2 SAMUEL 7:7 - ASII LAKDAP Bible (BSI)

⁷ Ngi ka Israilnok rai laü wan dam tiikang pat na, ngi raq isenginok khuthaq na welabi ümchuwa shongwan kang kriiwa, juwe miimin, tsangshiq raq ngi siwan chang jam Sedar pe maq jamto haikuq man nguta ümtiikiimin wai wan mang shaq.’

Hawa Naga Bible 2001

⁷ Israel miqsaz htenc rulc vdvmz nuex ngaz khuemx wvnc naungx tauk baung ruip saz nuex ruippulx maq vtvhungx shomc yuimx ngvy tvkoc yvmx ngoz tueq lac guirx muit, ngoz tueq ngaz rueq vtaq vyungx vlaungx bix muex mkaq muinz wiz mauk doc,’ ngoz tueq jungx tueq.

2 SAMUEL 7:7 Referencias Cruzadas

2 SAMUEL 5:2

Manna ji na, Saul ka naishiq ma hokham jashat niiphü dongdii min la, Israil mungmaiqse ka chiqkhat rekhat kai na ümniiraq shunshea wan laü ihata. Kiimaq Tatiwe raq ümnaq nangnga asenginok ka mishun shea wan haü kiimaq ümniika tsangshiq peng wanti ma mija wan haü nguta kiqkham kuqtaq ihata.”

1 KAÜWA WERAÜ 11:2

Man na Saul ka naishiq khuthaq na hokham jaji niimin, ümniiraq Israil mung ka rekhat na shun shea wan laü, kiimaq üm Tatiwe üm Shiikeawe raq ümniima asenginok ka ümniiraq mipeng wan haü, kiimaq ümniika tsangshiq hokham ma mija haü nguta kiqkham kuqto ihata,” nguta nguto.

1 KAÜWA WERAÜ 17:6

Ngi ka Israilnok rai wanhiq lam na alaü wan lam maq, Ngi raq welabi ümchu wa shong wan kang kriima, jangshi ra dongdii min ngi miitu maisak pe maq shomjam jamto haikuq man nguta ngu mang dea.’

ISAIA 40:11

Apaiq raq askukong ka sku riimti raq rümtlaq ikha miriim wan; apaiq raq sku ransetiim ka adam na mitriichum wan, raüta tsangshiq ka ajaq na mido wan; apaiq raq akaütiim ka chaosusu maq mishea wan.

ISAIA 66:1

Tatiwe raq ngutlo, “Ramungtan ka Ngi ngachang hokham ngacho. Kiimaq mangjong hiq ka ihok tiida chang hüda. Ümniiraq Ngi miitu jamkhiinok jam wa mihai kuq haü? Ngi sichang ka jamkhiinok hiq ba niiwa miklo haü?

JEREMIA 23:4

Ngi raq tsangshiq rümti mungtubi she mishong wan ha. Isenginok ka ahai asong ahü she miraq. Riimakla tsangshiq ka kiinyii mak she miraq. Kiimaq Ngi raq tsangshiq ka thongshi sintsang maq tsat kinong mang she mirha. Arka Ngi, Tatiwe raq toqtan tiikang.”

JEREMIA 3:15

Lata ngi raq namshiq pengti welabi ibom taiti mishong wanha. Kiimaq tsangshiq raq namshiq ka taksu tsü maq nai lungwii tsantsii miishe mipeng wan.

EJEKIEL 34:15

I skusekong ka Ngi raq iwokhong niishe mirüm kom wanha. Kiimaq Ngi tsangshiq tiibum chang hiqba aheahea rit lata tsangshiq ka niitiitsak mitiibumha. Arka, Ngi, Tati Rakaü Hiqwe raq ngutiikang.

EJEKIEL 34:2

“Maiqse lei, Israil mung rümti tuwebi ka tiinamtok tamlaq. Tsangshiq ma riisham bom maq tiithailaq. Tsangshiq ma, Ngi, Tati Rakaü Hiqwe raq jamlai mra wa tiiho tiikang kra chongkuqlaq: Namshiq ka miqlan she. Israil mung pengti sku rümtibi namshiq ka thenlan she! Namshiq raq maiqmii wokpo kli tiipaotlan. Skusekong ka shiili man.

EJEKIEL 34:23

Ngi raq tsangshiq ma ijaqshise Dawit ikha hokhamwe ashi mishong wanha. Kriiwe raq tsangshiq ka mirüm wan. Kiimaq apaiq raq tsangshiq ka aheawiq maq mirümkom wan.

Mikha 5:4

Apaiq she saüki raüla, Tatiwe ningkun aheng, akhum na sitlaq kriimaq, mung ka mipeng wan. Kiimahali Tati Shiikeawe khushü chhainyii heng maq, mung ka mipeng wan. Aphan amaq ka mung atsing miishe misi wan. Jamkhano ngukla mangjong maiqse kunli raq, apaiq jonglu kriishe misap wan.

Matthew 2:6

‘Judia wang wa Bethlehem chela lei, ümniika Judia wang na chela phong na akhek ashi; ümchela wa munglangti wela ashi michii, Apaiq raq i sengi Israil mung ka mirüm wan.’ ”

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

Acts 21:28

Tsangshiq raq, “O Israilnok singmung maiqse lei! Warong ra lii! Arwe ara tiinin tlo rong i!” nguta gitrang wanto. “Arwe ahata barap binrii na waraüta nokmaiqse tarü ma, Israilnok mung thaq na, Mosheq Thungtri thaq na kiimaq ara Shomjam arthaq na, ashut riiqkhiq traho bomchong kewanti we. Kiimaq liirong laq, ümchaü min apaiq raq Pongnok phan maiqsetiim ka ara Shomjam mong na shea wan raüta, ara Asii Shomjam arka tiisheshi baiq wantlo!”

TRI CHONGKE 23:14

Üm sichang piitiip ka apii ashan chang ahü asii maq thülaq. Jamkhano ngukla Tatiwe üm Shiikeawe ka ümniirai piitiip na ümnaq tiikhup wongke miitu sitlo. Kiimaq ümjaqtinok khuthaq na ümniima rekhat tiitangke wan miitu sitlo. Tatiwe raq lungwiimak phan, apaiq raq ümniika jai nong shungthü chang phan ashe ashi jaq ka naq shamkiq.

1 Peter 5:1

Ngi ka phungtu shunsheati maiqla weshi ngo maq, namshiq phungtu shunsheati maiqlare ma, ara bomtsi ara akhek tiitai rotiikang. Ngi raq i mak maq Khristo chamchao wantaq kra chhi kang she. Kiimaq Khristo ka ümtiikiiwa saüki nong jiiq, ngi riimin apaiq asii khushü, ngao, ningkun kra milap ha nguta kamto maq khelata sitiikang. Ara ningkhan, ngi raq ara namshiq ma tiitai tiipha ara.