2 SAMUEL 5:2 - ASII LAKDAP Bible (BSI)

² Manna ji na, Saul ka naishiq ma hokham jashat niiphü dongdii min la, Israil mungmaiqse ka chiqkhat rekhat kai na ümniiraq shunshea wan laü ihata. Kiimaq Tatiwe raq ümnaq nangnga asenginok ka mishun shea wan haü kiimaq ümniika tsangshiq peng wanti ma mija wan haü nguta kiqkham kuqtaq ihata.”

Hawa Naga Bible 2001

² Lvy wvnc tueq nuex Sholu kuex nuiyshiq hokhvmx yaungx tueq tanc jauz phuex Israel miqsaz htenc kuex ralx lungc nuex mnoz rueq shunshvlx wvnc toq, Yehowa rueq muinz mnoz rueq ngvy miqsaz htenc kuex shunshvlx vtueq guimz lawc jix waz yaungx rax ngoz tueq bomkhvmc kuq kv-phux,” ngoz tueq jungx tueq.

2 SAMUEL 5:2 Referencias Cruzadas

RAPHA HIQWA LAK 49:24

Shatmaq apaiq liq hiip ka nung mak phan, Kiimaq ajaq min thea mak phan Jakob Shiikeawe Ajong Pinthum ningkun maq, Sku Rümtiwe, Israilnok Tiichhiiti raq khrumtlo.

2 SAMUEL 6:21

Kiijiishe Dawit raq treto, “Ngi ka Tatiwe shreng wan tiina wiinum nea kang. Apaiq raq ngi ka ümwe nai ata awii thun kra lai ma, asengi Israilnok mung khuthaq na wela ma shongto. Krai mren, ngi ka Tatiwe shreng wan wiinum nea wan ruqli mirha.

2 SAMUEL 7:7

Ngi ka Israilnok rai laü wan dam tiikang pat na, ngi raq isenginok khuthaq na welabi ümchuwa shongwan kang kriiwa, juwe miimin, tsangshiq raq ngi siwan chang jam Sedar pe maq jamto haikuq man nguta ümtiikiimin wai wan mang shaq.’

2 SAMUEL 7:8

“Arningkhan, ijaqshise Dawit ma, Ngi Tati Ajong Pinthumwe raq apaiq ma akha chongtiikang, ‘Ngi raq ümniika sku rüm rum na wakram na sitlaü kiiwa shea wan kang. Lata isengi Israilnok mung kra rümwan miitu wela miishe shong wan kang.

2 HOKHVMX 20:5

Hejekia, Tatiwe sengi pengti phana walaq, laüta apaiq ma akha chongwakiq nguta tiiwato, “Ngi, Tatiwe, ümti Dawit Shiikeawe raq, ümnaq achu jaü ka taikang. Kiimaq ümmak phai satlaq kriimin chhikang she. Ngi raq ümthatsi ka mitiihea kuq kang. Kiimaq ranaiq tsam sijai na ümniika Shomjam na miki haü.

1 KAÜWA WERAÜ 11:2

Man na Saul ka naishiq khuthaq na hokham jaji niimin, ümniiraq Israil mung ka rekhat na shun shea wan laü, kiimaq üm Tatiwe üm Shiikeawe raq ümniima asenginok ka ümniiraq mipeng wan haü, kiimaq ümniika tsangshiq hokham ma mija haü nguta kiqkham kuqto ihata,” nguta nguto.

2 KAÜWA WERAÜ 1:10

Riita ngi raq tsangshiq ka rüm wan miitu taksu tsii nai anyan phaqchi kuqlaq. Kra riimak nguraü ka ngi raq ara ümsengi sang amang atinkhan pahea jonghea arka jamkho miriim wanha?”

ISAIA 40:11

Apaiq raq askukong ka sku riimti raq rümtlaq ikha miriim wan; apaiq raq sku ransetiim ka adam na mitriichum wan, raüta tsangshiq ka ajaq na mido wan; apaiq raq akaütiim ka chaosusu maq mishea wan.

ISAIA 55:4

Ngi raq apaiq ka wela ma shongkang, kiimaq mangjong tlotli thaq na phentuwe ma shongkang, kiimaq apaiq lümaq Ngi raq tsangshiq ma iningkun tiichhikuq kang.

EJEKIEL 34:23

Ngi raq tsangshiq ma ijaqshise Dawit ikha hokhamwe ashi mishong wanha. Kriiwe raq tsangshiq ka mirüm wan. Kiimaq apaiq raq tsangshiq ka aheawiq maq mirümkom wan.

Mikha 5:4

Apaiq she saüki raüla, Tatiwe ningkun aheng, akhum na sitlaq kriimaq, mung ka mipeng wan. Kiimahali Tati Shiikeawe khushü chhainyii heng maq, mung ka mipeng wan. Aphan amaq ka mung atsing miishe misi wan. Jamkhano ngukla mangjong maiqse kunli raq, apaiq jonglu kriishe misap wan.

WEAWEA 27:17

Kiimaq tsangshiq ka rekhat akhing na mipenglottiwe shonglaq, ümsenginok ka skusekong arümti ahü ikha simak chang.”

Matthew 2:6

‘Judia wang wa Bethlehem chela lei, ümniika Judia wang na chela phong na akhek ashi; ümchela wa munglangti wela ashi michii, Apaiq raq i sengi Israil mung ka mirüm wan.’ ”

John 10:11

“Ngi ahata maiqshaq sku rümti we. Skukong khupi ma atsai khamti we.

Hebrews 2:10

Riita, arka riikhaqli dea. Shiikeawe ka nashiq Tiiqtiwe. Kiimaq phanrap rümtiwe. Apaiq raq Jesuq ka, chamchao walü mong maq chen wanto. Raüta apaiq puk na nyap wantibi maiqse pahea ma, tiichhii wan lam tanketi we miishe tiijato. Arka Shiikeawe raq, Jesuq pum lümaq, maiqse angu thun tarü ma, apaiq achhai anyii khushü rilung ngao kra, triishake wan miitu tiikuri kuqto. Ara jamkhano chongtiikai ngukla, Jesuq ka tsangshiq tiichhiiketi we miishe tiijato.

1 SAMUEL 13:14

Shatmaq ümchaü sanha, ümniika Israil mung na hokham jaqsham ka shamlu maü she mirhaü. Jamkhano ngukla, ümniiraq apaiq aming jin laü. Ümchaü sanha Tatiwe raq apaiq raq lungwii tlaq, kra phan phan apaiq bomtaiti maiq ahinti weshi she mitsea. Raüta kriiwe kriishe asenginok pengti ma mishong wan.”

1 SAMUEL 16:1

Tatiwe raq Samuel ma nguto, “Riita ümniika, atinkhan atsaq min tsaq maü lailai, Saul miitu ka jamlai nguta jümiisea wa? Ngi raq apaiq ka Israilnok hokham ngachang wa ashleq baiq wishe. Riita, ümchaü min ümniika olip petsi tel phanshi lamho laüta, Bethlehem chela na maiq weshi Jesi ngutlaqwe phana kilaq. Jamkhano ngukla ngi raq asetiim phong wa weshi ka Israilnok khuthaq na hokham ma atsea wan kun she.”

1 SAMUEL 18:13

Kriikha niishe Saul raq Dawit ka ajam na tiiwabaiqto. Raüta phenlabi hingshi khuthaq na phentu ma shongto. Krai mren, Dawit raq asengi sheaho raüta rekhat kai kihoto.

1 SAMUEL 18:16

Shatmaq Israil mung na siti nai Juda mung na siti maiq loweatek raq Dawit ka pinthum lungwii wanto. Jamkhano ngukla, apaiq ka pinthum ongwan ruq maq mungsheatiwe.

1 SAMUEL 18:5

Saul raq Dawit ka jamlai phan jaqsham kaiwa na seng raütiiwa tiiki tlaq kra, phanrap na, ongwan ruq shamkuq wanto. Kriikha niishe Saul raq Dawit ka asengi phenlabi khuthaq na siihiip ashi miishe shongto. Kra chhiraüta, Saul sengi phentubi nai phenlabi ka kai khoqriiqto.

1 SAMUEL 25:28

Shiilangwe lei, ngi raq shutphit kang la jiila, i mra ka adii riikuq laq. Tatiwe raq ümniika hokham ma mishong wan, kiimaq ümsaü ümsetiim kiimin hokhambi ma mishong wan. Jamkhano ngukla, ümniika Tatiwe miitu rekhat tlaü. Kiimaq ümniiriika ajiq aphiq jaqsham ka klomaü.

1 SAMUEL 25:30

Kiimaq ümtiikiiwa Tatiwe raq ümniima ümchuwa ahea awa miklo kuqha nguta kiqkham kuqtaq, kra thun ka tiikupi wan raüla, raüta ümniika Israil mung na hokham miishe shong raüla,

1 SAMUEL 9:16

“Anap ranaiq ümchaü atinkhan akhing na, ngi raq Benjamin phan maiq weshi ümniipha na mitiiki kang; apaiq ka isengi Israilnok rümtiwe ma phumram kham maq bat laüta shong laq. Kiimaq apaiq raq tsangshiq ka Philistainnok jaqkhon mong wa mitiichhii kuq wan. Ngi raq isenginok chamchao ka chhikang she. Kiimaq tsangshiq raq ijaq wa khrum jaüjaü hoqsii trang wantaq thun ka tai kang she.”