Acts 13:22 - ASII LAKDAP Bible (BSI)

²² Shiikeawe raq apaiq ka hokham ngachang wa tiisat baiq raüta, Dawit she hokham ma shongto. Shiikeawe raq Dawit khuthaq na, ‘Ngi raq i tsan mong na jamlai wa lungwii tiikang, kra phanphan ngi ma mitsito li chang jaqsham kewanti ka, Jessi se Dawit kra miraq,’ nguta hakhi kuqto chhi wan tiikai.

Hawa Naga Bible 2001

²² Kvruex yimaq Tishox rueq Sholu kuex tvdux gay ruiux, Dawid kuex tsuingshiq hokhvmx muex tvyaungc tueq. Kvruex waz nuex seng vtueq Tishox rueq jungx tueq kuex: ‘Jese saz Dawid kuex ngvy thuinz rulc rvhumc jix waz, ngaz rueq shuimx roc shaungx phvnx htenc kuex shuimc jix waz rvtueq ngaz rueq khiz tauk,’ ngoz tueq.

Muklom

²² Iri jio, Shkewa hun David ning Lungwang angma hunta. Ira Shkewa aa batta: Jesse sa David “Itin nuk wang kap táng. Piq aa hun ithaji tinthin sha tahom na.”

Acts 13:22 Referencias Cruzadas

2 SAMUEL 2:4

Kiijiishe Juda mung wa mungmaiqse ka Hebron na kiraüta, Dawit ka Juda mung na hokham miishe shongto. Riita Dawit raq Gilead wang wa Jabesh chelati raq Saul maa ka saiqsamto nguta tsütsa ka taito.

2 SAMUEL 7:15

Shatmaq ngi raq Saul ka lambaiq lata, ümniika hokham ma shong wan kang, kiikha apaiq ka hokham ngachang wa tiisat baiq mang she.

2 SAMUEL 7:8

“Arningkhan, ijaqshise Dawit ma, Ngi Tati Ajong Pinthumwe raq apaiq ma akha chongtiikang, ‘Ngi raq ümniika sku rüm rum na wakram na sitlaü kiiwa shea wan kang. Lata isengi Israilnok mung kra rümwan miitu wela miishe shong wan kang.

1 HOKHVMX 15:3

Apaiq riimin awe raq tang wantaq ngarai thun kra tang wanto. Krai mren apaiq ka apaiq kiimin ati tipai Dawit raq Tatiwe wokhong na tsapkapkap maq siwantaq kiikha Tatiwe apaiq Shiikeawe wokhong na samhea siwan mak riito.

1 HOKHVMX 15:5

Tatiwe raq apaiq ma akha klo kuqtaq arka, Dawit riika Tatiwe raq lungwiitlaq kriili klo wanto. Kiimaq apaiq raq Tatiwe aming thun ka poshi min tlea mak riito. Apaiq shut ka Uria Hitaiq phanwe kha na shuttaq kriili riito.

1 KAÜWA WERAÜ 10:13

Saul ka Tatiwe man na ashut klowan kha na tsaito. Apaiq raq Tatiwe aming thun jin wanto. Kiimaq apaiq raq hon atsii ka maaji ma waiwan lili riito.

1 KAÜWA WERAÜ 2:12

Obed, Obed se ka Jessi riito.

Tvtsvmc 2:6

“Jajon kin, ngi ma asii kin na ngi raq ihokhamwe ka shongkang,” nguta apaiq raq ngutlo.

JEREMIA 33:21

Ikiikhiisii hali Ngi raq ijaqshise Dawit rai tongshong wan kang. Kriika, asaü ase phan wa maiq pat aweatek na hokham jawan ruq miraq. Kiimaq Ngi raq Lewi phan wa ramwebi rai min tongshong wan kang. Tsangshiq raq Ngi ka shiikum pan wan ruq miraq. Kiimaq kra tongshong raüpot ka ümtiikiimin tiidiibaiq mak she miraq.

JEREMIA 33:26

Krai mren, Ngi raq ara jamkho tiiq wan kang krai mren sii hali, Ngi raq Jakob saüse phan nai ijaqshise Dawit rai tongshong wan kang tri kra phanphan, mithü wanha. Ngi raq Dawit lai ala phan kiiwa maiq weshi kra tsea wan lata, Abraham saüse phan, Isak saüse phan, kiimaq Jakob saüse phan kra peng wan miitu tuwe mishong wanha. Ngi ka isenginok ma tiihang mangchan thü lata misi wanha. Lata tsangshiq ka thongshiri hali arong awinnok ma mitiija wanha.”

EJEKIEL 34:23

Ngi raq tsangshiq ma ijaqshise Dawit ikha hokhamwe ashi mishong wanha. Kriiwe raq tsangshiq ka mirüm wan. Kiimaq apaiq raq tsangshiq ka aheawiq maq mirümkom wan.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Acts 13:36

Riita, arjaq chongtlaq arai mren, Dawit raq apaiq pat na Shiikeawe luqkhap ma jaraüta, Shiikeawe jaq ka sham wanto. Raüta, apat sung wan jai she, apaiq ka tsai wanto. Raüta, apaiq maa ka atitiim maalap chiim na lap damto. Kiimaq apaiq maa ka maakho niili namraito.

Acts 15:8

Kiimaq, maiqse loweatek tiima tsantsii kra khonti we Shiikeawe raq, tsangshiq kiimin apaiq puk na nyap wan miitu kilü ka dikuq wanto she. Raüta, nashiq ma jamkho kuqtaq kiikhiisii hali, tsangshiq miimin Asii Wenyi ka kuqto.

Acts 7:46

Dawit raq Shiikeawe tsan ka tiiheali jaqshamto. Kriikha maq, Dawit raq Shiikeawe jaq wa, Jakob Shiikeawe kra siwan ma jam ashi haipha nguta aming jaüto.

1 SAMUEL 12:25

Shatmaq namshiq raq ngarai ka tang wan ruq riihan la namshiq nai nam hokhamwe ka ashthen mirbaiq.”

1 SAMUEL 15:11

“Ngi raq ka Saul ka hokham ma shong kang kriikha na ümchaü kai tiishudaq tiikang. Apaiq raq ngi ka jainong miishe shung thüto. Raüta ngi raq apaiq ma aming akuqha kra jinto.” Samuel ka akhiq riito, kiimaq rawa minru konhü maq Tatiwe man na achu jaü tiipaiqneato.

1 SAMUEL 15:23

Apaiq kiqkhii kriika, maiqwuq maiqlong jaqsham ikha, Kiimaq wanshakshak tsii kriika, sumla phra noq ngarai ikha. Ümniiraq Tatiwe aming jin wan kha na, Apaiq raq ümniika hokhamwe ngachang wa shleq baiqto.”

1 SAMUEL 15:26

Kiijiishe Samuel raq treto, “Ngi ka ümniirai adam na jang wan mang she. Ümniiraq Tatiwe aming tlea laü. Krai mren, apaiq riimin, ümniika Israilnok hokham wa shleqbaiqto she.”

1 SAMUEL 15:28

Kiijiishe Samuel raq apaiq ma nguto, “Tatiwe raq Israilnok mungtan ka ümjaq wa chaibaiqto she. Raüta maiq weshi, ümnaq thaq na maiqshaq sitlaq kriiwe miishe kiinong kuq baiqto.

1 SAMUEL 16:1

Tatiwe raq Samuel ma nguto, “Riita ümniika, atinkhan atsaq min tsaq maü lailai, Saul miitu ka jamlai nguta jümiisea wa? Ngi raq apaiq ka Israilnok hokham ngachang wa ashleq baiq wishe. Riita, ümchaü min ümniika olip petsi tel phanshi lamho laüta, Bethlehem chela na maiq weshi Jesi ngutlaqwe phana kilaq. Jamkhano ngukla ngi raq asetiim phong wa weshi ka Israilnok khuthaq na hokham ma atsea wan kun she.”

1 SAMUEL 16:13

Kiijiishe Samuel raq olip tsai ka lam laüta Dawit khupo na aphutiim makki na nyukto. Tlothitli she Tatiwe wenyi raq Dawit khum ka rom wanto. Kiimaq kra ranaiq miiphat she wenyi ka Dawit rai siwanto. Raüta Samuel ka Rama chela na hali jang wan nongto.

1 SAMUEL 28:16

Kiijiishe Samuel raq treto, “Tatiwe raq ümniika atiishaü baiqthü wishe, raüta apaiq ka ümjaqtiwe ma ajakaikun she, kiiwiika ümniiraq ngi ka jaram tiiheakai wa?

1 SAMUEL 31:6

Ara chongtlaq akha Saul nai asetiim wetsam, kiimaq kra jerowe kra chiimshi na tsaito. Kra ranaiq na Saul sengi thun ka wiita tsaito.