2 SAMUEL 5:9 - ASII LAKDAP Bible (BSI)

⁹ Kra kiitelong maq aruk hiq kra jiiwan jai she, Dawit ka kiijiishe siwanto. Raüta kra chela ka, “Dawit Chela,” ngutiishe mangto. Apaiq raq chela ka kra tro na tei wanto. Kriika külase kriimaq shedong nünü siim na hiq tiima phongtaq ba kriimaq tiichap phawan raüta haipha wanto.

Hawa Naga Bible 2001

⁹ Nolaungx ghaqshungc kuex khvt taungx gay yix maq, kvruex baung kvyuq Dawid httax vtueq kvruex ngoc, “Dawid Ghaqyungx,” ngoz tueq muingc tueq. Piq rueq kvruex ghaqyungx tvroz nuiyc ghaqluimx maq shaldungc kox ghaq vtvmvrc buk shec htenc nuex guirx tvhungx taq tueq.

2 SAMUEL 5:9 Referencias Cruzadas

2 SAMUEL 5:7

Shatmaq Dawit raq Jajon chela kiitelong maq rukje kra khat raüta jiiwanto. Krai mren, kra chela ka “Dawit chela” ngutiishe mangto.

2 SAMUEL 5:8

Kra ranaiq Dawit raq asengi ma akha nguto, “Riita ngi raq Jebusaiqnok ka jamkho saisi tiikang kiikhiisii saisiti maiq arjaq asi shea? Raüta tsangshiq ka jiipbaiqti asi shea? Asi jiila, khamlam hiqsha lükaü mong kriimaq düwan lanta kra makchuk jaqkü kong kra khatwa rongkiq.” (Kra ningkhan tiina, “Makchuk jaqküti thun ka, Tati jam mong na nyap wa lot mak,”) ngutiishe bom chong sikitaq kra.

2 SAMUEL 6:10

Krai mren, apaiq raq Tongshong Tek ka apaiq rai Jerusalem na piwan mang li nguta thapthito. Krai mren, apaiq ka lamphai nü kiiniishe kiho raüta, Tongshong Tek ka Gath chela na sitiwe, Obed Edom jam kiijiishe thü wanto.

1 HOKHVMX 11:27

Riita Solomon rai hokham ngachang riijii manphan ka akha riito. Solomon raq Jerusalem chela shedong nü siim hiqba kiijaq hiq phong raüta hiq ka tiima phongto. Kiimaq Jerusalem chela kiitelong ruk thun kra tiihea hairea riito.

1 HOKHVMX 2:10

Dawit ka tsaito. Raüta apaiq maa ka Dawit chela na lapto.

1 HOKHVMX 9:15

Hokhamwe Solomon raq ningkun maq maiq ka di ma shiitai raüta Shomjam kra haito kiimaq apaiq sichang hokham jam kra tiihaito. Kiimaq chela shedong nü siim ba kiijaq hiq tiima tiiphongto. Kiimaq chela tro kiitelong ruk kra tiihaito. Kiimaq apaiq raq tsangshiq ka Hajur chela, Megiddo chela kiimaq Gejar chela thun kra tiihea hai wan nong miitu jam sha wanto.

1 HOKHVMX 9:24

Solomon raq Jerusalem chela wa shedong nü ba ka hiq phong raüta tiimato. Arka achak Ejip mung hokhamwe se lamtaq kra Dawit chela maq Jerusalem chela na Solomon raq tsangnyung ma hokham jam haikuqtaq kriijaq siwan jaishetiq hiq ka tiima phongto.

2 HOKHVMX 12:20

Hokhamwe Joash sengi siihiipbi raq apaiq tseabaiq miitu thiikho thuto. Raüta tsangnai wenai, Shimeath se Jojakar, kiimaq Shomar se Jehojabad raq apaiq ka Jerusalem chela shedong nü siim na hiq phong raüta jam ashi ahai kriijaq tsatbaiqto. Kra jam ka Silla hiq nü na kaihochang lam na riito. Joash maa ka Dawit chela na hokhambi machiim na lapto. Kiimaq ase Amajia ka apaiq pumsong hokham ma shongto.

1 KAÜWA WERAÜ 11:8

Apaiq raq kra chela ka tingsang atiihea hai she riito. Kra hiqkii maq shedong nü siim na hiq tiima raüta phong wantaq, kriiba maq tiihea hai pha wanto. Kiimaq Joab riika kra chela asok asiim thun kriishe tiihea haito.

2 KAÜWA WERAÜ 32:5

Hokhamwe raq chela tiiwong chang kiitelong ruk thun ka tiihea haito. Kiimaq rekhechang kongmong chong thun haito. Raüta chela tro ruk phai na ruk ka liipshi hali hai nongto. Arthun arthaq niimin, Jerusalem ma shedong nü siim na Jerusalem chela chii ba hiq phong raüta re tiiwong chang thun haitaq kra tiihea hainongto. Kiimaq apaiq raq pahea piq thun nai liiq thun tiihaito.

NEHEMIA 3:15

Kiimahali, Mijpa wang pengti Kolhoje se Shollum riika, Khamdü Kilamchong ba kra tiihea haito. Apaiq raq Kilamchong lam kra tiiham wandamto. Raüta kilü ka tiihea haito. Raüta kilü ka kilüchü tiihong chang ba kiijaq riikhaqli tiihong hainongto. Raüta kilü tiipha chang jinpan maq keabaiqto. Kiimaq kilü lachang jinpan thun tiihongto. Apaiq riika Shela Thamchum ba maq phaho raüta, hokham petsiro sonruk na saüli tiiham raüta, Dawit Chela ngutlaq hiq ba maq maiqkhum chang long hiqkhuphi lam kiijaq saüli tiihea haito.

Tvtsvmc 122:3

Jerusalem chela ka atiihea haikun she tsomhea atiidakjok kiimaq danglu dangjan.

ISAIA 29:1

Shiikeawe berong-wacha, Jerusalem ka miqto she! Dawit raq piitiip tei wan chang chela ka miqto she! Rawii wiishi lo wiinai lo ka misaü wan laq. Rawii liipan na phaq asea poi ümchu klo chang wa kra klo raüta milea wanlaq.

PHOWEBI 9:20

Shatmaq, kra riimak jiila, Abimelekh khum wa walü phok raüta, Shekhem chelati nai Bethmillo chelati thun ka, wa raq bunlak buncha mikhiim baiqlaq. Kiimaq Shekhem chelati khum wa kiimaq Bethmillo chelati khum wa watum phok raüta Abimelekh ka mikhiim baiqlaq.”

PHOWEBI 9:6

Kiijiishe Shekhem chelati nai Bethmillo chelati ka adam na pong raüta, Shekhem chela na asii berong ok chong ji kiina kito. Raüta tsangshiq raq Abimelekh ka hokhamwe ma shongto.