Acts 13:10 - ASII LAKDAP Bible (BSI)

¹⁰ Raütiishe, Paul raq mintin we ka akhiishe sonto, “Ümnaq arka Tha Kaü ashi! Ümnaq arka ating arai jaqsham thun kra tangta baiqti we. Ümtsantsii ka abi thiikho. Kiimaq ümniiraq Tatiwe tengteng bomtsi kra, arot akiq ma tiija baiq wan kli tiima tlaü!

Hawa Naga Bible 2001

¹⁰ “Htaungc waz saz lex! Mnoz kuex vhvlx phvnx ruip saz muex ralx waz rvtoq. Mnoz nuex thuinz vkoarx vrot vkaq lvmx lotlaz mvrc yaq, mnoz rueq mkaq muinz Taungjix tsuingrux lvmx kuex rot muq muex tvyaungc vshuiux.

Muklom

¹⁰ “Nang Thangwa miqwasa! Nang raa asing ralwa! Nang aa ba tinmong na rapney jashit tinthin hol u, etho Teyhungwa asing raaq raa nang aa hutdip ma tathin u!

Acts 13:10 Referencias Cruzadas

RAPHA HIQWA LAK 18:19

Ngi raq apaiq ka tsea wan kang she. Kriika apaiq raq asetiim nai asaütiim ka apaiq wokhong maq, Ngi raq akuqha aming thun kra lang laü raüta kiimaq riikhaqli nai tingting jaq sham raüta siwan miitu tsea wan kang. Tsangshiq raq kra klo raüla, Ngi raq apaiq ma kiq kham kuq kang kra kunli miklo kuqha.”

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

2 KAÜWA WERAÜ 17:6

Apaiq raq Tatiwe shiikum pan wan ka kharii jonghea nguta shreng wanto. Kiimaq thatsang chang sumla phra phong noqpi chang jam thun ka kiimaq jechak phra Ashera shomnoq chang setu thun ka Juda mungwa wiita shiithen baiqto.

THARC TVLUINGC 9:3

Maiqse wiitarü ka kharii ashi na sup wa chang siisaq. Arka riikhaqli ka riimak. Tsangshiq ka atra si ruq wiiwii, tsang khutsai, ka abi ati tiima tsantsii riili ama sitlo. Kiimaq angi nola tsii riili ama sitlo. Raüta tiihanghiiq miili she tsangshiq ka tsai kitlo.

JEREMIA 23:36

Arningkhan tsangshiq raq ‘Arka Tatiwe holai’ ngutiika bom maimak she. Jamkhano ngukla maiq weshi ra raq ara bomtsi arla chong raüla, Ngi raq itsütsa ka apaiq ma holai jonghea mitiijaha. Mung maiqse raq tsang Shiikeawe, Atra Shiikeawe Tati Ningkun Ajongwe bomtsi ka atiijiq she riibaiqto.

Hosea 14:9

Taksuti raq tak wan ronglaq. Ara bomchong ara. Tatiwe tri lam phan ka tingting. Tingting maiq raq arlam miphan wan. Raüta mishongnga wan. Shatmaq ngarai maiqse arjaq mithap wan. Tsangshiq raq tri raütu shipoq wanto.

Matthew 13:38

Wak ngutlaq kriika mangjong hiq ara nangnga ngutlo. Tsam lai ahea kriika Shiikeawe sengi maiqse sitlaq kra. Sang ngutlaq kriika Thawe rii maiqse mangjong hiq na sitlaq kra chongtlo.

Matthew 15:19

Akhek ka maiqse tsan mong maq dong tlaq tiima tsantsii abi rüm tlaq kra kata abi pinthum. Maiqse tsan mong na tiima abi rümtlaq kra riili she, maiqse ka matwe ma tiija tlo, maiqchak maiqse rai sra raüta, sipe ma tiija tlo, kiimaq junshüm riirüm sethoq sepii tiija tlo, ahuk arot ma tiija tlo, arot hakhi ma tiija tlo, maiq chongseati ma tiija tlo.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Luke 11:39

Kriikha miishe, Tatiwe raq apaiq ma akha chongkuqto, “Namshiq Phorisinok riika, namshiq kok alaq nai tak apin thun kriika, akii thun kriika siirai rai hea hetse tlan. Shatmaq, namtsan mong niika, ramok rachhai wa trangli sitlan. Kiimaq abi ati tiima tsantsii riili ama sitlan.

Luke 11:52

“Namshiq Thungtri shrinketibi ma pinthum phiiptsi chang asi! Namshiq raq Shiikeawe tiima tsantsii khon chang phaqchi kilü diwan chang sapi tu ka thü baiq lan. Namshiq maiqmii kiimin nyap wa man. Kiimaq nanok awa roti kiimin, tiiwa man maq tangta baiq tlan!”

John 1:23

Kiijiishe, Johan raq, Isaia shammi we raq chongthütaq bomtsi kra bliiq raüta tsangshiq ma akha chongkuqto: “Ngi ahata, ‘Tati We kai chang lam kra liitatat hea tiije tanholi laq!’ nguta, kumtsaiphii na agilülü rümti we,” nguta, apaiq raq tsangshiq bom ka treto.

John 8:44

Nam we ka Tha kaü. Namshiq ka thasetiim. Krai mren, nam we jaiphan li lungwii tlan. Apaiq ka man na miiphü dongdii matwe tsawe. Arilung na jangshi min tingting rilung lamphan ka tiima mak dongdii. Ara jamkhano chongtiikang ngukla, apaiq tsantsii ka tingting riimak. Krai mren, apaiq ma arot akiq bomchong ka maiqmii aphara jaqsham. Ara jamkhano chongtiikang ngukla, apaiq ka arot we. Apaiq ka arot akiq dong chong.

Acts 20:30

Namshiq phong wiili, maiq wiijamti ka dongho raüta, tsangshiq raq arot akiq bomtsi kra michong kuq. Raüta, phunainotiim liipan wa maiq wiijamti ka tsangshiq jai phan niishe misheaho.

2 Corinthians 11:3

Ngi hairai tiikang arka, Ewaq ka jamkho lao wa taq, kiikha namshiq kiimin laoho jiiqla, nguta hai tiikang. Paü ka lulesang. Apaiq raq Ewaq ka lao wato. Kiikhiisii hali, namshiq tsantsii kiimin, apaiq raq mirap wiiqho. Raüta, namshiq tsantsii ka, Khristo lungwii tlan kiiwa, thawe raq mitiishonho.

Galatians 1:7

Riikhaqli maq kon raü jiika, “ahin tsütsa ahea,” nguta chongkuq tlaq kriika jam min ahü, siirai, arot. Shatmaq, ngi raq akha ngutiikang arka, nanok maiq wiijamti raq, namshiq kamasham ka tiithen baiq wantlo. Kiimaq tsangshiq raq, Khristo tsütsa ahea kra, arot akiq bomtsi maq, laibaiq haijaq nguta shiichaq tlo. Kra ningkhan chong tiikang.

Ephesians 4:14

Kra akhing na, nashiq ka nosere ikha, maiq bom maiqsa ma kona jon wa, kona shonki ka riimai she. Arot akiq maiqse, maiqlao liiti raq jamlai wa, arot akiq traho bomtsi shrinkuqtlaq, kra manphan jüche ka tai laita, nashiq ka shonbii kimai she. Tsangshiq riika laolot mak she.

2 Peter 2:15

Arot shrabi raq tengteng Tsütsa Ahea lamphan ka baiq thiito she. Raüta lamjiq niishe miihoto. Tsangshiq ka Beor se shammi we Balaam jai phan lamjiq nü na kihoto. Balaam raq kampho ma sü ma ngarai lam na kaiho ka atsan tiikan mak riito.

1 John 3:8

Jurwa ngarai tang ruq miili sitlaq, kriiti ka Thawe rii. Ara jamkhano chongtiikang ngukla Thawe ka apha miiphü dongdii ngarai tangti we. Shiikeawe Se saükitaq arka, ara chongtiikai Thawe raq ngarai jaqsham miitu mintin ningkun tu rüm tlaq, kra arang chong maq babaiq kai kito.