Acts 13:15 - ASII LAKDAP Bible (BSI)

¹⁵ Mosheq Thungtri lakdap wa nai Shammibi lakdap wa phat wan jai miishe, sinagok liiwanti maiqlare raq, tsangnai ma, “Phuno we nai, namnai raq tsaido jido bomtsi chongke chang tsishi ra asi jiila, nokwe ngatlaq arma chongke miitu akhing asi miraq,” nguta bom ka tiiwaito.

Hawa Naga Bible 2001

¹⁵ Kvruex yimaq Moshe Tvrac luik nuiyc shvmmax bix luik kuex wvllawc lot vtueq vjux thoz yuimx nuex yauk shuimc jix walaungx bix rueq miq tvkaz vtueq: “Phunox bix lex, nuk miqsaz muex bomjungc kuy juing vhttax shuex vguez lac vhttax yuq lec jungx kuq shuinz,” ngoz tueq.

Muklom

¹⁵ Moses thong etho rangsamal tang aa likka phat jio, synagogue wang ajong tang aa raaq taholta: “Nokwa tang, miqtang tin tharong ma nim tin raaq atha ang ajo jin bat eq inn.”

Acts 13:15 Referencias Cruzadas

Mark 5:22

Jairas ka kiijaq sinagok sitlaq kra liiwan damti maiqla weshi. Apaiq ka kiijaq saükito. Apaiq raq Jesuq ka chhi raüta, Jesuq jichong na bumsaq raüta,

Luke 16:16

“Riita, Mosheq Thungtri nai shammibi lakdap na waiqtaq tri raü thun kriika, Khamlamketi we Johan pat na saüli li, maiqse raq lang wan raüta siwanto. Kra jai miishe ka, maiqse ma Shiikeawe Mungtan Tsütsa Ahea kriishe tiitai chongkuq kuqtlo. Kiimaq maiqse angu pumsiitek raq, Shiikeawe wokhong na shang wan tlo haijaq nguta, riishii riipan she warai wan tlo.

Acts 1:16

“Phunainotiim le, Asii bomtsi na Asii Wenyi raq Dawit lümaq Judas Iskariot miitu jamlai bom wa tiithaitaq kriika, ümchaü riikhaqli she kuwato. Judas ka siwe ma ja raüta, Jesuq ka tlapto.

Acts 13:27

Akha riishatmaq dongdii min, Jerusalem na siti mungmaiqse nai tsangshiq shunsheati welabi raq, apaiq ka Chhiiti we dea nguta sapmak riito. Kiimaq Asii Niitiitsak ranaiqtek na, shammibi bomchong lakdap phat wan tlaq kra liichum kriimin takwan mak dea riito. Li jiimin, tsangshiq raq Jesuq tsatbaiq raüta, kra lümaq shammibi bomchong kra khoti tiikupi wanto.

Acts 15:21

Ara jamkhano chongtiikai ngukla, Mosheq Thungtri bomtsi ka pat-achat miiphü Asii Niitiitsak ranaiqtek sinagok na phatkuq wan ruq kata. Kiimaq Mosheq bomchong kra chelatek na nokmaiqse ma phanchan kuq wan ruq riitlo,” nguta Jakob raq bom ka chongkuqto.

Acts 15:7

Tsangshiq raq ara bomtsi khuthaq na luhea riichong phan wan lot jai she, Petar ka chap raüta, akhiishe phanchan kuq hoto, “Phunainotiim lei, i nübok maq achongkuq wan ha Tsütsa Ahea kra Pongnok phan raq mitai wan laq, raüta mikam wan laq nguta, Shiikeawe raq ngi ka nashiq phong wa aphaji niiphü tseato ngutiika namshiq raq asap han siisaq.

Acts 18:17

Kra riikiitiishe, tsangshiq tarü raq sinagok wa maiqla we Sosthenes ka rangho raüta, wanghupti we rung jamkea maq ninta she tsatto. Shatmaq, Gallio riika akhiismin brorii mak li she riito.

Acts 18:8

Krispas ka kiijaq sinagok na maiqla weshi riito. Apaiq ka ajamti thun rai adam na Tati Jesuq ma kam wanto. Kiimaq Korin na siti maiq ahinti pahea raq tsütsa ka tai wanto. Raüta kam wanto. Kiimaq tsangshiq raq kham ka lamto.

Acts 2:29

“Phunainotiim lei, ngi raq namshiq ma pharangrang maq, nati ajong pinthum Hokham we Dawit manphan ka chongkuq pha. Apaiq ka tsaikito she. Apaiq maakho ka ümchaü niitaq, arjaq nashiq makki na asi.

Acts 2:37

Mungmaiqse raq Petar traho bom chongke kra tai raütiishe, tsangshiq tsan na piq maq ashuk ikhiishe tsi wanto. Krai mren she, tsangshiq raq Petar nai kiimwebi ahinti kriima, “Riita, ikhiijiika, phunainotiim lei, ümchaü naishiq riika jamlai phan riichang she wa?” nguta waito.

Acts 2:4

Krai mren she, tsangshiq tarü ka, Asii Wenyi raq ama she rom wanto. Kiimaq, tsangshiq ka Asii Wenyi raq ama rom wantaq krai mren, maiq pongnok pongta phan bom miishe bomtrang hoto.

Acts 20:2

Apaiq ka kra wang binjü maq wawanto. Raüta kra binjü na siti phunainotiim ma tsaido jido bomtsi pahea chongkuq wanwan wawanto. Raütiishe apaiq ka Akaia wang na wawanto.

Acts 22:1

“I phan i maq Israilnok singmung maiqse phukhu welabi lei, ngi raq namshiq man na ngi ka shut mang nguta, i khum tiikhe bom ka chongpha shaq, namshiq raq tiitsang tai ronglaq!”

Acts 4:36

Riita, ija, ara chongtiikai akhiisii hali, Lewi saüse phan wa maiq weshi, Saipras mung na sitiwe asi riito. Apaiq mang ka Joseph. Kiimwebi raq apaiq ka Barnabas nguta mangto. (Barnabas ngutlaq ka “Tsaiji doketi” nguta ngo).

Acts 7:2

Kiijiishe, Stephen raq akhiishe trehoto, “I phu i notiim nai i nyung i wetiim lei, ngi raq chongpha tai ronglaq! Nati Abraham ka Haran hiq na milaühoshaq na Mesapotamia mung na siji na, achhai anyii Shiikeawe ka apaiq phana kito.

Romans 12:8

Kiimaq nanok ma tsaiji doke wan kongphiq kuqtaq jiika, nashiq raq nanok ma, tsaido jido jaqsham kra shamke wan chang. Kiimaq, jurwa jaqchii jichii maq nanok khrum kuq wan tlaq, kriiti riimin, nanok khrumke wan jaqsham kra sham wan chang. Juwa maiqla ma jaraüta, se ano ka shun shea wan tlaq, kriiti raq pinthum jaqsham shiichaq wan chang. Kiimaq, jurwa nanok atsi asiti, alit akotti, wikaü tikiiti, kiimaq thümwaq mantibi ma khrum kuq wan tlaq, kriiti riimin chojong chise maq shamke wan chang.

1 Corinthians 14:3

Shatmaq jurwa Shiikeawe tsütsa riisham bom chongkuq tlaq, kriiti ka kongtibi ma chongkuq tlo. Kiimaq tsangshiq ka kamasham rilung na jonglu na khrum kuq tlo. Kiimaq tsangshiq tsaiji kra dokuq tlo. Kiimaq atiijaiq riikuq tlo.

2 Corinthians 3:14

Riita, tsangshiq Israilnok khutsai kilü ka shaqje she riito. Krai mren, ümchaü niitaq saüli tsangshiq khutsai kilü ka tiishaq shatli sitlo. Krai mren, ümchaü niitaq saüli tsangshiq khutsai ka ara achü tongshong lakdap phat wan tlaq akhing tek na, kra khea phu raq tsangshiq khutsai makpo ka pangshat li pangtlo. Riita, kra tsangshiq mak pang chang khea phu ka jurwa Jesuq Khristo ma kam tlaq, kra akhing niishetiq tlinki tlo. Kriika Jesuq raq linkuq tlo.

1 Thessalonians 2:3

Naishiq raq namshiq ma, Shiikeawe Tsütsa Ahea chongkuq kai arka, ajiq bomtsi khu na seng laita achongkuq ka riimak. Kiimaq, namshiq tiishonbiiho bom min riimak. Kiimaq namshiq mob phaq sea miitu bom min riimak.

Hebrews 13:22

Phunainotiim lei, ngi raq ara namshiq ma, tsaido jido kewan tsii chongke bomtsi waiq kang ara, tsan achhii maq tiitsang tai han jaq ahea miraq nguta, tiitai tiikang. Ngi raq namshiq ma, ara lak waiq kang arka, atoqse miili waiq kang.