2 SAMUEL 3:9 - ASII LAKDAP Bible (BSI)

^9-10 Tatiwe raq Saul nai asaü asetiim jaq wa mungtan ka nyeaho lata, Dawit ka Israil mung nai Juda mung na, siimko nü maq riita siimko nü na hamli khuthaq hokham miishe mishong wanha nguta kiqkhamkuqto she. Riita ümchaü min ngi raq, ara jaqsham ara tiikuri kuq wan mang la riihala, Shiikeawe raq ngi arka ikhupo na tiichhit ra tiq mibuk baiq laq!” ngutiishe Abnar ka tiitumto.

Hawa Naga Bible 2001

^9-10 Dawid rueq Sholu nuiyc piq suiuz vsaz hez yauk wawc mungtan kuex lvmz wvnc ruiux, mungtan tvsuip kox maq samx kox nuex httuiuc laz Israel nuiyc Yuda mungx nueyc wvtaungx nuex hokhvmx tvyaungc muex Yehowa rueq Dawid muex bomkhvmc taq tueq. Majuiuc kuex kvruex lvmz vsuing yaungx wvnc muq ngoz ruiux yuq, Tishox rueq ngaz muex murx mtvgurc kuq phueq!” ngoz tueq ramc tueq.

2 SAMUEL 3:9 Referencias Cruzadas

2 SAMUEL 19:13

Kiimaq Dawit raq tsangshiq ma Amasa miiri akha chonglaq nguta tiichong wanto, “Ümniika ijamti. Ümchaü ranaiq miishe ngi raq ümniika Joab la na, i phenlabi pengti phentu ajong pinthumwe miishe shong tiikang. Ngi raq ara klo mang la riihala, Shiikeawe raq ngi ka tiikhiq laq mibuk baiq laq!”

2 SAMUEL 19:14

Dawit bom tiichong wantaq kra tai raüta, Juda mungti kunli ka apaiq rai siisaq wiita tiihutjok pong wanto. Kiimaq tsangshiq raq apaiq ma asengi ajong alabi thun rai nongnong jang wan laq nguta bom tiichonghoto.

2 SAMUEL 3:35

Ranaiq minru mungmaiqse raq Dawit ma phanshi ra phaqsiq laq nguta tiipaiqnea chongto. Shatmaq Dawit raq atsidada maq akha sinkiitiq bomto, “Rashe micha shaq na ngi raq phanshi ra inü niila thiiha jiila, Shiikeawe raq ngi arka ikhupo arjaq tiikhiqlaqtiq mibukbaiq laq!”

1 HOKHVMX 19:2

Kiijiiseh Jejebel raq Elija ma tsütsa ka akhiishe tiichong wato: “Riita anap ranaiq atincho akhing na ümniiraq shammibi ka jamkho tsatbaiq laü kiikha ngi raq ümniika tsatbaiq mang riiha jiila, phrakong raq ngi ara tiitsailaq mitsat baiqlaq.”

1 HOKHVMX 2:23

Kra nguraütiishe Solomon raq Tatiwe mang na atiitum raütiishe, “Adonija raq ijaq wa ara jaütaq arkha na, ngi raq apaiq ka tiitsailaq tsat baiq mangla riiha jiila, Shiikeawe raq ngi armin tiitsailaq mitsat baiqlaq!

1 KAÜWA WERAÜ 12:23

Dawit ka Hebron chela na siji na sreabi rekhat asap atsinti thun pahea raq apaiq phen phung rai she pong wanto. Raüta apaiq ka Saul klai hokham ma shong wan na khrum kuqto. Arka Tatiwe raq apaiq ma kiqkham kuqtaq kra phan phan tiikupi wanto. Kra phenlabi phung ka achu riito: Juda phan wa phenlabi maiqwere rekhat atsin, liiq nai piq shamti ka 6,800 riito. Simeon phan wa phenlabi maiqwere rekhat atsinti ka 7,100 riito. Lewi phan wiika maiqwere 4,600 riito. Aron saüse phan Jehoiada sengi ka maiqwere 3,700 riito. Jadok ma tanyang senobi, jero jongbi nolabi ka 22 riito. Benjamin phan (Saul apaiq phan) wiika maiqwere 3,000 riito. (Benjamin phan wa mungmaiqse apako ka Saul rai li pongdam shat sito). Ephraim phan wa, tsangshiq phan welajongbi amang ra tsa ikha sitibi ka 20,800 riito. Shedong nü Wang na siti Manase phan wiika maiqwere 18,000 tsea raüta Dawit ka hokham ma shongkai tiikito. Isakar phan wa welabi ka 200, tsangshiq aming wokhong na maiq thun kriiri nongnong maq tiikito. (Ara welabi thun raq Israil mungti raq jamlai klo chang wa, kiimaq ümra akhing na klo chang wa kra asap). Jebulun phan wiika 50,000 riito. Tsangshiq ka maiqbomtaiti kiimaq rekhat kai miitu khekham maq siti, kiimaq phan phan rekhat chang hupsam kra sham smabi siisaq riito. Naphtali phan wiika welabi 1000. Tsangshiq rai phenlabi maiqwere ka 37,000 riito. Tsangshiq ka liiq nai piq doraq chhaq riito. Dan phan wiika phanrap rekhat atsin tlangje siisaq maiqwere 28,600 riito. Ashar phan wiika rekhat kai ma khekham siti maiqwere 40,000 riito. Kiimaq maiq phan Jordan rai maq shedong nü na siti phan wa, Reuben phan, Gad phan, kiimaq Shedong nü na siti Manase phan wiika maiqwere phanrap rekhat chang hupsam sham atsin sreabi ka 120,000 riito.

RUTHA 1:17

Ümnaq ümbano mitsai haü; kiijaq ngi min mitsai ha. Ümnaq lapchang ka imaa lapchang miraq. Ngi raq ümnaq baiqthüha jiila, Tatiwe raq ngi ma mra mikuq laq, i miisaq thum raütiq, üm wokhong wa mitiiphea lot!”

1 SAMUEL 14:44

Kiijiishe Saul raq apaiq ma nguto, “Ngi raq ümniika tsatbaiq mang riihala, Shiikeawe raq ngi ka mitsat baiq laq!”

1 SAMUEL 15:28

Kiijiishe Samuel raq apaiq ma nguto, “Tatiwe raq Israilnok mungtan ka ümjaq wa chaibaiqto she. Raüta maiq weshi, ümnaq thaq na maiqshaq sitlaq kriiwe miishe kiinong kuq baiqto.

1 SAMUEL 25:22

Anap ranap ra miwüshaq na, ngi raq kriiwa maiqwere thun ka weshi min tiichong mang maq jiipbaiq mang la riihala, Shiikeawe raq ngi ka tiikhiqlaq shetiq mibuk baiq laq!” nguta Dawit raq atsan na tiimato.

1 SAMUEL 28:17

Ngi lümaq man na ümniima jamlai bom wa chongkuqtaq kriishe ümchaü Tatiwe raq ümniima klo kuqtiishe kata. Apaiq raq ümjaq wa mungtan ka nyeahoto she. Raüta Dawit miishe kuqbaiqto.

1 SAMUEL 3:17

“Tatiwe raq ümniima jamlai wa chongta?” nguta Eli raq waito. “Ümniiraq ngi ma jamlai min naq paükiq. Apaiq raq ümniima bom ümchuwa chongtaq, kra wiita ngi ma chongmaü haüla, Shiikeawe raq ümniima mo jonghea mitiiho.”