Acts 10:22 - ASII LAKDAP Bible (BSI)

²² Kiijiishe, “Kepten Kornelias raq tiikito,” nguta tsangtsam raq treto. “Apaiq ka maiqshaq. Shiikeawe shomnoqti. Apaiq ka Jehudinok tarü raq kai shrengtlo. Rase ashi raq apaiq ma ümniika tiiheakikiq nguta chongkuqto. Arka ümniiraq apaiq ma jamlai chongke chang wa, kra miitu tiihea kito.”

Hawa Naga Bible 2001

²² Tsuinghez rueq, “Nuiyhez kuex nolaungx yungx waz Korneliu rueq tvkaz phuex. Piq kuex miq hvlx washiz rvtueq, Tishox muex tvtsanc nganc jix nuiyc Yuda phvnx lotlaz htumc nuex htvlx phawc vhttax maq tvtsanc nganc rvhumc yaq waz rvtueq. Tishox raungkamx washiz rueq mnoz kuex Korneliu yuimx nuex gvl ruiux, mnoz rueq jungx shuiux kvjaz kuex tay tvkoc nvr tueq,” ngoz tueq jungx tueq.

Muklom

²² Ning aa batta, “Shashey waan ralkoltey ajongwa Cornelius takat taphi. Piq sha asing nia Shkewa ma chotey etho thaji Jehudi tang aa piq tha rapney rangka aa. Nang piq him náng hal eq baching wang raaq tat ma Asang rangkamwa aa piq ma batta.”

Acts 10:22 Referencias Cruzadas

Hosea 14:9

Taksuti raq tak wan ronglaq. Ara bomchong ara. Tatiwe tri lam phan ka tingting. Tingting maiq raq arlam miphan wan. Raüta mishongnga wan. Shatmaq ngarai maiqse arjaq mithap wan. Tsangshiq raq tri raütu shipoq wanto.

HABAKUK 2:4

Bomtsi chongtiikang ka ara waiq laq: ‘Abi ati maiqse thun ka atsai mirki; Shatmaq kechu maiqse thun ka atra misi wan. Jamkhano ngukla tsangshiq ka Shiikeawe bom, tsapkapkap maq langtlo.’”

Matthew 1:19

Joseph ka phanrap na mitting maiqse. Kiimaq apaiq raq Meriq ma nokwe man na jea tiingaü ka romak. Kriikha maq apaiq raq Meriq ka ahukse miili miimbaiq la nguta tiimato.

Matthew 2:12

Shiikeawe raq tsangshiq ma rawa ma maq Herod rai riihum wan nong raa mak she nguta honlam bom she chongkuqto. Krai mren, tsangshiq ka lamhin lam miishe tsangmung nü na jang wan nongto.

Mark 6:20

Herod raq Khamlamketi we Johan ka, mitting maiqse kiimaq kechu maiqse dea ngutiika asap. Krai mren, apaiq ka Johan ma ahaisi ka asi. Kriikha maq, apaiq raq Johan ka phaqtek na, tiiwong kuq shatmaq maq shaq raüta thüto. Apaiq raq Johan traho bomchong kewan kriika tairo tlo. Shatmaq, tai tlaq tek na, atsan mong na kai kotsirak wan lili riitlo.

Mark 8:38

Ümchaü pat ara sethoq sepii ja pat, kiimaq abi ngarai lamphan pat. Riita, akha pat abi akhing na, jurwa ngi ma kam ma ajiasi riiwan tlaq, kiimaq, i bom chong ara nanok ma chongke miitu ajiasi riitlaq, kriiti miika, ümtiikiiwa Maiq Se ka, Awe khushü liliim ngao jonghea kra ho raüta, asii rasetiim rai she saüho tlaq, kra akhing na, apaiq raq kriiwe ka atiishaü mirbaiq.”

Luke 2:25

Kra akhing na, Jerusalem na siti maiq weshi, amang Simeon nguta asi. Apaiq ka Shiikeawe lam phan na, tsapsaü kapse maq siwanti, kiimaq kechu maiqse ashi. Kiimaq, apaiq ka Shiikeawe raq Israilnok kra chhii kai akhing rahiq kra saütlo haü jiilei nguta, maklii khamthii maq khewantiwe riito. Kra akhing na Asii Wenyi ka akhum na ama riito.

Luke 23:50

Kiijaq Judia wang wa Arimithia chela na siti maiqwe ashi amang min Joseph nguta asi. Apaiq ka maiqshaq, kiimaq shiilang weshi riito. Apaiq ka Shiikeawe Mungtan saüho kra kheti we ashi riito. Apaiq ka Jehudinok Rung wa wela ashi li riikiimin, tsangshiq raq mat kha tankhan wantaq kiijaq apaiq ka pong dam mak dea.

Luke 9:26

Juwa ngi ma kiimaq ara i bomtsi shrinkuq tiikang arma, ajiasi riitlaq jiika, kriiti miika, Maiq Se kiimin apaiq, khushü ngao kiimaq Awe khushü ngao chhainyii liliim, kiimaq asii rasetiim khushü ngao kra ho raüta saüho tlaq akhing ranaiq na, kriiti ma ajiasi mirwan.

John 13:20

Ngi raq chongtiikang arka tengteng: Jurwa i tsasoqti ka tao wan tlaq, kriika ngi tao wan tlo. Kiimaq jurwa ngi tao wan tlaq, kriika ngi tiikaiti we kriimin tao wan tlo.”

John 17:20

“Ngi raq achu jaü tiikang arka, tsangshiq miitu lamlamse li ka riimak. Shatmaq, tsangshiq raq traho bom chongkuq tlaq kra tsütsa tai raüta, ngi ma ümchuwa kamwan tlaq, kriiti miitu min, achu jaükuq tiikang.

John 17:8

Ümniiraq ngi ma ümbomtsi ka tsangshiq ma chongkuq laq nguta, thaü laü irka, ngi raq tsangshiq ma, chongkuq kang she. Kiimaq tsangshiq raq, ümbomtsi ka tao wanto she. Tsangshiq raq ngi ka ümpha wiidea akiha ngutiimin sap wanto she. Kiimaq, tsangshiq raq ngi ka ümniiraq atiikihaü dea nguta kamtlo.

John 5:24

“Ngi raq chong tiikang arka tengteng: Jurwa i bom chong ara tai tlaq kiimaq ngi tiikaiti we ma kam tlaq, kriiti raq pattup pat-sa rilung ka alap wan wishe. Kriiti kha ka apho chang ahü she. Amaa wa atra she.

John 6:63

Tsitsü keti ka Shiikeawe Wenyi kli. Maiqse han-ngam ningkun miika, maiqse ma tsitsü raü triiche kuqlot mak. Ngi raq namshiq ma chongkuq tiikang i bomtsi ahata, namshiq ma tsitsü keti Shiikeawe Wenyi raüchong.

John 6:68

Kiijiishe, Simon Petar raq Jesuq bom ka treto, “Tatiwe! ümniika miimbaiq thü laita, naishiq ka jujai she wa miphan hai? Ümniili pattup pat-sa rilung tsitsü raü shamti we.

Acts 10:2

Apaiq ka Shiikeawe shomnoqti. Apaiq rai ajamti thun tarü ka Shiikeawe shomnoqti siisaq. Apaiq ka Jehudinok miitsan miijan maiqse khrumketi. Kiimaq apaiq ka Shiikeawe jaq wa achu jaü na tsapkap hea we.

Acts 10:21

Krai mren, Petar ka wukhu maq hiq niishe satkito. Raüta, “Namtsam raq rittlan we ka ngi ahata. Namtsam, ka jamlai mra na akihan wa?” nguta tsangshiq ma waito.

Acts 10:30

Kiijiishe, Kornelias raq treto, “Shiilang we lei, kechu jonghea. Ümchaü ranaiq ara weali maq ranaiqtsam she. Ngi ka i jam na, ranaiq naritsam bala achu jaü ngakang. Kra bala, tiihanghiiq miili, maiqwe ashi, apaiq miirii ka khealü, achhai anyii samraü we kra, i khaki na chapsaq chapkito.

Acts 10:33

Kiimaq kra chongkuqtaq krai mren, ngi raq ümniika tlothit li ana tiiheaki kang. Kechu jonghea, ümniiraq tlea maü maq saü wa laü. Riita, shiilangwe lei, ümchaü min Tatiwe raq naishiq ma jamlai chongkuq wakiq ngutiiwa tiiwataq, kra taiwan miitu naishiq tarü ajaq Shiikeawe man na riitam wan kai,” nguta treto.

Acts 10:6

Apaiq wandü jamti we mang ka Simon. Apaiq ka ngamkhü shati laopan we. Kiimaq apaiq jam ka khamjongraikii tho na,” nguta chongkuqto.

Acts 11:14

Apaiq ka wa raüta, ümniima nai ümjamtitiim ma bom ka michongkuq. Kra apaiq bomtsi taitlan kra lü miitiq, ümkhum nai ümjamtitiim thun khum kra mitiichhii wan,’ nguta chong kuqto nguta naishiq ma chongto.

Acts 22:12

“Kra chela na maiq weshi asi riito. Apaiq mang ka Ananias. Apaiq ka tsantsii kuq raüta Shiikeawe shomnoq wanti we. Kiimaq nashiq Jehudinok Thungtri ka tsapkapkap maq lang wanti we. Kiimaq kiijaq siti Jehudinok tarü raq apaiq ka pinthum shreng wantlo.

Acts 24:15

Riita, ümchaü arjaq rung na nga tlaqti thun raq, tsangshiq raq maiqse angu wiita, maiqhea maiqbi kunli, ranaiqshi akhing na, amaa wa adong mirwan nong nguta, Shiikeawe ma kam tlo. Riita, ara tsangshiq raq kam tlaq kra miika, ngi riimin kam tiikang.

Acts 6:3

Arkha maq, ümchaü min, phunainotiim lei, namshiq liipan wa, Asii Wenyi maq ama maq siti, kiimaq taksma maiq wa, maiq wemiishi shiikap ronglaq. Naishiq raq ara jaqsham ka tsangshiq jaq na kiinong kuq phai.

Romans 1:17

Jamkhano Tsütsa Ahea na ningkun asi ngukla, Tsütsa Ahea na ngarai maiqse ka, Asii Shiikeawe raq apaiq rai wehea ma jamkho shram wan tlaq, kra lamphan ka tiichhi kuq tlo. Ara Shiikeawe rai wehea shram wan tlaq arka, apha maq riita atiisup na saüli, maiqse raq Shiikeawe ma kamtsantsii thü tlaq, hiqkhu phi kra miili dü wan chang nguta chong tlo. Arka asii bomtsi na chongtlaq, kra phan phan hongtlo. Asii bomtsi na akha chongtlo, “Jurwa Shiikeawe ma kam tlaq, kriiti ka Shiikeawe raq apaiq rai wehea miishe tiija wantlo. Raüta kamtsantsii lümaq atra misi wan.”

2 Corinthians 5:18

Riita ara maiqse ka anye ma tiija tiiq wan tlaq arka, Shiikeawe raq nashiq miitu klo wanto. Kiimaq Khristo raq jaqsham jonghea sham wan kha maq, Shiikeawe raq nashiq ka apaiq ma wesang wa, apaiq kongtibi miishe tiija wanto. Apaiq raq ümchaü sanha, ara maiqse angu thun arka, Shiikeawe rai wesang siwan tlaq kiiwa, wehea miishe shram kewan jaqsham arka nashiq miishe kuqto.

TRI CHONGKE 30:13

Riimakla arka sammok tra chum reko niimin riimak. Ümniiraq, ‘Sammok tra chum reko na ki raüta naishiq ma kra bomtsi ka juro milam kuqki? Kra nguraü jaq naishiq raq kra alang hai chang?’ nguta wai chang min riimak.

1 Timothy 3:7

Apaiq ka thatsang maiqse riimin shreng tlaqti riichang. Raütiq tiina, apaiq raq jeasi ngaü mak miraq. Kiimaq Thawe raq bi tsan tlaq kiijaq min mak miraq.

Hebrews 10:38

I sengi, asii maiqsetiim sitlaq thun riikla, kamtsantsii mithü, raüta atra misi. Shatmaq, tsangshiq phong wa ashira raq, I jai phan mak she tsaqki raü jiika, Kriiti miika, I tsan hea mak miraq.”

Hebrews 11:2

Tsangshiq kamtsantsii lümaq tiina, richü we raq, Shiikeawe bom lap wantaq.

Hebrews 12:23

Namshiq ka, ümchaü sanha, Shiikeawe setiim, chhikhu se kong sitlaq, kra triitam hea tlaq akhing poi ajong ranaiq lom dam ngutiishe saü wan tlan. Kiijaq watlaqti mang ka, ramungtan na awaiq thü wishe. Namshiq ka ümchaü sanha, maiqse angu kunli khaphoketi we, Shiikeawe wokhong niishe sitlan. Kiimaq man na, tsaitaq phong wa maiqshaq shaqti ka, Shiikeawe raq kechu maiqsetiim miishe tiija wanto. Namshiq ka tsangshiq rai adam misi wan han.

2 Peter 3:2

Richü pat na, asii ra shammibi raq chü rüm raüta, Shiikeawe bomtsi riisham bom maq chongkuq wantaq tsütsa kra nai nashiq Tatiwe kiimaq nashiq Chhii wanti we raq ashrinkuq Tsütsa Ahea kiimwebi lümaq namshiq ma chongkuqtaq kra, ümchaü namshiq ma bliiq chongke nong rotiikang.

3 John 1:12

Nanok wiitarü raq Demetrias dea ahea nguta tsakitlo. Tengman tlaq bomtsi riili apaiq ka maiqshaq dea nguta hakhi kuq tlo. Kiimaq kriithaq na naishiq riimin apaiq ka maiqshaq dea nguta hakhi kuq nong tiikai. Kiimaq ümniiriimin naishiq raq jamlai wa chongtiikai arka tengteng dea nguta asap haü.

Revelation 14:10

kriiti raq, Shiikeawe tsankhiq che tsai henghea, Shiikeawe raq apaiq tsankhiq chekhap wa tsüm raüta tiije wantaq kiiwiishe mibak nyang! Maiqse ümchu riiwa, ara ngamthaiq kaü puk na nyap raüta sitaq, kriiti thun ka, ara nyiimwin walü nyai tlaq kiijaq mitiikhiim chaq, raüta asii rasetiim nai Skuse man na kai mitiichamchao wan.