Acts 17:4 - ASII LAKDAP Bible (BSI)

⁴ Krai mren, mungmaiqse phong wa maiq wiijamti ka Paul raq traho bom chongke kra tai raüta, tengto dea nguta kamwanto. Raüta, tsangshiq ka Paul nai Silas rai kongshi she pong wan damto. Krai mren, jechakre phong wa maiqla nyungre pahea riimin, kiimaq Griknok wa pahea Shiikeawe shomnoq wantibi riimin Paul nai Silas rai kongshi she pong wan damto.

Hawa Naga Bible 2001

⁴ Tsuingshiq wawc wvyvmc kuex kvmluimx vtueq Polu nuiyc Sila rulc guilc ngaungc wuez tueq; Kvruex hez wawc Tishox muex nawk palx jix Greek miqsaz paunghvlc nuiyc muingc jungc vhttax yalxjuik rulx muinz paunghvlc lomx tueq.

Muklom

⁴ Chamtey miq aa tat sey ta, etho Paul nia Silas jamoq kara ta. Ning jaktung na ajong alang miqnu tang etho daqhan Shkewa ma chotey Greek miqtang angta.

Acts 17:4 Referencias Cruzadas

TAKSU LAK 13:20

Maiqshaqti rai riikongti ka, maiqshaq ma mija wan. Maiqjiqti rai riikongti ka athen mirki.

TAKSU LAK 9:6

Makchuk jaqmiiti rai naq riikongkiq she. Laüta atra silaq. Phaqchi lam kra phan phan khum laq.”

ASHICHONG 6:1

Atsom pinthum jetunyung lei, ümkongtiwe ümno kihota? Naishiq ma chong liina, ümkongtiwe ümrii lam no kihota? Naishiq riimin ümniirai, adam ritki damphai.

JEKERIA 2:11

Kra akhing na maiq phan pahea Tatiwe puk na minyap wan. Raüta asengi miishe mija wan. Apaiq ka namshiq rai adam misi wan. Kiimaq ngi ka namshiq phana apaiq riidea tiikito nguta misap wan han.

John 7:35

Kra tai raütiishe, Jehudinok welabi raq tsangshiq liipan na bom ka akha riichongto, “Riita, apaiq ka nashiq raq chhiwa lotmai chang ka, jamkhiiba hiq na wawan wa chongtliinya? Grik mung chela thun kiijaq nashiq nok min asi kiina wawan raüta, Grik mung ma trahoke wa sha dan tla?

Acts 13:43

Sinagok noqku thumjai niishe, nokwe thun ka pin wanto. Tsangshiq pin wan jai she, Jehudinok phan maiq pahea raq, kiimaq Pongnok phan maiqse Jehudi khü maq tiihong raüta siti thun maiq pahea raq, tsangnai jai she phan wanto. Krai mren, kiimwe nai kra riimin, tsangshiq ma Shiikeawe wokhong na tsapkapkap maq shongnga rong laq nguta tsangshiq ma tsaido jido bomtsi she chongkuqto.

Acts 13:50

Shatmaq, Jehudinok raq kra chela na siti shiilangbi nai Pongnok phan maiqse wa maiq wiijamti jechakre ajong alabi nyungre, Shiikeawe shomnoq wantibi thun kriima raikao tatto. Raüta, tsangshiq raq Paul nai Barnabas kriishe tiichamchao wanto. Raüta, tsangnai ka kra chela wa maiqhiq ahin niishe jobaiqto.

Acts 14:1

Kra niq riri sii hali, Ikoniam chela niimin riito. Paul nai Barnabas ka sinagok na wa raüta, achaq awaq maq Tsütsa Ahea kra chongkuqto. Krai mren, Jehudinok phong wa nai Pongnok phan maiqse phong wa maiq pahea raq Tatiwe ma kamwanto.

Acts 14:4

Riita, kra chhi raütiishe kra chela na siti mungmaiqse ka atiikho she riikito. Maiq wiijamti riika Jehudinok rai kiqshi maq pong damto. Kiimaq maiq wiijamti ka kiimwe nai rai kiqshi miishe pong wan damto.

Acts 15:22

Kra riichongtaq krai mren she, kiimwebi nai maiqlare ka phungtuti tlotli rai adam maq kiqri raütiishe, tsangshiq phong wa maiq wiijamti kra tsea raüta, Paul nai Barnabas rai Antiok phungtuti rai riihum wa chang miraq ngutiishe, bom ka shatto. Krai mren she, tsangshiq kamasham maiqse wiitarü raq shreng tlaq maiqla wenai kriishe tseato. Tsangnai wenai wa weshi mang ka Barsabas. Apaiq ka Judas ngutiimin ngutlo. Kiimaq weshi mang ka Silas. Apaiq kriiri tseato.

Acts 15:27

Riita, ija ümchaü min, ara chong tiikai arai mren, naishiq raq namshiq phana Judas nai Silas ka tiiwa tiikai. Tsangnai raq namshiq ma mantut na nga raüta, ara lak na waiq wan kai bom raü thun kra michong kuq.

Acts 15:32

Kiimaq Judas nai Silas tsangnai wenai kiimin shammi sii riito. Krai mren, tsangnai ka tsangshiq rai rahiq ashaqpuq sithü damto. Raüta, tsangshiq ma kamasham na tsaido jido ningkun shoqke wan bomtsi pahea chongphan kuqto.

Acts 15:40

Kiimaq Paul riika, Silas kra shea wan raütiishe, traho wa wanhiq na wawanto. Phunainotiim raq tsangshiq kongnai wiita ka Tati kaphap wokhong na kiinong kuq raüta, Shiikeawe jaqsham wa miitu tiiwa nongto.

Acts 16:3

Paul raq Timothi ka apaiq rai shea wan dam ro riito. Kriikha maq, apaiq raq Timothi ma atho ka hankuqto. Apaiq raq kra klo wantaq kriika, kra hong binjü na siti Jehudinok tarü raq Timothi we ka Grik phan nguta asap siisaq kha maq, kloto.

Acts 17:10

Kra rajili she, ranyaqto angu niishe, phunainotiim raq Paul nai Silas ka Berea chela niishe sheathü kito. Riita tsangshiq ka Berea na saü wan raüta, sinagok na kito.

Acts 17:12

Krai mren, tsangshiq phong wa maiq pahea raq kra chongkuq wantaq tsütsa kiima kamwanto. Kiimaq Griknok wa jechakre ajong alabi pahea raq kiimaq Griknok wa maiqwere min pahea raq kamwanto.

Acts 17:14

Kra thohe raütiishe, phunainotiim raq Paul ka khamjong raikii na tiishea thükito. Shatmaq, Silas nai Timothi ka Berea niili khingkito.

Acts 17:17

Kriikha maq, apaiq raq sinagok maq Jehudinok rai kiimaq Shiikeawe shomnoqti Pongnok phan maiqse rai riiphan chanto. Kiimaq ranaiqtek kejat thung maq, kiijaq maiq juwa akhum ashiimti achachati kiima trahokuqto.

Acts 17:34

Li jiimin, Paul traho bomchong taiti nokwe phong wa, maiqwere wiijamti ka Paul rai she pong wan damto. Kiimaq Paul raq chongkuqtaq tsütsa kiima kamto. Ara kamwantiiti thun phong wiika, maiq weshi Dainosias kiimin riito. Apaiq ka kra rung phung wa wela ashi riito. Kiimahali jechak nyung min ashi riito. Apaiq mang ka Damaris riito. Apaiq kiimin kamwanto. Kiimaq nanok maiq ahinti riimin kamwanto.

Acts 18:4

Apaiq raq Asii Niitiitsak ranaiqtek sinagok na kiraü raüta, Jehudinok nai Griknok rai tsangshiq tsantsii ka tiinin jawan miitu, atsi dada maq traho bomtsi ka chongkuq lili riito.

Acts 19:10

Paul raq mungmaiqse ma akha trahoke wan arka, wiinai na saüli chongkuqto. Apaiq raq atinkhan chongke wan kha maq, Asia wang na siti mungmaiqse Jehudinok phan nai Pongnok phan maiqse tarü raq, Tatiwe tsütsa ka tai wanto.

Acts 2:44

Kamasham maiqsetiim thun wiitarü ka phungtu na riitushat maq sito. Kiimaq, tsangshiq jaq na jamlai phan wa sitlaq, kra tsangshiq maiqmii liipan na riiphea riinyin raüta sito.

Acts 21:28

Tsangshiq raq, “O Israilnok singmung maiqse lei! Warong ra lii! Arwe ara tiinin tlo rong i!” nguta gitrang wanto. “Arwe ahata barap binrii na waraüta nokmaiqse tarü ma, Israilnok mung thaq na, Mosheq Thungtri thaq na kiimaq ara Shomjam arthaq na, ashut riiqkhiq traho bomchong kewanti we. Kiimaq liirong laq, ümchaü min apaiq raq Pongnok phan maiqsetiim ka ara Shomjam mong na shea wan raüta, ara Asii Shomjam arka tiisheshi baiq wantlo!”

Acts 28:24

Kra tai raütiishe, tsangshiq phong wa maiq wiijamti riika Paul raq traho bomtsi chongkuqtaq kriidea tengto nguta kamto. Shatmaq, maiq abiti riika kam mak dea riito.

Acts 4:23

Petar nai Johan ka tsangnai phaqtek mong wa tiidong ri li she, tsangshiq kongtibi phungmaiqsetiim pha na wa raüta, ramwe jongbi nai welabi raq tsangnai ka jamkhiiwa tiiphiip jiiptaq kra tsütsa ka tiitaito.

2 Corinthians 8:5

Riita, kra tsangshiq raq lungwii kongphiq kuqtaq kriika, naishiq raq ümchuwa tiima wankai, kra thaq na apa achan ana kuqto! Tsangshiq raq apha na tsangshiq rilung ka Tatiwe ma kiinong kuqto. Kra raütiishe, Shiikeawe lungwii tsii maq tsangshiq khum kra, naishiq bomchong kra tai miitu kiqkham wanto.