Acts 13:23 - ASII LAKDAP Bible (BSI)

²³ Riita, ija ara chong tlaq arai mren she, Shiikeawe raq Dawit lai Jesuq ka Israilnok Chhiiti we miishe shongkuqto. Ara shongtaq arka, Shiikeawe raq richü pat na Israilnok ma kiqkham kongphiq raü khakuq wantaq kra phanphan she tiihongtha kuqto.

Hawa Naga Bible 2001

²³ Tishox kuex vpiq bomkhvmc rulc rv-ngvlc Israel miqsaz htenc tvkoc palc daungc jix waz Yesu kuex Dawid suiuz vsaz wawc tvdung kuq tueq.

Muklom

²³ Ira Jesu, bara Shkewa Israel miqtang piq rangtum tahom ma takat tapha, piq David phi aa lí wang thu tapha.

Acts 13:23 Referencias Cruzadas

2 SAMUEL 7:12

Ümtiikiiwa tsaitlaü kiimaq ümmaa ka ümtitiim maalap chang hiq ba kriijaq milap wan. Kiitiikaq ngi raq ümsetiim phong kriiwa weshi ka hokham ma mishongha. Kiimaq apaiq ma amung aman ningkun aheng maq rüm wan miitu ningkun mikuqha.

Tvtsvmc 132:11

Ümniiraq Dawit ma akha sinkham kuqlaü— kra kiqkham ka ümniiraq jangho nong maüshe: “Ngi raq ümsetiim phong wa weshi ka hokham ma mishongha, kiimaq apaiq raq üm jai na mung mipeng.

ISAIA 11:1

Dawit hokham weraü saüse phan ka pechong ashi adaq arbaiqrat ikha. Shatmaq achongkhuk kiiwa asongsetiim song wantlaq ikha Dawit weraü phan asaü asetiim phong wa hokham weshi midong wan.

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 43:11

“Shiikeawe ka, Ngi lamlam li dongdii, ümnaq tiichhiikelotti ka Ngi arli.

ISAIA 45:21

Warong ra, lantea namshiq kha ka rung na shok wa rongkiq; kha phoketi liipan na bom mirwaisolaq. Rathup niiphü akha mihong wan nguta juro tiithaita? Kriika Ngi, Tatiwe, asenginok chhiitiwe raq tiithaito riimak shea? Arjaq tisho ahin ka ahü.

ISAIA 7:13

Kiijiishe Isaia raq treto, “Tailaq, ümchaü, Dawit Hokhamwe saüse phan lei. Ümniiraq maiq ma tsütsa tiisitlaü shatmaq maiqse raq laa maq anin riiwantlaq, riita ikhla Shiikeawe raq ninrattlaq kra thittlaiphok shea miniqsiqhaü?

JEREMIA 30:9

Raüta tsangshiq raq Ngi ka, tsangshiq Shiikeawe she nguta mishli liiwan, kiimaq Dawit lai wa maiq weshi, Ngi raq hokham ma shong wan tiikang kra mishkum pan wan.

AMO LUIK DVP (AMOS) 9:11

Tatiwe raq ngutlo, “Ranaiqshi akhing saü wan tlo, kra ranaiq ngi raq, Dawit Hokham mungtan jam ari arwa hiq na, phintsiiptsiip bumtlaq kra, mitiichap kuq wan nongha. Ngi raq khetuk thun wiita arüm arki, wiitashe mitiihea hai wan ha. Man na rathup rapha ji na jamkho ajong ala sitaq, kiikha mitii jonglu wan ha.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Matthew 1:1

Arka Jesuq Khristo weraü manphan. Apaiq ka Dawit lai. Dawit ka Abraham lai.

Matthew 1:21

Apaiq raq ase ka maiqwe se michii. Kiimaq ümniiraq no ka Jesuq nguta mimang haü. Apaiq raq anok abin wiita tsangshiq ngarai mong wa michhii kuq wan.”

Matthew 21:9

Jesuq khaki na nai apaiq jai na mungmaiqse watlaq thun kra raq, “Dawit Se kli tiitsam ronglaq! Shiikeawe le, Tatiwe mang na juwa kitlaq kiima achu shiiman kuqlaq! Shiikeawe li tiitsam ronglaq!” nguta rü riiq trang wanto.

Matthew 22:42

“Namshiq raq Messia ka ju nguto tiima tlan? Apaiq ka juta se wa?” Kiijiishe tsangshiq raq, “Apaiq ka Dawit weraü wa,” nguta bom ka treto.

Luke 1:69

Apaiq raq nashiq Chhii wanti Ajong ashi tiisaüto she. Apaiq ka ajaqshi se Dawit weraü phan wa.

John 4:42

Kiimaq tsangshiq raq jechak nyung nangnga, “Naishiq raq ümchaü apaiq ma kam tiikai arka, ümniiraq naishiq ma chong laü kra jaq seng laita kamwan ka riimak she. Shatmaq, naishiq raq maiqmii mak maq chhi laitiishe, apaiq ka riikhaqli mangjong maiqse Chhiiti we dea nguta kamwan tiikai.”

John 7:42

Asii Bomtsi na Khristo ka Dawit weraü phan wa mipoki. Kiimaq Dawit changkhü Bethlehem hiq na michiiki nguta chongtlo,” nguta riibomto.

Acts 13:32

Riita, ümchaü naishiq arjaq saü wan kai arka, namshiq ma ara Tsütsa Ahea ara chongke wa nguta saü wan kai. Shiikeawe raq natitiim ma, jaqsham jonghea ashi misham kuq wanha nguta, man na pat na kiqkham kongphiq raüpot khakuq wantaq kra bomtsi ka, ümchaü nashiq tsangshiq lai-ala nguta sitiikai arma kiimaq maiq nanok ahinti wiita miitu she, Shiikeawe raq, Jesuq ka amaa wa tiidong kuq wantaq arshe kuwanto. Arka Shomshi lak anai na chongtlaq, kra phanphan she dea hongtha wanto. Kiijaq akha nguta chong tlo, ‘Ümniika i se she jo; Ümchaü ranaiq miiphat, ngi ka üm We she.’

Acts 2:30

Apaiq ka Shiikeawe shammi. Krai mren, Shiikeawe raq apaiq ma kiqkham kongphiq raü khakuq wantaq kriika wiita asap. Shiikeawe raq Dawit ma, Dawit apaiq lai ala phan wa, maiq weshi ka, rawiichii pat na, Dawit apaiq kiikha, Hokham ma mishong wan ha nguta kiqkham kuqto.

Acts 3:26

Riita, ara chongtiikai arai mren, Shiikeawe raq Akoli se ka shongto. Raüta, apaiq ka namshiq phana kongkhu tiikito. Ara tiikitaq arka, namshiq ma achu shiiman kekai tiikito. Kiimaq namshiq ka maiqmii ngarai lamphan kra miimbaiq thü lanta, Shiikeawe wokhong na tiijang shea kai nong miitu tiikito.”

Acts 4:12

Maiqse chhiiti ka apaiq kli. Ra raq aham mangjong hiq raikhü na, Shiikeawe raq apaiq kli nashiq chhii wanti we nguta tiikito. Apaiq tlea raüta, ahin ka jumin ahü she.”

Romans 1:3

Ara chongtiikai Tsütsa Ahea arka, Shiikeawe Se nashiq Tati Jesuq Khristo rilung manphan awaiq wan. Hanngam lamphan maq, apaiq ka Dawit saüse phan khum na pokito.

Romans 11:26

Kra jai miishe ka, Israilnok kiimin Shiikeawe riishe mitiichhii kuq wan. Arka Asii bomtsi na chong tlaq kiikha miraq. Asii bomtsi na akha chong tlo, “Chhii wanti we ka Jajon chela wa midong wan. Raüta, Jakob lai ala phan maiqse raq, abi ati ümtinkhan wa, ngarai tang wantaq kra thun ka, kunli she mitiisii he wan.

Titus 1:4

Ngi raq, Titas ma waiqtiikang, apaiq ka ngi ma kamasham na i se shaq. Ara kamasham arka nainai wiita ma taro hupsam. Shiikea Awe raq kiimaq nashiq Chhiiti Khristo Jesuq raq ümniika kaphap shat kiimaq hansang maq mithülaq.

2 Peter 1:1

Ngi, Simon Petar, jaqshise kiimaq Jesuq Khristo kiimwe raq-- Jumiiwa nashiq Shiikeawe kiimaq Chhiiti Jesuq Khristo kechu lümaq athii tsinhea naishiq ma kuqtaq kiikha kamasham kuqwataqtibi ma:

2 Peter 1:11

Akha sihan jiila, Shiikeawe raq namshiq ma nashiq Tati Jesuq Khristo sichang pattup mungtan jam kiijaq siwan dam miitu kilü dije maq mikhe.

2 Peter 2:20

Ara ngarai khamchum mangjong hiq na riitsam nyiim tlaq ara mong wa maiq tiichhii wan tlaq kriika, tsangshiq raq nashiq Tati kiimaq nashiq Chhii wanti we Jesuq Khristo ma kamwan raüta tiichhiitlo. Shatmaq, tsangshiq ka man na jamkho siwan taq kiikha rilung lamphan achü na hali jangho nong raüta, tsangshiq hanho phara ngarai rong arai kharü mong na thongshi ri hali jangki nong raü ka, tsangshiq rilung ka Phung na mishang shaq na sitaq kra nam ma tiimiqchup naolaq she miraq.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.

2 Peter 3:2

Richü pat na, asii ra shammibi raq chü rüm raüta, Shiikeawe bomtsi riisham bom maq chongkuq wantaq tsütsa kra nai nashiq Tatiwe kiimaq nashiq Chhii wanti we raq ashrinkuq Tsütsa Ahea kiimwebi lümaq namshiq ma chongkuqtaq kra, ümchaü namshiq ma bliiq chongke nong rotiikang.

1 John 4:14

Shiikeawe raq Ase ka phiijawa tiichhiikai miitu mangjong hiq na tiikito nguta asap i. Kriika nashiq maiqmii mak maq chhi wan kai she. Krai mren, nanok miimin chongkuq tiikai.

Jude 1:25

apaiqkli nashiq Shiikeawe kiimaq nashiq Chhiitiwe kriimiili, nashiq Tati Jesuq Khristo lümaq, khushü, jonglu, ningkun, kiimaq arang ka, man na pat achat tlotli wa, kiimaq ümchaü min, kiimaq jai na wattlaq pattup pat-sa kiiwa wiita apaiq riili she mirlaq! Amen.

Revelation 22:16

“Ngi, Jesuq raq i rase ka arthun tsütsa ara namshiq phungtuti ma mitiitai kuq laq nguta tiikikang. Ngi ka Dawit weraü lai. Ngi ka Ranap Saiqwüpo.”