2 SAMUEL 7:8 - ASII LAKDAP Bible (BSI)

⁸ “Arningkhan, ijaqshise Dawit ma, Ngi Tati Ajong Pinthumwe raq apaiq ma akha chongtiikang, ‘Ngi raq ümniika sku rüm rum na wakram na sitlaü kiiwa shea wan kang. Lata isengi Israilnok mung kra rümwan miitu wela miishe shong wan kang.

Hawa Naga Bible 2001

⁸ “Kvkhoc rvtueq Ngaz, Tvphaungc Tvsuip Yehowa rueq piq muex jungx tauk kvjaz, ngvy nvrc waz Dawid muex, ‘Mnoz kuex tvnx vnax nuex khelbuenx remx yaq wawc ngaz rueq mnoz kuex tvdung wvnc ruiux, Israel miqsaz guimz lawc jix muex tvyaungc phaungx.

2 SAMUEL 7:8 Referencias Cruzadas

2 SAMUEL 12:7

“Ümniikata kriiwe ka,” ngutiishe Nathan raq Dawit ma nguto. “Kiimaq Israilnok Tati Shiikeawe raq ümniima akha ngutlo: ‘Ngi raq ümniika Israil mung hokham ma shongkang. Kiimaq Saul jaqkhon mong wa tiichhii kuqkang.

2 SAMUEL 14:13

Kriinyung raq apaiq ma nguto, “Ikhla, ümniiraq Shiikeawe sengi mungmaiqse khuthaq na ashut ka jaram wa klo laü? Ümniiraq ümse shaq ümpuk wa adong ka maiqmung na wanshawe ma ajaki kra jamto jam na tiijang wan maü? Ümchaü ümniiraq jamlai wa ngulaü kra ümbomtsi kriimiili ümniinai ümniika ashutwe dea nguta tri toqtan tlaü riimak shea?

2 SAMUEL 23:1

Dawit ka Jesi se, Shiikeawe raq amang chong ra tsa ikha tiijong wantiiwe, Jakob Shiikeawe raq Israil mung na hokhamwe ma ashong wanwe. Apaiq kata Israil mung na shammi shinge tsomhea waiq wantiwe. Arjaq ara Dawit raq atiithum riisham bomtsi achong kuq:

2 SAMUEL 24:17

Dawit raq maiq tseabaiqti rase kra chhito. Kiimaq apaiq raq Tatiwe ma nguto, “Ngi ahata ajiqwe ka. Ashut klotiwe ka ngi. Ara mungmaiqse nyungwe nosekong riika jamlai ri tiibiti mak? Ümniiraq ngi ma nai ijamti thun ma sintsang ka tiiholaq.”

2 SAMUEL 5:2

Manna ji na, Saul ka naishiq ma hokham jashat niiphü dongdii min la, Israil mungmaiqse ka chiqkhat rekhat kai na ümniiraq shunshea wan laü ihata. Kiimaq Tatiwe raq ümnaq nangnga asenginok ka mishun shea wan haü kiimaq ümniika tsangshiq peng wanti ma mija wan haü nguta kiqkham kuqtaq ihata.”

2 SAMUEL 6:21

Kiijiishe Dawit raq treto, “Ngi ka Tatiwe shreng wan tiina wiinum nea kang. Apaiq raq ngi ka ümwe nai ata awii thun kra lai ma, asengi Israilnok mung khuthaq na wela ma shongto. Krai mren, ngi ka Tatiwe shreng wan wiinum nea wan ruqli mirha.

1 HOKHVMX 3:6

Kiijiishe Solomon raq treto, “Ümniiraq ümjaqshise iwe Dawit ma wranaiqshe lungwii tsantsii jonghea tiichhikuq wan laü. Kiimaq apaiq min ümwokhong na siti maiqshaq, ümniirai tiipumtlii, kiimaq tingting maq siwanto. Kiimaq ümniiraq apaiq ma ümlungwii tsii jonghea tiichhikuq tlaü kiimaq tsaqki maü phan maq mangchan wan tlaü. Laüta apaiq ma ase ashi kuq wan laü. Krai mren ase raq ümchaü apaiq pumsong ma awe changkhü na ngaraüta mung peng wantlo.

1 HOKHVMX 8:16

‘Ngi raq isenginok ka Ejip mung wa tsuq wan kang akhing miiphat, ümchaü niita, Israil mung na Ngi shomnoq chang Shomjam hai wan miitu chela ka ashi min tsea wan mang shaqli. Shatmaq, Ngi raq Dawit ümniikli isenginok kra peng wan miitu tsea wan kang.’”

1 KAÜWA WERAÜ 17:7

“Kra ningkhan Ijaqshise Dawit ma chonglaq, Ngi Ajong Thaq Na Ajong Pinthum Tatiwe raq apaiq ma chongtiikang, ‘Ngi ümniika skusekong riimrea wakram niiwa sheawan kang. Lata isengi Israilnok peng wan miitu wela ma shong wan kang.

1 KAÜWA WERAÜ 21:17

Raüta Dawit raq akha achu jaüto, “O Shiikeawe lei, ashut klotiwe ka ngi ara. Ngi raq maiq wea aming ka kuqkang. Riita ara miitsan miijan maiqse kong riika jamlai wa tiibita? Tatiwe lei, i Shiikeawe lei, ümniiraq ngi nai ijamti thun kriima mo ka tiiho laq. Laüta ümsenginok ka tiihang kuq laq.”

AMO LUIK DVP (AMOS) 7:15

Shatmaq Tatiwe raq, ngi ka nyamse rümrea wa tsea wanto. Raüta Tatiwe raq, ‘Ümniika isengi Israilnok phana walaq. Laüta riisham bomtsi ara chongkuq wakiq,’ nguta thaü kha maq chongtiikang.

Acts 7:46

Dawit raq Shiikeawe tsan ka tiiheali jaqshamto. Kriikha maq, Dawit raq Shiikeawe jaq wa, Jakob Shiikeawe kra siwan ma jam ashi haipha nguta aming jaüto.

1 SAMUEL 10:1

Kra raütiishe Samuel raq oliptsai hamlii tsabum kra lamto. Raüta Saul khupo na nyukto. Kiimaq akhakam na anü maq shupto. Raüta apaiq ma nguto, “Tatiwe raq ümniika asengi Israilnok peng ma tuwe miishe shongto. Ümniiraq asenginok ka mirüm haü. Kiimaq tsangshiq ka chiqse rewe tlotli jaqkhon mong wa mitiikhup wongkuq haü. Riita Tatiwe raq ümniika asenginok thaq na tuwe miidea shongto nguta sap chang saqse ka arthun arshe mihong tha wan:

1 SAMUEL 2:8

Apaiq raq miitsanti, botkhulai wa ra na dotlo, chamchao mong na siti ka tiichhanchhi wantlo. Apaiq raq tsangshiq lüwasetiim rai, kongshi tiichap ngatlo, raüta tsangshiq ka mungtu shiilangbi tiija wantlo. Mangjong hiq khamchong ka, Tatiwe rii; kriithun thaq na apaiq raq, mangjong hiq ka tiiqto.

1 SAMUEL 9:16

“Anap ranaiq ümchaü atinkhan akhing na, ngi raq Benjamin phan maiq weshi ümniipha na mitiiki kang; apaiq ka isengi Israilnok rümtiwe ma phumram kham maq bat laüta shong laq. Kiimaq apaiq raq tsangshiq ka Philistainnok jaqkhon mong wa mitiichhii kuq wan. Ngi raq isenginok chamchao ka chhikang she. Kiimaq tsangshiq raq ijaq wa khrum jaüjaü hoqsii trang wantaq thun ka tai kang she.”