2 SAMUEL 5:10 - ASII LAKDAP Bible (BSI)

¹⁰ Apaiq ningkun ka wranaiq she henghea riiwan wan li riito. Jamkhano ngukla Tati Shiikeawe ka apaiq rai asi riito.

Hawa Naga Bible 2001

¹⁰ Tvphaungc Tvsuip Yehowa Tishox kuex piq rulc vdvmz httaz ningkhvnc nuex piq kuex vkhing ruip rawx hungc vlaungc yungx luz wvnc tueq.

2 SAMUEL 5:10 Referencias Cruzadas

RAPHA HIQWA LAK 21:22

Kra akhing na Abimelekh ka apaiq phentu jongwe pinthum Phikol rai kiraüta, Abraham ma nguto, “Ümniiraq phanrap jaqsham tlaü na Shiikeawe ka ümniirai asi.

2 SAMUEL 3:1

Riita Saul tahii rai pongti sengi phenlabi nai Dawit rai pongti sengi phenlabi liipan na re-riikhat ka rawii luhea na tiisaüli riikhatto. Shatmaq Dawit ka honghea riiwanwan jong wanto. Kiimaq apaiq jaqtibi ka ningkun jom wan wan she riito.

2 SAMUEL 7:9

Ngi ka ümnaq ümbano kitlaü kiijaq nongshnong kidamkang. Lata ngi raq ümniiraq ümtinkhan wa ümjaqtinok ka khat wan wan sinkhu na wawan laü, kra phan phan ngi raq wiita kunkun khatkuq wan kang. Lata tang wan kang. Ngi raq ümniika mangjong hiq na ümmang ka ra tsa ikha ajong pinthum miishe mitiija wanha.

2 SAMUEL 8:14

Apaiq raq Edom mung tlotli na phentiip pahea phoqto. Krai mren, kra mungti ka awansenok miishe jawanto. Tatiwe raq Dawit ka barapse na rekhat kitlaq ka tiitang wanruq riito.

2 SAMUEL 8:6

Raütiishe apaiq raq tsangmung na phentiip thun tei wanto. Krai mren, tsangshiq ka apaiq senginok miishe jawanto. Raüta apaiq ma tijong phunta she kuqto. Tatiwe raq Dawit ma barapse wa rekhat ka wiita tiitangkuqto.

YOBA 17:9

Aki miikiimbi nguta tiingoti thun ka, tsangshiq dea riikhaq li nguta tiima tlo.

Tvtsvmc 24:10

Ara ajong hokhamwe ka juwa? Tangwantlii Tatiwe - ajong hokhamwe ka apaiq kata!

Tvtsvmc 46:11

Tati Ajong Pinthumwe ka nashiq rai asi; Jakob Shiikeawe ka nashiq tiiwongketi.

Tvtsvmc 46:7

Tati Ajong Pinthumwe ka nashiq rai asi; Jakob Shiikeawe ka nashiq tiiwongti.

TAKSU LAK 4:18

Shatmaq kechu maiqse rilung lam ka, ranap na rashe dong wan tlaq ikha, ranaiq hoho rashekii ka, henghea riiwan tlaq ikha, liliim wantlo.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

HAGAI 2:4

Shatmaq namshiq raq kra liilanta tsaiji ka naqtran rongkiq. Shomjam tiihea hai wan jaqsham kriili shiikut ruq ronglaq. Ngi ka namshiq rairai.

Luke 2:52

Jesuq ka akhum nyea dang dang hea, kiimaq phaqchi lam na taksma maiqse ashi ma jawan raüta, jonglu wanto. Apaiq ka Shiikeawe lungwii wokhong maq nai maiqse lungwii wokhong maq, aheawiq se chhanchhi jonglu wanto.

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

1 SAMUEL 18:12

Saul ka Dawit ma ahai she riito. Jamkhano ngukla Tatiwe ka Dawit rai asi. Shatmaq apaiq ka miimbaiqto she.

1 SAMUEL 18:14

Kiimaq apaiq ka phanrap jaqsham wantlaq thun ka kunkun ongwan ruq she riito. Jamkhano ngukla, Tatiwe ka apaiq rai asi.

1 SAMUEL 18:5

Saul raq Dawit ka jamlai phan jaqsham kaiwa na seng raütiiwa tiiki tlaq kra, phanrap na, ongwan ruq shamkuq wanto. Kriikha niishe Saul raq Dawit ka asengi phenlabi khuthaq na siihiip ashi miishe shongto. Kra chhiraüta, Saul sengi phentubi nai phenlabi ka kai khoqriiqto.