq, asii bomtsi tsütsa ka chojong chise maq lang wan lan.

James 4:5

Asii bomtsi na, “Shiikeawe raq nashiq mongjii na Asii Wenyi kuqto. Kra riika nashiq tsaiji rai tiipum tlii maq siwan ha jiilei nguta pinthum lungwii tlo,” nguta chong tlo, arka namshiq raq arot chongtlo sham nguta naq tiima rongkiq.

PHOWEBI 9:4

Krai mren, tsangshiq raq apaiq ma Baal Tongshong shomjam kiiwa kampho ngamsii ka siiroqmiishi kuqto. Kiimaq apaiq raq kra kampho maq pontiiwa na sitikong ka apaiq rai pongdam miitu jaq maq kuqto.