2 SAMUEL 22:4 - ASII LAKDAP Bible (BSI)

⁴ Ngi raq Tatiwe ka hea kang, apaiq ngi ka rewe jaq wa tiichhiitlo; Tatiwe li tiitsam!

Hawa Naga Bible 2001

⁴ Yehowa kuex ngaz rueq gvl koq tueq, ngaz kuex ngvy ralx hez yauk wawc vpiq rueq palc wvnc phuex. Yehowa muex tvtsvmc wuez shuinz!

2 SAMUEL 22:4 Referencias Cruzadas

2 KAÜWA WERAÜ 20:22

Tsangshiq raq ashi ange she shitrang wan kiita sanha, Tatiwe raq re kong tsangshiq khat wa watlaq kra sunghü tsiihü phiip miishe tiitsaito.

NEHEMIA 9:5

Kra akhing na, mungmaiqse ma noqku lamsheati Lewinok ka arthun ara riito: Jeshua, Kadmiel, Bani, Hashabneiah, Sherebia, Hodia, Shebania, kiimaq Pethahia thun riito. Tsangshiq raq akha nguto: “Chap ronglaq, lanta namshiq Tati Shiikeawe ka shomnoq rong laq. Apaiq kli pattup pat-sa, tiitsam kam ronglaq! Apaiq mangchong khushü jonglu ka, hongtoshe nguta ahü; li jiimin, maiqse angu wiita raq, tiitsam kam ronglaq.”

Tvtsvmc 106:2

Apaiq raq ümtinkhan wa jonghea jaqsham wantaq kra juro michonglot? Jurwa apaiq ma hongli mitiitsamkuq lot?

Tvtsvmc 116:13

Ngi raq Tati ma spiqtai-honglu mikuqha, ngi tiichhiitaq kra miitu apaiq ma kechutum.

Tvtsvmc 116:17

Ngi raq ümniima kechutum honglu mikuqha; lata ümniima ngi achujaü honglu mikuqha.

Tvtsvmc 116:2

Apaiq raq ibom taitlo ngi raq apaiq heatiikangtek.

Tvtsvmc 116:4

Kiijiishe ngi raq Tatiwe heakang, “Ngi ümniima tiipaiqnea tiikang, Tati lei, ngi chhiilaq!”

Tvtsvmc 18:3

Ngi raq Tatiwe heakang, kiimaq apaiq raq ngi ka ijaqtinok jaq wa tiichhiikuqtlo. Tatiwe miili tiitsam!

Tvtsvmc 34:6

Ümkoq ümphaqti raq apaiq mang chongtlo, kiimaq apaiq raq tsangshiq bom tretlo; apaiq raq tsangshiq ka chamchao litkot wiita wa tiichhii kuqtlo.

Tvtsvmc 48:1

Tatiwe ka ajong kiimaq apaiq ka pinthum shreng chang nashiq Shiikeawe chela na, apaiq asii hiq lampo na.

Tvtsvmc 50:15

Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”

Tvtsvmc 55:16

Shatmaq ngi raq Tatiwe Shiikeawe jaq wa khrum achu jaükang, krai mren apaiq raq ngi mitiichhii.

Tvtsvmc 56:9

Ümra ranaiq wa ngi raq ümnaq heatiikang, Ijaqtinok jai na mijang wan. Arka ngi raq asapha: Shiikeawe ka ngi rai lomdamshat-

Tvtsvmc 66:2

Apaiq mangchong tiijong miitu shinge ronglaq; apaiq ma achhai anyii tiitsam kuq ronglaq!

Tvtsvmc 96:4

Tatiwe ka ajong pinthum kiimaq pinthum shreng chang; apaiq ka tisho kong wiita thaq na apa shreng chang.

Romans 10:13

Arka Asii bomtsi na chong tlaq ara phanphan hongtha wan tlo. Asii bomtsi na, “Juwa Tatiwe puk na nyap tlaq, kriiti ka mitiichhii kuq,” nguta chong tlo.

Revelation 4:11

“Ümniika naishiq ma Tati shaq tsitsü paq Shiikeawe! Khushü jong, shreng manto, kiimaq ningkun wiita ka ümniirii li she. Ümniili phanrap phansangti we, ümniiraq athithi na phanrap tiidongti we, kiimaq tsitsü raüchong shamti we ka ümniili she.”

Revelation 5:12

Raüta, tsangshiq raq tiihong raüta, arü ariiq lam maq akha shinge trangto: “Tsatbaiq taq Skuse ka maiqshaq. Apaiq ma arang, tsiiq anyam, taksu tsii, ningkun, shreng, khushü kiimaq kechutum ke thek tlo!”