Acts 13:11 - ASII LAKDAP Bible (BSI)

¹¹ Riita, ümchaü min, Tatiwe manson ka ümdü niishe mini wan kiiphaü. Ümmak ka achuk she mirki. Shiikeawe akhing mihong wan shaq wiiwii, makchuk lishe misi haü.” Krai mren, tiihanghiiq miili she, Elmas raq amak na ranyaq riitangli, pang wan saq pang wan kra sapto. Kiimaq apaiq ka phiim shiiphiim she, maiq weshi ra raq apaiq ka ajaq maq hit raüta, shunshea kuq raü jaq nguta, phangli phiimli she wawanto.

Hawa Naga Bible 2001

¹¹ Majuiuc dvyx Taungjix yauk kuex mhtauk nuex httuiuc wvnc vtueq mmuik mawz wvnc ruiux baunglaung shiz raungnuiyq vwuic kuex khiz lvp shuiux rvmuq,” ngoz kuq tueq. Kvkaq dvyx mantan thenc jix waz kuex vmuik mawrawz wvnc vtueq, vmuik nuex raungnyauk ikhoc yaungc kay ningkhvnc nuex yauk maq het shvlc jix miq thuiyx tueq.

Muklom

¹¹ Teyhungwa nang tatsam pha nu; nang chomwey ma miikduk angnu etho rangwung sha khimu angnu. Etho Elymas miik tha amak wang tathuk chakta etho piq aa miq tha piq ni piq sha solma tat bi eq kata.”

Acts 13:11 Referencias Cruzadas

RAPHA HIQWA LAK 19:11

Raüta tsangnai raq kinphai wa maiqwere kong tlotli mak ka tiichuk baiqto. Krai mren tsangshiq raq kilü ka hum mak she riito.

2 HOKHVMX 6:8

Siria mung hokhamwe ka Israil mungti rai arkhat riito. Apaiq raq awokhong na siti ajong alabi rai tsii riichongto. Raüta tsangshiqnok phentiip tiichang piitiip hiq bashi na tiihongto.

YOBA 19:21

Namshiq ka iluwetiim! Ngi mangchan rong liina! Shiikeawe sintsang hotiikang ahata.

Tvtsvmc 32:4

Ranaiq rawa ümniiraq ngi ma mo tiiho laü, Tatiwe lei; iningkun ka wiita süroqroq she süwanto, rajuji na rashekii raq hiq wa kham trübaiqtlaq ikha.

Tvtsvmc 38:2

Ümniiraq ngi ka liqsin thun maq hüp laüta tiisho laü; ümniiraq ngi hiip laü she.

DUNGWVNC 9:3

Ngi raq ümniima mo mitiihoha, üm nyamse kong kunli kumrang kong, kumtoq kong, kumtsong kong, minsaükong, skukong, kiimaq chhechhi kong tlotli khuthaq na phiiptsi chang thadong mitiisaüha. Lata mitsatbaiqha.

ISAIA 29:10

Tatiwe raq namshiq ka tiinguk miiliiq she tiiphepii baiqto. Lantea akon makaiq she mikon wan han kata. Shammibi ka mungmaiqse ma makpo jachang wa, Shiikeawe raq tsangshiq mak ka khea maq jobbaiqto.

John 9:39

Jesuq raq apaiq ma chongto, “Ngi mangjong hiq na kikang arka, maiq chechiip kai kikang. Krai mren, makchukti ka makpiiq ma mija wan. Kiimaq makpiiqti ka makchuk ma mija wan.”

Acts 9:17

Krai mren, Ananias ka Saul jap chang jam kiijiishe kihoto. Raüta, jam mong na nyap wato. Raüta, ajaq maq Saul dü na sham raüta, “Phuno we Saul le,” nguta bom damto. “Ngi ka ümniiphana Tatiwe raq tiikito. Ümniika ana wa lam na awarai shon, ümniirai lam na sham riichhikitaq Jesuq apaiq raq tiikito. Apaiq raq ngi tiikitaq arka, ümmak kra tiipiiqke kai miitu, kiimaq ümniika Asii Wenyi raq ama maq rom raüta, ama miishe misi laq nguta tiikito.”

Romans 11:25

Phunainotiim lei, ngi raq ara apaü raüta athü wan, tengteng bomtsi ara namshiq ma chongke wan rotiikang. Arka namshiq raq sap wan chang akhek sitlo. Kra sap wan han jiila, namshiq tsan na, “Naishiq Pongnok phan maiqse dea taksu maiqse,” nguta tiishom ra man mirhan. Riita, ara chong tiikang tengteng bomtsi ka ara. Ümchaü Israilnok tsantsii wanshakshak rüm tlaq arka, pattup akhli ka wanwan mak miraq. Arka, Pongnok phan maiqse ka Shiikeawe puk na ümtinkhan shang wan chang wa siwan tlaq, kra thun kra kunli she shang wan akhing ranaiq na saüli niili Israilnok tsantsii ka mitsin wan.

Hebrews 10:31

Riita, arthun ara ningkhan, atra Shiikeawe jaqkhon mong na dea wa ngutlaq kriika, pinthum haisi chang!

2 Peter 2:17

Ara arot shrabi thun arka khamrai arü arki, jükhü sitlaq ikha süpotpot. Kiimahali tsangshiq ka phumlü da, ra na rahai raq pan tlaq ikha, khampü ahü phumda sitlaq ikha. Shiikeawe raq tsangshiq ka Phangthum Khapho Ranaiq, ranyaq tangtang mong kiina mitiidea baiq.

1 SAMUEL 5:11

Kra ningkhan, tsangshiq raq thongshi ri hali Philistainnok hokhambi tlotli tiiheakai tiiki raüta akha nguto, “Israilnok Tongshong Tek ka, apaiq sichü chang hiq kiina tiijang thüwa rongkiq. Kra riihaila, kriiraq nashiqnok kiimaq nachak nasetiim tsat mak miraq.” Chela kra hamli na mungmaiqse ka pinthum phiip raq atsai riito. Jamkhano ngukla Shiikeawe raq tsangshiq ma mo tsihea tiihorat wanto.

1 SAMUEL 5:9

Shatmaq Tek ka kiijaq saü wan raüta hali, Tatiwe raq kra chelati kiimin tiichamchao wanto. Raüta pinthum tiiphiip jiipto. Apaiq raq tsangshiq kiimin wiinoktam, nosere kiimaq nyungwe tarü tsamtsi tha wa tiisaü raüta tiichamchao siqto.