Acts 10:1 - ASII LAKDAP Bible (BSI)

¹ Sisiria chela na siti maiq weshi asi. Apaiq ka “Itali wa aki phen Rejiment,” kra pengti we phentuwe.

Hawa Naga Bible 2001

¹ Kesarea ghaq nuex vmuingc Korneliu ngoz yaq miq washiz vhttax rvtueq, piq kuex, “Italy Nolaungx Ghaqshungc” ngoz yaq nuex nolaungx yungx washiz rvtueq.

Muklom

¹ Caesarea na Cornelius ta thaming ta ashey miqwa angta. Piq sha Italy waan na shashey ralkoltey tang ajongwa angta.

Acts 10:1 Referencias Cruzadas

Matthew 27:27

Kiijiishe Pilat sengi phenlanok raq, Jesuq ka Wanghupti we jam mong na hit wanto. Kiimaq phenlanok sekson shi ka apaiq tro na riitam chapto.

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Mark 15:16

Phenlabi raq Jesuq ka Wanghupti we jamkea, wang mong niishe shea wanto. Raüta tsangshiq betelion kongti phenlabi abi thun kiimin she wiita adam na triitam heato.

Luke 7:2

Kiijaq Roman phentuwe ashi asi. Aluqkhap se ka apaiq raq kai mangchantlo. Aluqkhapse ka tsihea, tsaija chhunja.

John 18:12

Kiijiishe Roman phentuwe nai asengi phenlabi, kiimaq Shomjam kheti Jehudi phan petanok raq Jesuq ka lapho raüta raü maq khato.

John 18:3

Krai mren, Judas ka Roman phenlanok kongshi, kiimaq ramwe jongbi nai Phorisinok raq atiiwa Shomjam kheti petanok kriiri kongshi shea wan raütiishe kra, Olip pero kiina wawanto. Tsangshiq ka rewa awarai. Kriikha maq, tsangshiq ka wiija wiipiq, kiimaq waniitei thun piraq chhaq kiimaq lemtem thun ka doraq chhaq maq kiijaq saü wanto.

Acts 10:24

Kiimaq napjai ranaiq niishe, apaiq ka Sisiria chela na saüto. Kiimaq, Kornelias riika, ajamtitiim nai apaiq ma kongtibi thun ka ajam na triitam heali raüta, Petar saüwa ka kheshat riito.

Acts 21:31

Kra mungmaiqse tatso brak wan tlaq kriiraq Paul ka atsea baiq chang nguta tankhanlaq bala liipan niili, maiq ashira raq Roman phentujong we ma, Jerusalem ha tatso walü raq she la khiim wanta nguta tsütsa ka tiitai chongto.

Acts 21:8

Kriimaq napjai ranaiq min khamjong lam miili kihoruq kiho laita, Sisiria chela niishe saükikai. Kiijaq naishiq ka akhumti we shra Philip jam na japho kai. Apaiq ka Jerusalem na akhrumtitiim wemiishi tseataq kra phong wa weshi riito.

Acts 22:25

Shatmaq, tsangshiq raq apaiq ka jin raü maq tep kha raüta, chunpo-nyam chongwai maq atseaho she angu na, Paul raq phentuwe apaiq tho na chap raü we kiima, “Riita ümniiraq Roman Hokham sengi nokti we ka, apaiq khü akha ka jamlai wa, kra kongkhu pho hü maq, akha tsea thung ka asi sha?” ngutiishe apaiq raq siihiip we ma bom ka waito.

Acts 23:23

Kiijiishe siihiipjong we raq, apaiq phentu wenai ka hea raüta thaüto: “Sisiria na kai miitu phenlabi shinai tiijeli ronglaq. Kra tiitsuq ma kumrang thaq na chaoti phenlabi weroq miishi kiimaq liiq nai ja apiq shamti phenlabi shinai tiije ronglaq. Lanta athi raji nari tiikaü na tiido ronglaq.

Acts 23:33

Riita tsangshiq raq Paul ka Sisiria na tiisaü sheahoto. Kiimaq lak alamho kiimin Wanghupti we jaq na kuq hoto. Kiimaq Paul kiimin apaiq arang niishe kuq thüto.

Acts 25:1

Wanghupti we Phestas ka kra wang na saükili maq ranaiq tsam siraütli Sisiria maq Jerusalem na wato.

Acts 25:13

Kiimaq ashaqpuq sijai niishe Hokham we Agripa nai Barnis ka Sisiria na Phestas saüwa kiita apaiq taokai kito.

Acts 27:1

Riita naishiq ka Rom na wachang she nguta bomshat wantaq krai mren, tsangshiq raq Paul nai phaqtek na siti maiq shumwi kong wiijamti ka phentuwe Julias jaq na kiinong kuqto. Julias ka “Hokham we Rejiment” phentu pengti phong wa siihiip weshi riito.

Acts 27:31

Shatmaq, kra chhi raüta Paul raq phentujong we nai phenlabi ma chongto, “Ara laijong jiiqtinok ka ara laijong mong na nga mak la ngu raü jiika, namshiq thun ka achhun miriirong i nguta akhiismin naq tiima rongkiq.”

Acts 27:43

Shatmaq, phentujong we raq, Paul ka tsatjiiq nguta apaiq tiichhii kewan miitu, phenlabi ma shumwi kong ka atsea raa mak nguta tiiwinto. Kra rii na, apaiq raq maiq ümchu riiwa jüwai atsin, kriiti thun ka kongkhu laijong maq kham na doq rong laq; lanta tareko kiina wai wan tlo ronglaq nguta aming kuqto.

Acts 8:40

Philip raq apaiq ka Ashdod hiq niishe saüwa raütiitiq, saüwa kang she khana nguta takto. Kra chela miishe hali, apaiq ka Sisiria chela niishe wawanto. Lam na awa wan lam maq, apaiq raq Tsütsa Ahea ka chelatek na trahokuq wan wan riito.