2 SAMUEL 3:8 - ASII LAKDAP Bible (BSI)

⁸ Arkha na Abnar ka pinthum khiqto. “Ümniinga ngi raq Saul ka mitiishaü baiq ngutiisha tiima tlaü? Ümniiraq ngi arka Juda mung rai pong damtlo ngutiisha tiima tlaü?” nguta khiito. “Apha wan ranaiq miiphü ngi ka ümwe Saul wokhong na silata, kiimaq aphu anotiim rai, kiimaq akong akiimti thun rai silata jaqsham kuq wan kang. Kiimaq ümniika Dawit raq tang wan chang wiimin, ngi raq tiikhup wongkuq wan kang. Kiitinkhan jaqsham kuq wan kang kra taü miimin, ümniiraq ngi ma sumrai kha nyan tlaü nya!” ngutiishe Abnar raq Ishbosheth ma nguto.

Hawa Naga Bible 2001

⁸ Kvruex ningkhvnc nuex Abner kuex pinhtumc khaq vtueq piq muex ngoc, “Sholu muex ngaz rueq tvmtuing kv-phelc wvnc tueq ngoz tueq haz mnoz rueq tvmaung vshuiux? Yuda tvkoc ngaz rueq vsuingc suing lekuq vshaungx ngoz tueq haz tvmaung vshuiux? Ngaz kuex vphaungc maq phuex m-waz Sholu nuiyc piq phuz vnox hez nuiyc vkung vkamz jix htenc htauk nuex tvmtuing httax wvnc tauk, Dawid yauk mungx nuex httuiuc kaz muq laz juing ngaz rueq mnoz kuex palc wvnc phaungx; yuq muinz majuiuc raungnuiyq yalxjuik nyuiuz shiz ningkhvnc nuex mnoz rueq ngaz muex mvrax nyvnc vphux nyix!

2 SAMUEL 3:8 Referencias Cruzadas

2 SAMUEL 16:9

Abishai, anyung mang ka Jeruia kriiriishe hokhamwe nguto, “Chaü lei, ümniiraq ara kukuse arma ümniika jaram tiisontam tlaü? Ngi ka kiijaq riidoqli kilatli akhupo ka chumbaiqki pha!”

2 SAMUEL 2:8

Saul hokham phentuwe Ner se Abnar ka Saul se Ishbosheth rai kongshi maq Jordan rai re na Mahanaim chela na juto.

2 SAMUEL 3:18

Riita, ümchaü namshiq ma akhing ahea she saü wato. Tatiwe raq nguto, ‘Ngi raq isengi Israilnok ka Philistainnok jaq wa kiimaq maiqmung ahinti chiqse rewe jaq wa, ijaqshise Dawit lümaq mitiiwong kuq wan ha,’ nguta chongtaq kra namshiq ma tsan na tiitsang ronglaq.”

2 SAMUEL 3:9

Tatiwe raq Saul nai asaü asetiim jaq wa mungtan ka nyeaho lata, Dawit ka Israil mung nai Juda mung na, siimko nü maq riita siimko nü na hamli khuthaq hokham miishe mishong wanha nguta kiqkhamkuqto she. Riita ümchaü min ngi raq, ara jaqsham ara tiikuri kuq wan mang la riihala, Shiikeawe raq ngi arka ikhupo na tiichhit ra tiq mibuk baiq laq!” ngutiishe Abnar ka tiitumto.

2 SAMUEL 5:2

Manna ji na, Saul ka naishiq ma hokham jashat niiphü dongdii min la, Israil mungmaiqse ka chiqkhat rekhat kai na ümniiraq shunshea wan laü ihata. Kiimaq Tatiwe raq ümnaq nangnga asenginok ka mishun shea wan haü kiimaq ümniika tsangshiq peng wanti ma mija wan haü nguta kiqkham kuqtaq ihata.”

2 SAMUEL 9:8

Kiijiishe Mephibosheth ka thongshi ri hali hiq na bum raüta akha nguto, “Chaü lei, ngi khosho se ka kukuse maa khan min thek mang!. Alei ümniiraq ngi ma atinkhan mangchan ka jam nguto tiichhikuq tlaü?”

2 HOKHVMX 8:13

“Riita ngi ka kiitinkhan ajong alawe miika jamkho mija wan lot?” nguta Hajael raq waito. “Ngi ka jamtai raitiwe wa!” Kiijiishe, “Ümniika Siria mung hokham miishe mija haü nguta ngi ma Tatiwe raq tiichhikuqto,” nguta Elisha raq treto.

Tvtsvmc 76:10

Maiqse tsankhiq riika ümnaq tiitsamkam tiijong wan chang li saütlo; re jaqsong atiichongti raq ümnaq shomra poi thun kra milang wan.

ISAIA 37:23

Ümniiriika ju shummiitiikang ngutiiwa tiima tlaü? Kiimaq chuphit nüphit laüta ju wa shipoq tiikang ngutiiwa tiima tlaü? Ümniiraq Ngi asii Israilnok Shiikeawe ka shummii shaq shaq saisi tlaü.

TRI CHONGKE 23:18

Kiimahali, akha mephe jaq sham raüta alap kampho ka Tatiwe üm Shiikeawe jam na sinkiitiq kiqkham honglu na kewan maimak. Tatiwe raq sumla phra shomjam na mephe jaqshamti ka kai saisitlo.

1 SAMUEL 15:28

Kiijiishe Samuel raq apaiq ma nguto, “Tatiwe raq Israilnok mungtan ka ümjaq wa chaibaiqto she. Raüta maiq weshi, ümnaq thaq na maiqshaq sitlaq kriiwe miishe kiinong kuq baiqto.

1 SAMUEL 17:43

Krai mren, apaiq raq Dawit ma nguto, “Riita, kra pekiise ka jamlai riimiiwa sham tlaü? Ümniinga ngi ka kukukaü ngutiisha tiima tlaü?” Krai mren, apaiq raq shomnoq tlaq phrakaü mang chong raüta Dawit ma manson kiqsü she riito.