2 SAMUEL 22:3 - ASII LAKDAP Bible (BSI)

³ I Shiikeawe kli ngi ma tiichhiiti, kiimaq ngi ka awokhong na hansang. Apaiq ka ngi tiiwongti liiq; Apaiq raq ngi ka khupwong kuq shat. Apaiq ka chhiiti; Apaiq raq ngi ka tiiwongtlo; kiimaq jasam piqsiiti wa, tiichhii kuqtlo.

Hawa Naga Bible 2001

³ Ngvy Tishox kuex ngvy tvkhup wungx kuy jix waz rvtueq, vpiq rulc vdvmz ningkhvnc nuex ngaz kvguing vtaungx. Vpiq rueq ngaz kuex lak vshiz ikhoc tuinggawx kuq vtueq; vpiq rueq ngaz tvguing vtueq tvwungx taq yaq. Vpiq kuex ngaz palc daungc jix waz rvtueq; ngaz muex tvwungx kuq ruiux yauk laungc yalawx jix kox wawc palc wvnc phuex.

2 SAMUEL 22:3 Referencias Cruzadas

RAPHA HIQWA LAK 15:1

Arjai maq, Abram raq riisham mak maq chhito kiimaq Tatiwe raq apaiq ma bom achong ka akha taito, “Naq haikiqjo, Abram la. Ngi raq ümniika haisi rasong mong wa khup wong kuq shat mirha. Kiimaq ümniima poksi jonghea mikuqha.”

2 SAMUEL 22:31

Ara Shiikeawe jaqsham ka minhap; apaiq bomchong ka tingting kappe akamsea chang! Apaiq ka awokhong na siwanti ma liiq;

2 SAMUEL 22:47

Tatiwe asi! ngi Chhiitiwe li tiitsam! Chii riimlanta chongrong laq; Ningkun henghea rümti Shiikeawe jonglu kra! Shiikeawe kli ngi chiiti!

2 SAMUEL 22:49

Raüta ngi ka ijaqti jaqkhon mong wa, tiikhup wongkuqtlo. O Tatiwe lei, ümniiraq ngi ma, rewe thun ka tiitang kuq laq; laüta jashun piqshunti maklii wa, tiikhup wongkuq laq.

2 SAMUEL 22:51

Shiikeawe raq apaiq raq ashong hokhamwe ma, rekhat jonghea tiitang kuqtlo; apaiq raq tsea raüta, ashong wanwe kiima, tiipit mak lungwiitsii tiichhikuqtlo, Dawit nai asaü asetiim ma, pattup pat-sa lungwii riimtlo.

2 SAMUEL 23:3

Israilnok Shiikeawe raq chongto; Israilnok tiikhup wongketiwe raq, ngi ma akha chongto: “Tri kappe tingting shamti hokhamwe ka, Shiikeawe aming phanphan, mung peng wantiwe ka,

Tvtsvmc 14:6

Ashut kiimungtibi raq wepuq wese jaqsham kra tangtatlo, Shatmaq Tatiwe ka apaiq tiiwongketi.

Tvtsvmc 140:1

Ngi tiichhiilaq, Tatiwe lei, abi kiimungti jaqkhon wa; jasam piqsiiti jaq wa ngi tiiwonglaq.

Tvtsvmc 140:11

Jurwa maiq ka kha ahü na arot akiq kha nyan raüta tiishuttlaq kriiti ka phanrap na ong mak mirlaq; abi rathaiq raq tiimiqchup mibok wanlaq raüta tsangshiq ka mitiithen baiqlaq.

Tvtsvmc 140:4

Ngi khupwonglaq, Tatiwe lei, abi kiimungti jaqkhon wa; tatso wawoti maklii wa tiiwonglaq, tsangshiq raq ngi tiideabaiq ma thiikho thutlo.

Tvtsvmc 142:4

Ngi raq ngi tro na liikangla, ngi khrumketi ka jumin ahü chhimang, ngi tiiwongketi ka jumin ahü. Ngi liiketi ka jumin ahü.

Tvtsvmc 144:2

Apaiq ka ngi tiiwongti kiimaq ngi tiichhiiti, ngi tiiwong chang kiimaq ngi chhiiti, ngi tiiwongke miitu apaiq miili kamtiikang. Apaiq raq maiqmung thun ka iwokhong na jamshatlo.

Tvtsvmc 18:2

Tatiwe ka ngi tiiwongti; apaiq ka ngi ma peruk weshaü jonghea. I Shiikeawe ka ngi tiiwong chang, kiimaq ngi ka apaiq rai ngi ka tiikhup wongshat. Apaiq raq ngi ka liiq ikha tiiwongkuqtlo; apaiq raq ngi tiichhiitlo kiimaq ngi ka khusang thütlo.

Tvtsvmc 27:5

Chamchao ranaiq na apaiq raq ngi mitiiwongkuq; apaiq raq ngi ka apaiq Shomjam na tiiwongkuqshat miraq, kiimaq longkaü diiluwiq thaq na tiiwongshat mitiinga.

Tvtsvmc 28:7

Tatiwe raq ngi khupwong kuqtlo kiimaq tiichhiitlo; ngi raq apaiq ma kamtiikang. Apaiq raq ngi khrumtlo kiimaq ngi tiichochitlo; ngi raq apaiq ka chojong chise shinge lata shomsiq tiikang.

Tvtsvmc 3:3

Shatmaq, O Tatiwe lei, ümniika haisi ranaiq ngi tiikhup wongketi; ümniiraq ngi ma rekhat tiitang kuq tlaü laüta ngi ma srea ningkun shoqkuq tlaü.

Tvtsvmc 32:7

Ümniika ngi tiipaükai chang ba; ümniiraq ngi ka chamchao wa mitiichhii haü. Ngi raq tiihong lata shinge tiikang ümniiraq ngi chhiikuq laü kra, jamkhano ngukla ümniiraq ngi tiiwongkuq tlaü.

Tvtsvmc 46:1

Shiikeawe ka nashiq tiiwongti kiimaq nashiq ningkun, chamchao akhing na khrumke miitu wranaiqshe khekham sitlo.

Tvtsvmc 46:11

Tati Ajong Pinthumwe ka nashiq rai asi; Jakob Shiikeawe ka nashiq tiiwongketi.

Tvtsvmc 46:2

Arningkhan nashiq ka haimai, hiq ka tiibai wan raü min kiimaq pum thun ka sammoktra chum mong na tham wan raü min;

Tvtsvmc 46:7

Tati Ajong Pinthumwe ka nashiq rai asi; Jakob Shiikeawe ka nashiq tiiwongti.

Tvtsvmc 5:12

Tatiwe lei, ümwokhong na siti ka shiiman kuq laq; ümmang chan lümaq tsangshiq ka khup wongkuq tlaü.

Tvtsvmc 55:9

Ijaqtinok traho bom ka wiita brak baiq laq, O Tatiwe lei! Ngi raq jasam piqsii kiimaq mungbrak chela mong na chhitiikang,

Tvtsvmc 59:16

Shatmaq ngi raq riiwe kla ümningkun tiitsam mishi siqha; wranaiqtek tiipitmaü phan ümlungwii rümtlaü kra tiihonglata mishisiqha. Ümniika ngi tiiwongti, ngi ma chamchao akhing na tiiwong ngachang tiip.

Tvtsvmc 61:3

Jamkhano ngukla ümniika ngi tiiwongti, ijaqtinok jaqkhon wa tiiwongketi henghea.

Tvtsvmc 71:7

Irilung ka nanok pahea ma lamsheaketi, jamkhano ngukla ümniika ngi tiiwongketi ningkun aheng pinthum riilaü.

Tvtsvmc 72:14

Apaiq raq tsangshiq ka maiqdi maiqma ikha tiichamchaotlaq kiiwa jasam piqsii mong wa dokda kuqtlo, jamkhano ngukla tsangshiq miisaq ka apaiq ma rahea.

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

Tvtsvmc 84:9

Naishiq hokhamwe ka shiimanlaq, O Shiikeawe lei, ümniiraq ashonghaü hokhamwe ka.

Tvtsvmc 86:14

Ashkongtamli maiqkong raq ngi longwanto, O Shiikeawe lei; mat-saü tsasekong raq ngi tseabaiq tantlo-ümnaq broriimakti raq tamwanto.

Tvtsvmc 9:10

Ümnaq asapti raq Tatiwe ümniima mikam; ümwokhong na nyap wati ka ümniiraq thaqbaiq maü.

Tvtsvmc 9:9

Tatiwe ka disaü mase tiiwong chang tiip, chamchao ranaiq khupwong changtiip.

DUNGWVNC 15:2

Tatiwe ka ningkun aheng ngi tiiwongti; apaiq raq ngi khupwongto. Apaiq ka ngi Shiikeawe, kiimaq ngi raq apaiq mitiitsamha, iwe ma Shiikeawe, kiimaq ngi raq apaiq jonglu mishiha.

TAKSU LAK 18:10

Tatiwe ka, nganghea kongmong chong ikha; kechu maiqse tiiwong juchang, haihü songhü angasea ma.

TAKSU LAK 30:5

“Shiikeawe raq akiqkham, tsishi min tiikhea mak, tiikutlo. Awokhong na siti wiita ma, apaiq ka akhup wongti liiq.

ISAIA 12:2

Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

ISAIA 32:2

Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.

ISAIA 45:21

Warong ra, lantea namshiq kha ka rung na shok wa rongkiq; kha phoketi liipan na bom mirwaisolaq. Rathup niiphü akha mihong wan nguta juro tiithaita? Kriika Ngi, Tatiwe, asenginok chhiitiwe raq tiithaito riimak shea? Arjaq tisho ahin ka ahü.

JEREMIA 16:19

Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

JEREMIA 16:9

Ngi Ajong Pinthum Tatiwe, Israilnok Shiikeawe raq jamlai bom chongke chang wa sitlaq kra tailaq. Ngi raq chojong chise maiqnai trang kiimaq khoqriiq shishiiq wiinum shewa maiqlam polotlaq kra wiitashe mitiitsaq baiqha. Armung na siti maiqse raq ara chong tiikang mra pin ka michhi.

Luke 1:47

I tsai i ji sanglili kai chochi, Shiikeawe ka ngi Chhiiti.

Luke 1:69

Apaiq raq nashiq Chhii wanti Ajong ashi tiisaüto she. Apaiq ka ajaqshi se Dawit weraü phan wa.

Luke 1:71

Apaiq raq nashiq ka chiq se rewe jaqkhon mong wa, mitiichhii kuqha nguto. Nashiq ngengseng wanti maklii wa, mikhup wongkuq wanha nguto.

TRI CHONGKE 32:37

Kiitiikaq Tatiwe raq asenginok ma miwai, ‘Namshiq raq kam wan lan ningkun aheng phra kong ira ümbano?

TRI CHONGKE 32:4

“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.

TRI CHONGKE 33:29

Israil lei, ümniika kopan jonghea! ümnaq akha maiq jumin ahü, Tatiwe raq atiichhii wan mung ashi. Tatiwe apaiq kli ümliiq kiimaq üm nepja, ümnaq tiiwongketi kiimaq ümniima rekhat tiitangketi. Ümjaqtinok ka tiihang kuqlaq nguta ümman na mitiipaiqnea, kiimaq ümniiraq tsangshiq ka hok maq nishishi mirhaü.

Titus 3:4

Shatmaq, Shiikeawe nashiq Chhiiti we raq, maiqse angu tarü miitu apaiq lungwiitsii nai mangchan tsii jonghea rüm tlaq kra, nashiq ma tiichhikuqto she. Kra akhing ranaiq na nashiq ka chhii wanto she.

Titus 3:6

Shiikeawe raq Asii Wenyi ka nashiq khum na, nashiq Chhii wanti Jesuq Khristo lümaq, asho awo raükhokkhok kuqto she.

Hebrews 2:13

Apaiq raq akhmin chongtlo, “Ngi ka Shiikeawe wokhong niili misiha.” Kiimaq apaiq raq, “Ngi ka Shiikeawe raq ngi ma akuq asetiim rai adam niishe shonga tiikang,” ngutiimin chongtlo.

1 SAMUEL 2:1

Hanna raq akha achu jaüto: “Tatiwe raq imongjii na, chochi asho awo kuqto; ngi ka kai chochi, apaiq raq ngi ma klo kuqto! Ngi raq ijaqtibi naikü tiikang, ngi ka pinthum khoqriiq tiikang, Shiikeawe raq ngi khrum kuqto!

1 SAMUEL 2:2

“Tatiwe khan asii jumin ahü; apaiq khan jumin ahü, nashiq Shiikeawe khan chhiiti jumin ahü.