Acts 10:23 - ASII LAKDAP Bible (BSI)

²³ Kiijiishe, Petar raq wanwetiim ka jam na düwa rongkiq nguta heato. Kiimaq kra rawa ka kiijiili jap ronglaq nguta tsangtsam ka tiiwinto. Raütiishe anap miishe, apaiq ka tiije raüta, tsangtsam rai wawan damto. Kiimaq Joppa chela wa phunai notiim wiijamti min apaiq rai wadamto.

Hawa Naga Bible 2001

²³ Peter rueq tsuinghez kuex yuimx nuex gvl ruiux kvruex raungwvrx tvyuip tueq. Nvp yix raungnuiyq piq muinz tsuingc thuimx rulc vdvmz nuex kaz wvnc naungx tueq. Joppa ghaq wawc kvmluimx jix phunox bix wvyvmc rueq muinz phvnx laq naungx tueq.

Muklom

²³ Peter aa ning tha himmong náng halta etho rangpal o eshina tong ta. Saalji na piq ning jamtho kata; etho Joppa wang chamtey uhantey tang piq jamoq kata.

Acts 10:23 Referencias Cruzadas

THARC TVLUINGC 9:10

Ümniiraq jamlai sham-akai wa shamtlaü, kriika, tsapkapkap maq shamlaq. Jamkhano ngukla, ümnaq kaiho chang wulum mung kiijiika, jaqsham kaiwa min ahüshe; tiima tsantsii min ahüshe; phaqchi pinja min ahü she; taksutsii min ahü she miraq.

Acts 1:15

Kiitincho ji na kamasham maiqsetiim ka adam na rintii thungngato. Tsangshiq ka wiitarü shishi ri roqnai tin khan riito. Kiimaq kiitiikaq Petar ka chap raüta akongtibi kiima akha chongto,

Acts 10:29

Riita, ümchaü min ara chong tiikang arkha maq, ümniiraq ngi tiiheaki laü krai mren, jamlai miimin tiithudu mang maq, ajaq ümjam na sawa kang. Riita, ümchaü min, ümniiraq ngi ka jamlai miitu wa tiihaiki laü kriishe chong laq.”

Acts 10:33

Kiimaq kra chongkuqtaq krai mren, ngi raq ümniika tlothit li ana tiiheaki kang. Kechu jonghea, ümniiraq tlea maü maq saü wa laü. Riita, shiilangwe lei, ümchaü min Tatiwe raq naishiq ma jamlai chongkuq wakiq ngutiiwa tiiwataq, kra taiwan miitu naishiq tarü ajaq Shiikeawe man na riitam wan kai,” nguta treto.

Acts 10:45

Petar rai awadam Jehudinok phungmaiqsetiim Joppa wa awati raq, Shiikeawe raq apaiq kongphiq Asii Wenyi ka Pongnok phan maiqse miimin, asho awo raüke wan kriishe chhi raüta, tsangshiq ka kai amao riito.

Acts 11:12

Kiijiishe, Asii Wenyi raq ngi ka tsangshiq rai Sisiria na wadam miitu, naqkan kop kiq nguta thaüto. Riita ara chongtiikang arai mren, ümchaü arjaq ngi rai kongshi ngatlaq kamasham maiqsetiim tsangtsam wetrok kriimin, ngi rai kongshi miishe Sisiria chela na wawankai. Kiimaq naishiq tarü ka Kornelias jam niishe düwakai.

Acts 28:15

Rom na siti phunainotiim raq naishiq watlo nguta tsütsa taito. Krai mren, tsangshiq ka Rom maq kiraüta Appijas Kejat thung nai Wanjaptiiptsam Hiq kiina saüli kiraüta naishiq ka humkito. Paul raq tsangshiq rai riihum raüta Shiikeawe ma kechu tumto. Kiimaq apaiq ma tsaiji kongtam puqshi she riito.

Acts 9:36

Kiimaq, Joppa chela na maiqnyung ashi asi. Apaiq mang ka Tabitha. Apaiq ka Jesuq jaqshise. (Apaiq mang ka Grik bom maq Dorkas ngutlo. Kra liichum ka “Chok kaü” nguta ngo.) Apaiq raq arilung ka, nanok khrumke jaqsham na nai miitsan miijan maiqse khrumke niili tiisungto.

Acts 9:38

Jopa ka Lidda maq ajeli. Kriikha maq, Jopa na siti Jesuq jaqshisetiim raq Petar ka Lidda na nguta tsütsa tai raüta, tsangshiq raq maiq wenai Petar tiihea kai tiikito. Tsangnai ma, “Ümniika naishiq phana jaqlo wara ngu wa,” nguta tiichong kito.

Acts 9:42

Kiimaq, ara tsütsa arka, Joppa chela hamli niishe nyam wanto. Krai mren, maiq pahea raq Tatiwe miishe kamwanto.

2 Corinthians 8:21

Naishiq tsan na tiima tiikai ka, athuk atsom jaqsham kriili ro tiikai. Tatiwe makki niili min riimak, maiqse makki niimin, athuk atsom sham chang sitlo.

Hebrews 13:2

Namshiq jam na wanwe dii tlaq kra shiililii ka naq laq rongkiq. Richü pat na, maiq wiijamti raq wanwe tao tiikai anguli, rasetiim taoratto. Tsangshiq riika, wanwe khla tao tiikai angu li, rasetiim tao wan ma jato.

1 Peter 4:9

Kongtibi Phungmaiqse tiidüsat miitu, namjam hiqkhu ka chinje maq thü ronglaq.