2 SAMUEL 5:3 - ASII LAKDAP Bible (BSI)

³ Krai mren, Israil mung wa welabi thun tlotli ka Dawit phana Hebron chela na kito. Kiimaq apaiq raq tsangshiq rai pumshi nguta asii phumram kham maq ram tiibokto. Kiimaq tsangshiq raq Dawit khu na tel maq nyukto. Raüta apaiq ka Israil mung na hokhamwe ma shongto.

Hawa Naga Bible 2001

³ Kvkhoc rvtueq Israel vyungx vlaungx bix lotlaz kuex Hebron nuex httax yaq Hokhvmx waz Dawid kox nuex httuiuc kaz wuez tueq. Piq rueq muinz tsuinghez rulc vsawc bomc rv-khvmc taq vtueq, tsuinghez rueq piq muex ruimc tix maq shvy kuq ruiux piq muinz Israel hokhvmx yaungx wvnc tueq.

2 SAMUEL 5:3 Referencias Cruzadas

2 SAMUEL 2:4

Kiijiishe Juda mung wa mungmaiqse ka Hebron na kiraüta, Dawit ka Juda mung na hokham miishe shongto. Riita Dawit raq Gilead wang wa Jabesh chelati raq Saul maa ka saiqsamto nguta tsütsa ka taito.

2 SAMUEL 2:7

Phung achaq maq kiimaq srea nolabi simaq sironglaq! Nam hokhamwe Saul ka tsaikito she. Kiimaq Juda mungti raq ngi ka tsangshiq hokhamwe miishe shongto.”

2 SAMUEL 3:21

Abnar raq Dawit ma chongto, “Ümchaü ngi ka Israilnok mung na walata, Israil mung kunli ka, Chaü lei, ümwokhong na siisaq she mitsuq wanha. Tsangshiq raq ümniidea hokham nguta milang wan. Kriishe nguraü jiika, ümniiraq Israilnok mung kunli peng wanhajaq nguta tiima wan laü kriishe mihongwa krai mren mung tlot li ka ümniiriishe misiq wan haü.” Dawit raq Abnar ma, jamlai tiima chang ahü she nguta atiiwongke bom chongkuqto raüta apaiq ka hansang maq tiiwato.

1 HOKHVMX 1:34

Lantea kriijaq Jadok nai Nathan raq apaiq ka Israil mung thaq na hokham ma tel maq minyuk laq. Kra lantiishe lerong ka tsü rong laq. Lantea, ‘Hokhamwe Solomon ka rilung alu misilaq!’ nguta rütrang ronglaq.

2 HOKHVMX 11:17

Ramwe Jehoiada raq Hokhamwe Joash nai mungmaiqse ka Tatiwe sengi apaiq wokhong niidea misihai nguta Tatiwe tongshong mong na tiinyapto. Kiimaq apaiq raq hokhamwe nai mungmaiqse liipan niimin hokhamwe wokhong niidea misihai nguta tongshong wanto.

1 KAÜWA WERAÜ 11:1

Israil mungti kunli Hebron chela na Dawit phana kito. Raüta apaiq ma, “Naishiq ka ümngam napti kiimaq ümtiijai.

1 KAÜWA WERAÜ 11:3

Krai mren, Israil mungti welabi thun kunli ka Dawit phana Hebron chela na kito. Kiimaq apaiq raq tsangshiq ka apaiq rai pong wan dam asii ramkham kra tiibokto. Kiimaq tsangshiq raq apaiq ka ramkham maq nyukto, krai mren she apaiq ka Israil mung na hokham shongto. Arka Tatiwe raq Shamuel lümaq kiqkham kuqtaq kra phanphan she kupi wanto.

1 KAÜWA WERAÜ 28:4

Tatiwe, Israilnok Shiikeawe raq, ngi nai isaü isetiim ka Israil mung ka pattup pat-sa peng wan miitu welabi ma shong wanto. Apaiq raq Juda phan ka wela jawan miitu tsea wanto. Kiimaq Juda phan wa apaiq raq iwe tahii jamti ka tsea wanto. Riita naiwe raü phong wa apaiq raq lungwii raüta ngi ka Israil mung na hokham ma shongto.

2 KAÜWA WERAÜ 23:16

Ramwe Jehoiada raq Hokhamwe Joash nai mungmaiqse ka apaiq rai pong raüta tsangshiq ka Tatiwe sengi dea nguta tongshong kiqkham raütu khawanto.

NEHEMIA 9:38

Arthun chamchao riihum wan kai kha maq, naishiq Israilnok raq, kiqshi maq jaq phak na riihan laita, tri raü ka akhii she waiq thü kai. Krai mren, naishiq shunsheati mungtubi, naishiq Lewinok raq, kiimaq naishiq ramwebi raq, tsangshiq jaq maq ara tri raütu lakwaiq wankai arjaq mangkhat wanto.

DUNGWVNC 3:16

Kilaq. Laüta Israilnok welabi ka adam na triitamlaq. Laüta tsangshiq ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai sham riichhikito nguta chonglaq. Laüta tsangshiq ma Ngi ka tsangshiq phaniishe saüki kang kiimaq Ejip mungti raq tsangshiq ka jamkho haihiitlaq kriika chhikang she nguta chonglaq.

JOSHUA 10:36

Arjai miishe, Joshua nai asengi sreabi Eglon maq ku akin wang wa Hebron chela khat wa she wawanto. Raüta chela ka khatto.

PHOWEBI 11:11

Krai mren, Jephtha ka Gilead wangti welabi rai she wawan damto. Kiimaq mungmaiqse raq apaiq ka mung pengti ma kiimaq mungtuwe miishe shongto. Kiimaq Jephtha riimin Mijpa chela maq Tatiwe man na, apaiq wela jawan jaqsham kra khuthaq na tri ka shat thüto.

1 SAMUEL 11:15

Krai mren, tsangshiq tarü Gilgal chela na kihoto. Raüta kiijaq asii hiq ba maq Saul ka hokhamwe ma chiiriim raüta shongto. Tsangshiq raq rintii-honglu thun tato. Kiimaq Saul nai Israilnok kunli raq poi ka kloto.

1 SAMUEL 16:13

Kiijiishe Samuel raq olip tsai ka lam laüta Dawit khupo na aphutiim makki na nyukto. Tlothitli she Tatiwe wenyi raq Dawit khum ka rom wanto. Kiimaq kra ranaiq miiphat she wenyi ka Dawit rai siwanto. Raüta Samuel ka Rama chela na hali jang wan nongto.

1 SAMUEL 23:18

Krai mren tsangnai liipan na bomhuk silu jaqkhaq raütu kra khathüto. Dawit ka Horesh binjü niili sito. Kiimaq Jonathan ka jam na hali jang wan nongto.