Acts 10:2 - ASII LAKDAP Bible (BSI)

² Apaiq ka Shiikeawe shomnoqti. Apaiq rai ajamti thun tarü ka Shiikeawe shomnoqti siisaq. Apaiq ka Jehudinok miitsan miijan maiqse khrumketi. Kiimaq apaiq ka Shiikeawe jaq wa achu jaü na tsapkap hea we.

Hawa Naga Bible 2001

² Piq kuex nawk palx htungx tvtsanc jix waz; piq nuiyc vyuimx wuinz lotlaz Tishox muex nawk palx wuez tueq. Piq rueq htemc saz jix Yuda miqsaz htenc muex muinz yauk noalc paunghvlc romc kuq vtueq, Tishox kox wawc vjux thoz ruiux yaq.

Muklom

² Piq sha thong somtey miq angta; piq nia uhimtey tang thaji Shkewa ma chota. Etho Jehudi tangshit tang ma rapney nong ta etho salwet Shkewa ma romtam chuta.

Acts 10:2 Referencias Cruzadas

RAPHA HIQWA LAK 18:19

Ngi raq apaiq ka tsea wan kang she. Kriika apaiq raq asetiim nai asaütiim ka apaiq wokhong maq, Ngi raq akuqha aming thun kra lang laü raüta kiimaq riikhaqli nai tingting jaq sham raüta siwan miitu tsea wan kang. Tsangshiq raq kra klo raüla, Ngi raq apaiq ma kiq kham kuq kang kra kunli miklo kuqha.”

1 HOKHVMX 8:43

apaiq achujaü ka tre kuq laq. Ramungtan maq, ümsichang jam maq, apaiq achujaü ka tre kuq laq. Laüta apaiq raq ümjaq wa jamlai wa jaütlaq kra klo kuq laq. Krai mren mangjong maiqse kunli raq ümniirai mang mirsap wan laq. Raüta ümnaq aming kra lang raüta, ümsengi Israilnok kiikha misi wan laq. Krai mren she tsangshiq raq ara ngi raq haikang Shomjam arjaqli dea ümniika shomnoq chang ratlo ngutiishe tsangshiq raq misap wan.

2 KAÜWA WERAÜ 6:33

apaiq achu jaü ka tailaq. Ramungtan maq, ümjam jong maq, apaiq achu jaü ka tailaq, lata apaiq raq ümjaq wa jamlai wa jaütlaq kra klo kuq laq. Kra riihaüla, mangjong hiq na siti maiqse wiitarü raq, ümniika misap, raüta ümsengi Israilnok raq ümnaq aming lang tlaq kiikha tsangshiq kiimin ümnaq aming wokhong na misi wan. Krai mren tsangshiq raq ümniika ara ngi raq hai kang Shomjam niidea shomnoq chang nguta misap wan.

YOBA 1:1

Man na Uj mung na siti maiq weshi asi riito. Apaiq mang ka Job. Apaiq ka Shiikeawe shomnoqti kiimaq Shiikeawe wokhong na tsapkapkap sito. Apaiq ka maiqshaq pinthum kiimaq abi klomak phan hon kamshat maq sito.

YOBA 1:5

Riita kra poi akhing tek na, poi ka lot jai, napjai ranap na Job ka ranap chu maq tiidotlo. Raüta asetiim loweatek miitu Shiikeawe ma honglu thun takuqtlo. Kriika tsangshiq khum kra tiisii miitu takuqtlo. Apaiq raq akha jangwrapshe klotlo, jamkhano ngukla atsan na akha tiimatlo, jursap tsangshiq phong wa ashi ra raq hemak lam maq Shiikeawe man na ashut aphit mobom rai moraq miraq.

Tvtsvmc 102:15

Maiqmung thun raq Tatiwe ma mihaisong wan; mangjong hiq na siti hokhambi kunli raq apaiq ningkun ma mihai.

Tvtsvmc 119:2

Peohea jurwa apaiq aming thun lang raüta sitlaq, jurwa apaiq bom tsantsii wiita kuq raüta langtlaq.

Tvtsvmc 25:5

Ümbomtsi tengteng na chongtlaq kra phan phan ngi shong nga miitu shrinkuq laq, jamkhano ngukla ümniika i Shiikeawe, ngi tiichhiiti. Ngi ka wranaiqshe ümniima kamtiikang.

Tvtsvmc 41:1

Peohea miraq miitsan maiqse miitu tsan tiitsiti ma; tsangshiq chamchao akhing na Tatiwe raq mikhrum.

Tvtsvmc 55:17

Ranap na, ranaiq shethung na, kiimaq rawa na ngi raq shoktiikang kiimaq hannyi tiikang thun ka apaiq phana ra na wawantlo, krai mren apaiq raq ibom ka mitai.

Tvtsvmc 86:3

Ümniika i Shiikeawe, kriikha na ngi tiihanglaq; ngi ranaiq minru ümjaq wa achu jaütiikang.

Tvtsvmc 88:1

O Tati Shiikeawe lei, ngi chhiiti, ngi ranaiq minru hoq tiikang, kiimaq rawa na ümjichong na wa tiikang.

THARC TVLUINGC 7:18

Thittlai phok jamlai min naqklokiq. Ümniiraq Shiikeawe ma haisong tsantsii rümhaü jiila, jamlai wa klo tlaü kra ong wan ruq mirhaü.

ISAIA 59:19

Shedong mung maq riita shenyap mung na saüli, maiqse kunli raq apaiq miishe mihai song wan. Apaiq raq ningkun jonghea riimtlaq kra chhi raüta mihai song wan. Apaiq ka jüchhang jonghea ikha misaü wan, kiimaq rathaiq henghea ikha misaü wan.

DANIEL 6:10

Riita, Daniel raq kra aming ka khatto she nguta tho lapto. Apaiq ka ajam na wawanto. Raüta apaiq jam rathong khok na kitanpu thun kilü tlinshat asi riito. Kra kitanpu thun ka Jerusalem chela nü na tiinyi raqraq riito. Kitanpu thun tlin shat kiijaq walili raüta, rahinjaq ratili na jamkho achu jaütlaq kiikha, ranaiqshi na jangtsamtsam kaütsrong na nga raüta Shiikeawe jaq wa achu jaüto.

DANIEL 6:16

Krai mren she hokhamwe raq Daniel lapwa miitu aming kuqto. Raüta apaiq ka hangsikong khok mong kiijaq tiidea baiqto. Apaiq raq Daniel ma akha nguto, “Riita ümniika ümniiraq apaiq rai tiipumtlii laüta shomnoq tlaü Shiikeawe riitiq she dea mitiichhiikuq laq.”

DANIEL 6:20

Apaiq ka kiijaq saü wa raütiishe, kiinyiikhiq maq, “Daniel, atra Shiikeawe jaqshise lei! Ümniiraq apaiq rai tiipumtlii laüta shomnoq tlaü Shiikeawe raq ümniika hangsikong nübok wa tiichhiikuqto dea nya?” nguta Daniel ma riimto.

DANIEL 6:26

Ngi raq ara imungtan na siti mungmaiqse wiita ma, Daniel Shiikeawe kiima haisong tsantsii thü raa, kiimaq apaiq ka shreng raa nguta aming kuq tiikang: “Apaiq ka atra Shiikeawe, kiimaq apaiq riili pattup pat-sa, mung mipeng. Apaiq mungtan ka pattup thenki mak phan, kiimaq apaiq ningkun ka ümtiikiimin thummak phan.

Matthew 25:17

Kiikhiisii hali ajaqshi se chaq kampho hingnai lapti we riimin hingnai tliip lapto.

Luke 18:1

Kiijiishe, Jesuq raq ajaqshisetiim ma tsangshiq ka wranaiqshe achu jaü ruq sichang kiimaq ümtiikaq ranaiq jiimin tsaiji tran ra mak nguta tsii chongkuqto. Apaiq raq kra tsii chongke bomtsi ka ara shiiton manphan armaq chong kuqto. Manphan ka ara.

Luke 2:25

Kra akhing na, Jerusalem na siti maiq weshi, amang Simeon nguta asi. Apaiq ka Shiikeawe lam phan na, tsapsaü kapse maq siwanti, kiimaq kechu maiqse ashi. Kiimaq, apaiq ka Shiikeawe raq Israilnok kra chhii kai akhing rahiq kra saütlo haü jiilei nguta, maklii khamthii maq khewantiwe riito. Kra akhing na Asii Wenyi ka akhum na ama riito.

Acts 10:22

Kiijiishe, “Kepten Kornelias raq tiikito,” nguta tsangtsam raq treto. “Apaiq ka maiqshaq. Shiikeawe shomnoqti. Apaiq ka Jehudinok tarü raq kai shrengtlo. Rase ashi raq apaiq ma ümniika tiiheakikiq nguta chongkuqto. Arka ümniiraq apaiq ma jamlai chongke chang wa, kra miitu tiihea kito.”

Acts 10:31

Raüta, apaiq raq ngi ma, ‘Kornelias lei! Shiikeawe raq ümnaq achu jaü ka taito she. Kiimaq ümniiraq miitsan miijan maiqse ma khrum kuq tlaü thun kiimin chhito she.

Acts 10:35

Jurwa apaiq shomnoqtlaq, kiimaq riikhaqli tingting lam phan tlaq, kriiti ka junok phan li jiimin, Shiikeawe raq taotlo siisaq.

Acts 10:4

Apaiq raq rase ka ahai lam maq liito. Raüta, “Chaü lei, jamlai wa?” nguta treto. Kiijiishe rase raq apaiq ma, “Shiikeawe ka ümniima tsanhea sitlo. Ümniiraq achu jaü tlaü kra taito she. Kiimaq ümniiraq miitsan maiqse khrum kuq tlaü kriimin chhito she. Riita, Shiikeawe raq ümchaü ka ümbom tre miitu tiijeje she.

Acts 10:7

Raüta, rase ka wawan nongto. Kiimaq Kornelias raq apaiq jam na jaqsham damti, aluqkhap se nai wenai ka heato. Kiimaq apaiq shiililiiti kiimaq tsapkapkap maq Shiikeawe shomnoqti phenla weshi kriiri heato.

Acts 11:14

Apaiq ka wa raüta, ümniima nai ümjamtitiim ma bom ka michongkuq. Kra apaiq bomtsi taitlan kra lü miitiq, ümkhum nai ümjamtitiim thun khum kra mitiichhii wan,’ nguta chong kuqto nguta naishiq ma chongto.

Acts 13:16

Krai mren, Paul ka chapto. Raüta ajaq ka ra na do raüta, tsangshiq ma sanglili maq tai ronglaq nguta akhiishe trahokuq phahoto: “Israilnok nai Shiikeawe ma haisong tsantsii thü wanti Pongnok phan maiqsetiim lei. Ngi chongpha, tairong laq.

Acts 13:26

Paul raq tsangshiq ma, “I phan i maq Israilnok Abraham saü asetiim, kiimaq Shiikeawe ma haisong tsantsii thü wanti Pongnok phan maiqsetiim lei: Ara chong tiikang tiichhii wan tsütsa arka, Shiikeawe raq nashiq tarü miitu tiisaü hoto!

Acts 13:50

Shatmaq, Jehudinok raq kra chela na siti shiilangbi nai Pongnok phan maiqse wa maiq wiijamti jechakre ajong alabi nyungre, Shiikeawe shomnoq wantibi thun kriima raikao tatto. Raüta, tsangshiq raq Paul nai Barnabas kriishe tiichamchao wanto. Raüta, tsangnai ka kra chela wa maiqhiq ahin niishe jobaiqto.

Acts 18:8

Krispas ka kiijaq sinagok na maiqla weshi riito. Apaiq ka ajamti thun rai adam na Tati Jesuq ma kam wanto. Kiimaq Korin na siti maiq ahinti pahea raq tsütsa ka tai wanto. Raüta kam wanto. Kiimaq tsangshiq raq kham ka lamto.

Acts 2:5

Kiijaq Jehudinok ka Jerusalem chela na pahea asi riito. Tsangshiq ka Shiikeawe shomnoq wanti. Tsangshiq ka mung ahin na siti akirai.

Acts 22:12

“Kra chela na maiq weshi asi riito. Apaiq mang ka Ananias. Apaiq ka tsantsii kuq raüta Shiikeawe shomnoq wanti we. Kiimaq nashiq Jehudinok Thungtri ka tsapkapkap maq lang wanti we. Kiimaq kiijaq siti Jehudinok tarü raq apaiq ka pinthum shreng wantlo.

Acts 8:2

Kamasham na arang aphatibi thun ka riitam raüta, Stephen maa ka pinthum shreng raüta, maaho maanyi maq saiqsamto.

Acts 9:11

Kiijiishe, Tatiwe raq apaiq ka thaüto, “Tiije laq. Laüta, Rusansan Lam ngutlaq maiqchii kiina kilaq. Kiijaq Judas nguta maiq weshi asi. Apaiq jam na kilaüta, Tarsas chela na siti, maiq weshi, amang Saul ngutliiwe ka arjaq asi sha nguta wailaq. Apaiq ka ümchaü achu jaü rea.

Acts 9:31

Riita, ara chong tiikai arai mren, Judia wang na, Gelili hong na, kiimaq Samaria wang na siti phungtuti thun ka, ahai asong jam min ahü miishe, hansang miishe shongngato. Kiimaq Asii Wenyi jaqkhong maq, tsangshiq raq ningkun lap wanto, kiimaq Tatiwe ka kai shreng raütiishe shongnga wanto. Krai mren, phung na shang wanti maiq ka pawan ruq li she pawanto.

Acts 9:36

Kiimaq, Joppa chela na maiqnyung ashi asi. Apaiq mang ka Tabitha. Apaiq ka Jesuq jaqshise. (Apaiq mang ka Grik bom maq Dorkas ngutlo. Kra liichum ka “Chok kaü” nguta ngo.) Apaiq raq arilung ka, nanok khrumke jaqsham na nai miitsan miijan maiqse khrumke niili tiisungto.

Colossians 4:2

Achu jaü ka teptep maq jaü ronglaq. Jamlai wa jaü tlan, kra tsan na tiitsang shat maq jaü ronglaq. Kiimaq Shiikeawe ma kechutum shat maq si ronglaq.

1 Thessalonians 5:17

Wranaiqshe achu jaüshat maq si ronglaq.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

JOSHUA 24:15

Kiimaq namshiq raq apaiq ka shomnoq man ngochang jiila, ümchaü ranaiq namshiq raq thapthi ronglaq, ju wa mishomnoq han. Namtitiim raq Mesapotamia mung maq shomnoqtaq phra thun kriisha mishomnoq han, shea namshiq sitlan hiqshong wa Amoraiqnok phra thun kriiwa mishomnoq han. Shatmaq ijamtitiim nai ngi raq kla, Tatiwe kriili mishomnoq hai.”

Revelation 15:4

O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”