2 SAMUEL 23:16 - ASII LAKDAP Bible (BSI)

¹⁶ Kra nolajong wetsam ka haimak maq ahukse maq Bethlehem chela kiina, rewe Philistainnok piitiip mong lam kriimaq wawan raüta, kham ka khappong kiiwa khuho raüta Dawit ma lamkuq hoto. Shatmaq apaiq raq kra kham ka nyang mak dea riito. Shatmaq apaiq raq kham ka Tatiwe ma honglu na khoti raükuqto.

Hawa Naga Bible 2001

¹⁶ Muingc dung yaq shvrvyx waz thuimx kuex Philistin jerak mungx maq nyuip yanz wvnc vtueq, yuix jumx wawc yuix kuex khuz wvnc vtueq Dawid muex lvmz kuq wvnc tueq. Yuq muinz piq rueq yuix kvruex nuingx muq maq Yehowa muex shomc kuq vtueq ruiuc gay ruiux,

2 SAMUEL 23:16 Referencias Cruzadas

RAPHA HIQWA LAK 35:14

Kiijaq, Shiikeawe raq apaiq rai riibomtaq hiq ba na Jakob raq tsan na tiitsang chang man phan longkaü ashi shongto. Raüta kra longkaü ka spiqtai nai olip tai maq nyuk raüta ramto. Raüta Shiikeawe ma kiinong kuqto.

2 SAMUEL 23:9

Kriijai wiishe “Ajong Pinthum Wetsam” phong kriiwa nolajong wenai ngojawe kriika Ahoq weraü wa Dodo se Eleajar. Ranaiqshi Philistainnok ka arkhat ma nguta adam na thungto; Kriika apaiq nai Dawit raq khatto. Israilnok ka re raq jowan kiita jai niishe tiitong jangrai wanto.

1 KAÜWA WERAÜ 11:18

Kra nolajong wetsam ka Philistainnok piitiip mong maq ahukse maq nyap wan raüta Bethlehem na khamchum kiiwa kham ka khuwato. Raüta Dawit ma kuqhoto. Shatmaq apaiq raq kra kham ka nyangmak dea riito. Apaiq raq nyang rii na Tatiwe ma honglu na raükuqto.

THARC TVLUINGC 4:12

Weshi laqlaqseli nguraü ka, apaiq tsea wati saüwa raüla, apaiq raq tang mak miraq. Shatmaq wenai nguraü ka mitang. Raülo lotsam maq apa kriika, panthit panbaiq miika jemak.

AJONJÜ 2:19

Waruru tiidokiki laüta, Tatiwe man na hoqsii wan laq. Laüta ümsetiim miitu, ümtsan tsii ka bunki namnam, Tatiwe jaq wa tiikhup wongkuq liidea, nguta achu jaü laq. Nosere ram raq chiiheawea lam jong na, küram liira jiim wanto!

WEAWEA 28:7

Apha wa skuse krai spiqtai-honglu na, spiqtai litar shi ka berong-wacha kiijaq nyuklaq.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Romans 5:7

Kechu maiqse ashi sitlaq kra khupi miitu, maiq ahinti weshi ra raq ngi ka apaiq khupi ma mitsaiha nguta kiqkham wanli chap wan miika ajese ka riimak. Kra thaq na kaü raüta hali, maiqshaq weshi sitlaq kriiwe ka khupi wan miitu ngi mitsaiha nguta chap wanti maiq ka hum wan lot mai.

2 Corinthians 5:14

Naishiq ka Khristo lungwiitsii wokhong na siti. Riita ümchaü sanha, naishiq raq maiqse angu tarü miitu, maiq weshi tsaito nguta sap wan kaishe. Krai mren, apaiq tsaitaq kra rai maiqse angu wiita, apaiq rai chiimshi na tsai wanto nguta sap tiikai.

Philippians 2:17

Jursap, namshiq raq Shiikeawe ma kamtsantsii rüm tlan kha maq, honglu kuq tlan kiikha, ngi riimin Shiikeawe ma, i rilung ara honglu na akuq nyamse takuq tlaq ikha, tabaiq wan chang wa saü jiiq riila. Riita, kra ngohea dea li hongtha wan raü jiimin, ngi kla chochikhiq li. Kiimaq namshiq min, ngi rai adam chochi chang li.

1 SAMUEL 19:5

Apaiq raq Goliath tsattaq akhing na, atsai ma kham raüta khatto. Krai mren, Tatiwe raq Israilnok miitu rekhat jonghea tangkuqto. Kra chhilaüta ümniika pinthum khoqriiq laü. Riita, ikhla, ümchaü ümniiraq maiqsangwe khuthaq na jam nguto ashut klo dan tlaü kiimaq Dawit ka khühü lamhü na atseabaiq tantlaü?”

1 SAMUEL 7:6

Krai mren, tsangshiq tarü Mijpa chela na thungto. Tsangshiq raq kham wiijam do raüta Tatiwe ma honglu na nyukto. Raüta kra ranaiq ka ranaiq minru amang maq achu jaüto. Tsangshiq raq nguto, “Nashiq raq Tatiwe man na ngarai tangkai.” (Samuel raq Israilnok liipan wa kha ka Mijpa chela maq phokuqtlo.)