Acts 13:14 - ASII LAKDAP Bible (BSI)

¹⁴ Tsangnai ka Parga maq wawan raüta, Pisidia hong na Antiok chela niishe saü wanto. Raüta, Asii Niitiitsak ranaiq ka sinagok na kito. Raüta ngaki damto.

Hawa Naga Bible 2001

¹⁴ Tsuinghez kuex Perga maq kvtenc kaz wvnc vtueq Pisidia mungx Antiok nuex httuiuc waung tueq, Vguilc Raungnuiyq vjux thoz yuimx nuex nyuip waung vtueq ngaungc tueq.

Muklom

¹⁴ Perga wang thalat eq ning Pisidia Antioch haq náng thuta, Sabbath saal na ning synagogue náng ka eq tong ta.

Acts 13:14 Referencias Cruzadas

Luke 4:16

Kra akhing na, Jesuq ka apaiq jonglu wan chang hiqshong Najareth hiq na wato. Raüta, Asii Niitiitsak ranaiq na, apaiq ka rahin jaq kitlaq kiikha, sinagok na kito. Raüta, apaiq ka Asii bomtsi phat chapto.

Acts 13:42

Riita traho bom chongke lot jai she, Paul nai Barnabas ka sinagok maq tiido wan tlaq kiijiishe, nokwe raq tsangnai ka jai wa Asii Niitiitsak ranaiq niimin kinong raüta, bom ka abiri chongkuq kinong raüjaq ahea nguta tsangnai ma bom ka chongto.

Acts 13:44

Krai mren she, jai wa Asii Niitiitsak ranaiq niika, kra chela wa maiq apako mungmaiqse ka ki raüta, Tatiwe tsütsa bomtsi chongkuqtlaq kra taito.

Acts 13:46

Shatmaq, Paul nai Barnabas riika, kra thaq na achat raütiishe, chaqchaq miishe hali akha ngutiishe tra hokuqto: “Shiikeawe bomtsi ka namshiq ma kongkhu chongke chang akhek. Kriikha maq namshiq ma kongkhu chongkuq tiikai. Shatmaq, ümchaü namshiq raq, Shiikeawe bomtsi ka shipoq baiq tlan. Krai mren, namshiq ka pattup pat-sa tsitsü rilung lap wan chang wa, sinchiitsap jamkho tsuq baiq tlaq ikhli she, maiqmii nai maiqmii li she tiitsuq baiq wan tlan. Riita, ija ahea na. Ikhiijiika, ümchaü sanha, namshiq ka baiqthü laitiishe, naishiq raq Shiikeawe bomtsi ka Pongnok phan maiqse miishe michong kuq hai.

Acts 13:5

Tsangnai ka Saipras mung na Salamis hiq niishe saü wanto. Raüta, Shiikeawe bomtsi ka sinagok na chongkuq wanto. Tsangnai rai jaqsham na bomtre damti ka Johan Makaq wadamto.

Acts 14:19

Kra akhing na, Pisidia wang wa Antiok chela na siti nai Ikoniam chela na siti Jehudinok maiq wiijamti raq, Paul nai Barnabas ka kiijaq hali johoto nongto. Raüta, tsangshiq raq mungmaiqse ka tsangshiq bom niishe hali shiijon nongto. Raütiishe, tsangshiq raq Paul ka long maq tiitiiq baiqto. Raüta apaiq ka tsaikito she sham nguta tiima raüta, chela phai niishe hitthü baiq kito.

Acts 16:13

Asii Niitiitsak ranaiq na naishiq kra chela phai na jürai ashi asi kiina kihokai. Laita, kiijaq Jehudinok achu jaü riitam ngachang bashi asi sham nguta tiima laita kikai. Kiijaq naishiq ka adam na riitam ngakai. Laita, jechakre kiijaq ümchuwa lomdamtaq kiima tsütsa ka chongkuq kai.

Acts 17:2

Paul ka rahin jaq akhing na jamkho sinagok na kitlaq kiikha, kra akhing niimin sinagok na kito. Raüta, kiijaq apaiq ka Asii Niitiitsak ranaiqtsam akhing na saüli nokwe ma,

Acts 18:4

Apaiq raq Asii Niitiitsak ranaiqtek sinagok na kiraü raüta, Jehudinok nai Griknok rai tsangshiq tsantsii ka tiinin jawan miitu, atsi dada maq traho bomtsi ka chongkuq lili riito.

Acts 19:8

Paul ka jipi lü tsam tingkhit sinagok na walili raüta, nokwe ma Shiikeawe bomtsi ka tsangshiq ma achaq awaq maq chong kuqto. Kiimaq tiitho tiipha phanchan chongkuq raüta, tsangshiq tsantsii ka Shiikeawe puk na nyap wan lamphan na tiinin ja wan hajaq nguta pinthum shiikut chaqto.

Acts 9:20

Kiimaq, apaiq raq sinagok thun kiijaq kokkok wawan raüta, Jesuq kiidea Shiikeawe Se nguta trahokuq pha wanto.

2 Timothy 3:11

Maiqse raq ngi ka ümtinkhan wa tiichamchao wanto. Kiimaq tsaija chhunja chamchao litkot ahin thun min ngi raq jamkho lea wan kang, irthun irka, ümchaü sanha ümniiriiri kunli asap haü siisaq she. Shatmaq, atinkhan chamchao walü mong wa, Tatiwe raq ngi ka tiichhii kuqto. Ngi ma Antiok maq, Ikoniam maq, kiimaq Listra maq tsaija chhunja, pitlang pitthea, phiiptsi jiiptsi ümtinkhan wa, maiqse raq tiichamchaotaq, ira nin wan kang. Kriithun ka wiita, ümniiraq asap haü siisaq she! Shatmaq arthun litkot chamchao mong wa, Tatiwe raq ngi ka tiichhii kuqto.