2 SAMUEL 23:10 - ASII LAKDAP Bible (BSI)

¹⁰ Shatmaq apaiq ka akhiismin riilüp mak, Philistainnok ka jaimu mimu khatto. Rekhat tsi raq ajaq wa nepjasai kaü kriimin thaqbaiq lot mak she ajaq ka atsin she riikito. Tatiwe raq kra ranaiq akhing na rekhat jonghea tang kuqto. Kra rekhat thumjai she, Israilnok ka Eleajar chapchang ba kiiniishe jangki nongto. Raüta rewe maphong dü wa huk asam thun kra chhut wanto.

Hawa Naga Bible 2001

¹⁰ yuq muinz piq kuex vjvp juing nuex dvyx jvp hvt maq vyauk htvllaz yaung kuex vyauk wawc kvlvmc muq laz juing Philistin miqsaz kuex thvt gay tueq. Yehowa rueq kvruex raungnuiyq tvtaungx wvnc yunghvlc kuq tueq. Rv-khvt kuex lot wvnc tueq nuex, Israel miqsaz htenc kuex Eleazar httax yaq baung nuex kaz vtueq, vthueyc vruez kaz nolaungx marrarc khoz vkhvy htenc kuex put wvnc wuez tueq.

2 SAMUEL 23:10 Referencias Cruzadas

2 SAMUEL 23:12

Shatmaq Shamma ka akhiismin haimak maq wakram kriijaq tro tri re ka khatto. Raüta tiiwongto. Raüta Philistainnok ka jiipbaiqto. Tatiwe raq kra ranaiq rekhat jonghea tang kuqto.

2 HOKHVMX 5:1

Naaman ka Siria mung phentu ajong pinthumwe. Apaiq ka Siria mung hokhamwe raq pinthum shrengtlo kiimaq kai shomratlo. Jamkhano ngukla Naaman lümaq Tatiwe raq Siria mung phenlabi ma rekhat pahea tiitangkuqto. Apaiq ka phentu ajong pinthum. Shatmaq apaiq ka akhum na thabitsi kriiraq chamchaotlo.

1 KAÜWA WERAÜ 11:13

Apaiq ka Dawit rai pong raüta Philistainnok ka Pas Dammin pumji maq khatto. Israil nok ka re ma hai ma apin ajin jurai wan tlaq akhing na, apaiq ka jaili rii na riito.

Tvtsvmc 108:13

Shiikeawe nashiq rai nguraü ka mitang i; apaiq raq najaqtinok ka mitangkuq.

Tvtsvmc 144:10

Ümniiraq hokhambi ma rekhat tiitangkuqlaü, laüta ümjaqshise Dawit ka tiichhii kuqlaü.

Tvtsvmc 68:12

“Hokhambi nai tsang phenlabi thun wiita apin ajin jutrangto!” Jam na siti jechakre raq sepat lopi riipheato;

ISAIA 53:12

Kra ningkhan, Ngi raq apaiq ma shreng jonghea ngachang mikuqha, kra ngachang ka ajong alabi kiimaq ningkun ajong hotibi phong na miraq. Apaiq raq arilung ka khoqriiq shishiiq maq kuqto, raüta abi maiqse kharii kra riisha wan damto. Apaiq raq ngarai maiqse pahea rilung kra la na tsaito, kiimaq tsangshiq mra ka midiikuqlaq nguta achu jaüto.”

Romans 15:18

Ngi raq bom ka kholam kholiiq chongkuq tiikang. Arka ngi lümaq, Khristo raq Pongnok phan maiqse ka, Shiikeawe puk na tiinyap wanto nguta chong kuq tiikang. Shiikeawe raq tsangshiq ka, trahokuq kang bomtsi kra tai raüta nai awang chang jaqsham tiichhi kuq wan raüta, apaiq puk na tiinyap wanto.

2 Corinthians 4:5

Naishiq raq maiqmii mang ka tiichong mai. Naishiq raq Jesuq Khristo ka Tatiwe, kiimaq naishiq ka Jesuq mang na, namshiq jaqshisetiim nguta sitiikai.

JOSHUA 10:10

Tatiwe raq Amoraiqnok ka Israilnok ka chhi raütli phiip ma tiitsaito. Krai mren, Israilnok raq tsangshiq ka Gibeon chela wa jiipbaiqto. Raüta tsangshiq ka pumchit na Beth Horon chela kiina saüli johoto. Kriimaq hiqmai nü na Ajeka nai Makkeda chela kiina tiisaüli joho raüta khatto.

JOSHUA 10:42

Joshua raq arthun hokhambi ka klang maq lakshi wa niili khat raüta tangto, raüta tsangshiq chela thun nai tsang mung thun ka jiiwanto. Jamkhano ngukla Tatiwe, Israilnok Shiikeawe raq tsangshiq miitu re ka khat kuqto.

JOSHUA 11:8

Tatiwe raq Israilnok ma rekhat ka tiitangkuqto. Israilnok raq tsangshiq khatto, raüta tsangshiq ka jowan raüta shekhu nü wang na Misrephoth Main chela nai Sidon chela na saüli khat wanto. Kiimaq shedong nü wang na, Mijpa tan binjü na saüli jowan raüta khatto. Israilnok raq re ka weshi min atra tiichong mak khatto.

PHOWEBI 15:14

Apaiq ka Lehi chela na saüwa kiitiishe, Philistainnok ka agilülü aju trang la apaiq phanü na jutrangto. Shatmaq tiihanghiiq miili Tatiwe ningkun raq ka rom wan raüta, apaiq ningkun ka henghea she riito. Krai mren, apaiq raq adü na ajaq nai akhum na akha raü thun ka wa na achaq railo ikhli panthit panbaiqto.

PHOWEBI 15:18

Kiijiishe Samson ka pinthum kham nyangtsi hea riito. Kra ningkhan, apaiq raq Tatiwe jaq wa akha achu jaüto, “Ümniiraq ngi ma ara rekhat jonghea tiitang kuq laü. Riita, ümchaü ngi ka khamnyangtsi riili she shea mitsaiha? Kiimaq ara thatsang maiqse Philistainnok riishea milap wan?”

1 SAMUEL 11:13

Shatmaq Saul raq nguto, “Ümchaü ranaiq ka jumin tseabaiq maimak. Jamkhano ngukla ümchaü ranaiq Tatiwe raq Israilnok tiichhiikuqto.”

1 SAMUEL 14:23

Raüta Bethawen chela binjü kra tleaphok khat wanto. Tatiwe raq Israilnok ka kra ranaiq rewe jaq wa tiikhup wongkuqto.

1 SAMUEL 14:6

Jonathan raq jerowe nangnga nguto, “Nanai ka thatsang maiqse Philistainnok phenlabi piitiip kiina saüli jin wan i. Jursap, Tatiwe raq nanai mokhrumke moraq miraq; apaiq raq khrum kuq raü ka, nanai laqlaqse, maiq atsapseli li jiimin, rekhat ka nanai ma mitiitangkuq, jamlai phan riimin tangta lot mak miraq.”

1 SAMUEL 17:53

Riita, Israilnok ka Philistannok jowan rü maq, jai jang niishe, tsangshiqnok piitiip ka wiita run wan raüta wawanto.

1 SAMUEL 19:5

Apaiq raq Goliath tsattaq akhing na, atsai ma kham raüta khatto. Krai mren, Tatiwe raq Israilnok miitu rekhat jonghea tangkuqto. Kra chhilaüta ümniika pinthum khoqriiq laü. Riita, ikhla, ümchaü ümniiraq maiqsangwe khuthaq na jam nguto ashut klo dan tlaü kiimaq Dawit ka khühü lamhü na atseabaiq tantlaü?”